(( قلته وأنا من ( حرب ) زاكين المناسب والمراد )) عيد بن سمير المزيني وقصيدة جديدة ...

السلام عليكم ورحمة الله وبركاته
أيها الإخوة الكرام : روّاد هذا الملتقى الحربي:

(+( ملتقى قبيلة حرب )+)

من الأعضاء والزوّار الكرام .. يسرني ويشرفني أن أقدّم لكم هذه

[+[القصيدة الجديدة]+]

والتي جادت بها قريحة الشـــــاعر المعروف :

(+( عيـد بن سميـر المزيني الحربـي )+)

وهي تعبــّـر عن نفسها , بالإضافة إلى أنها لم ترى النور من قبل هذا العرض لها بالملتقى , وكلــّـي أمل بأن تحوز على رضاكم وأن يستمتع بها كل من ألقى نظرة ٍ على هذا المتصفح ..
يقـــول :

بسم الإله اللي رفع سبع ٍ شداد بلا عماد=يعود له كل الأمر ببدايته ونهايته
أحيى أمم وأفنى أمم من غير (إرم ذات العماد)=والإنس هم والجن مخلوقين لأجل عبادته
المنفرد بإرادته إذا أشاء شي ٍ وأراد=ما غيره أحد ٍ يـَمـْثـِلـِـه جلّـت سماته وصفته
أسالك التوفيق ودروب الهدايه والرشاد=المؤمن اللي يطلب الغفران تمحى سيــّـته
إليا إجتهدنا بالعمل والصبر والدنيا جهاد=ما عاد تلحقنا حسوف من الزمان ونيـّـته
للشــّـعر فوح ٍ من مكاسيره مثل فوح الزباد=والصدق كل ٍ يقبله والكذب كل ٍ يمقته
سلام يادار الرساله والنبوّه والجواد=يوم إصطفانا الله بعث فينا محمد لإمـّـته
صلـّـوا عليه وسلــّموا ياسامعين أخير هاد=نبينا نمشي على نهجه ونتبع سنــّـته
وسلام يامنبر فخرنا عزّنا شيخ البلاد=مليكنا بقلوبنا يكبر وتكبر هبيته
إبن الزّعيم اللي حمى ميدانها يوم الطــّـراد=(عبدالعزيز) الفيصلي ليت المنايا نسيته
نعشق مديحه عشقة الصـِّـيـَّـام لهلال العياد=كل العيون تخايله بحلول ساعة طلــّـته
أسـس كيان ٍ مايبيــد إلا لامن الكــون باد=أبهر ملوك العالمين بحنكته وبحكمته
ذخره رجال ٍ هـم حلي إزمامهــا في كل ماد=في ظل عاهلنا السعودي حقق الله رغبته
مليكنا اللي ضـم صدره شعب في (واحد فؤاد)=صغارنا وكبارنا لهم الفخر في بيعته
( عبدالله ) اللي ياصل الهقـوة لامن العلم زاد=المسلم اللي يحلمون أسياد الأرض بجنته
(يا خـادم البيتــين) ياعـز العروبه والعتاد=دايم وطيبه نظرته ( وأم القرى ) هي قـِـبـْلـِته
رجل (الحضارة, والتطوّر, والعدل, والإقتصاد)=جميعنا سمع ٍ وطاعه له أذان ٍ منصته
أنجز مشاريــع البناء والله عليــه الإعتماد=لأجيالنا المستقبليـّـه حي والله نظرته
ولي عهـده درعنا ذخـر الوطـن بإسمه يشاد=وزير قوّتنا عسى الله ينصره ويثبــّـته
( سلطان ) أبو خالد سمو الإبتسامـه والوداد=بسمة صباح ٍ تبتهج بالكون كلــّـه بسمته
سحب الكرم ( كـَفـّـيـْـهْ ) جود الخير به سلطان جاد=عطيـّـته لاجت بلد كامل بما فيه أغنته
دون الوطن نذود مثل فعول ( طارق بن زياد )=هذا وطنا ( واهل العوجاء ) الملوك سيادته
عن غيرنا تمييزنا فرق البياض إعن الســّـواد=قبلة شعوب المسلمين الدار هذي ميزته
في كل ناس ( الكوره الأرضيه ) بحضر وبواد=أي سعودي كان محسود ٍ على سعوديــّـته
قلته وأنا من ( حرب ) زاكين المناسب والمراد=يومن كل ٍ يفتخر عند الرجال بعزوته
حنا الولا بأرقابنا من يوم كنا فالمهاد=رجـّـالنا يرث الفخر ويورّثه ذرّيته
شعر ٍ بليا روح وأقرب ما يقارب له جماد=وشعر تقول الله بذاكرة العباد منبـّـته
الله يحمانا من أشرار الفتن وأهل العناد=[ إبليس ] كم واحد دخل (نار الجحيم) بسبــّـته
يازمرة ( التظليل ) وأصحاب المئاسي والفساد=ما يقتل المسلم إخوانه (لا) ولاأبناء جلدته
(المنتحر) بالنار هذا ما علمنا به وكاد=اللي تناولته يدين أهل الضلال وظلـّـته
ياقرّة الأعيان يالشــّـبان فلذات الكباد=جميعكم كل ٍ ترى ملـّـة محمد ملــّـته
إيدين الأشرار الدنيئه ليش ؟ خلوكم (مواد)=الرجل ما يقتل (بَـنـُوْ دينه) ويهدم بـُنـْيـِته
الرجل يسعى للمعالي والعلا في كل واد=يفيد الأمه كلها في نظرته وبرؤيته
عسى الكلام اللي نظمنا من سمع فيه إستفاد=صلـّـوا على اللي بيته (بيثرب) وخضراء قبـّـته

الشــــاعـــــــــــــــــــر //
(+( عيد بن سمير البشري الحربي )+)

	أبن القبيلة يعطيك العافية و بارك الله فيك و صح لسان الشاعر عيد بن سمير و هو شاعر غني عن التعريف

صح لسان الشاعر عيد سمير

والله يبيض وجهك على نقلها الرائع

صح لسان قايلها

وبيض الله وجهك يابوفهد على القصيدة

صح لسانك يابوفهد

بيض الله وجهك

اتمنالك التوفيق إن شاء الله

أخيك ابوروان

	صح لسان قائل القصيده وسلم من نقلها لنا وانت دائم ماتجيب الاالجزل تسلم يابن القبيله اخوك /عيسى

صح لسان قايلها

وبيض الله وجهك على القصيدة

صح السانك وبيض الله وجهك قصيدة رائعه

منقول رائع

السلام عليكم

هلا فيك أخوي ابن القبيلة

أبن القبيلة

الله يعطيك العافية على نقل هذه القصيدة الرائعة

و صح لسان الشاعر عيد بن سمير

لك التحية والتقدير..

المحمد..

صح لسان الشاعر

وسلك بوحه

وعطاك الله العافيه على النقل