مجاراة

مجاراه لقصيدة الشاعره حنان الحربي

على لحن الوجود اللي يبي له=حضور ومفرداتٍ مستحيله
سلام يوقّره كل عاقل=مجال الشك لايمكن يجي له
على مهر الحصان اللي مؤصل=أبوه وشدّني يمّه صهيله
لأنك في عيوني مثل إختي=وجسّاس يتفاخر بالجليله
يقدّم لأجلها ماله وحاله=إذا حمْي الوطيس وشْد حيله
عسى الله يحرسك من كل حاسد=ويبعد عنْك أصحاب الرذيله
ويحفظْ لك حبيبٍ تعشقينه=لأن الفانيه جدْاً ضئيله
وإذا ناور وشاور فيك نفسه=على أنه بس يلقى لك بديله
ورب البيت مايفقه ولا هو=من اللي يستحقون الأصيله
أنا والله ما أعرفك ولكن=ردودك تنسبك لأهل الفضيله
فراسه والفراسه فيْ فطره=على نهج الرجال أهل الجميله
ولا أرجي منك لو حتى ثنائك=لأن القلب يخشى من نزيله
ماهوب خوف لكن عهد قاطع=على نفسي خذيته في سبيله
لأن الحب لو له وصف ممكن=أنا أشهد إنها هي سلسبيله
أنا آسف على مجارات شعرك=لو إني قلت لك مافيك حيله

عبدالملك الرحيلي

بيض الله وجهك ياعبدالملك

شاعر تكتب الجميل والجميل فقط

أخي عبد الملك

قصيدتك جميلة جداَ

ولم تتجاوز المعاني السامية

والشاعرة حنان تستاهل الثناء

تحياتي للجميع

صح لسانك

وبيض الله وجهك

بس القصيدة اللي مجاريها وش هي..؟

قصيدتك رائعة ومافيك حيلة

بعدين يا أخوي عبدالملك
المجاراة مافيها أي شي

بل هي دليل للقصيدة الاصل أنها أعجبت الشعار فجاروها بقصائد

فهذا يدل أن قصيدة أختنا حنان جميلة وأعجبت الشعار فتفخر هي بذلك

والقصائد المميزة والجميلة فقط هي التي تجارى

فأرى مافيه داعي للأسف في المقدمة


وبالنسبة لقصيدتك

صح لسانك مدد بلا عدد

قصيدة رائعة

ولا أرجي منك لو حتى ثنائـك
لأن القلب يخشى مـن نزيلـه
ماهوب خوفٍ ولكن عهد قاطع
على نفسي خذيته فـي سبيلـه
لأن الحب لو له وصف ممكـن
أنا أشهد إنها هـي سلسبيلـه
أنا آسف على مجارات شعـرك
لو إني قلت لك مافيـك حيلـه



اخي الشاعر / عبد الملك الرحيلي

بل يجب ان نثني عليك كثيرا

فأبيات صافيه ونقيه كصفاءك

والجميله / الشاعره حنان الحربي

تستاهل كل خير فقد أبدعت كثيرا في نظمها وانت ابدعت في مجاراتها بأبيات رائعه

لا تتاسف على المجاراه فوالله انها تدل على روحك الطاهره

ولا احد يعرف حنان أكثر مني فهي بمنتهى الطيبه والكرم

شكرا على إمتاعنا يا عبدالملك

ووصح لسان حنان ايضا التي جعلت تنشد لنا هذه المشاعر الأخويه

0
0
0

وعليكم السلام ورحمة الله وبركاته

0
0
0

قمة الروعه ... مجاراه تستحق الاشاده ... وصحت السنتكم وسلمت افكاركم جميع

0
0
0
وهذا الرابط

للقصيده

http://www.alhroob.com/vb/showthread.php?t=14757

0
0
0
تحيتي

أخي عبد الملك مجاراة رائعة من شاعر جزل
صح لسانك وسلم بنانك ودام بيانك
تقبل تحياتي وتقديري

صح السانك ولاهنت


قصيده رائعه من رائع


لك تحياتي

صح لسانك و بيض الله وجهك على هذه القصيدة