تعريف بسيط عن فن ولون المجالسي مع الأمثلة

السلام عليكم ورحمة الله وبركاته
هذا طلب من شاعرنا أسامة المغامسي
شاعرنا بخيتان
صح السانك
دائماً مبدع
ياليت اخوي بخيتان تعطينا فكره عن المجالسي
شروطه مثلاً والمناطق الّتي يشتهر بها هذا اللون
لنستفيد ويستفيد القاريء
وبارك الله فيك وهذه نبذة بسيطة عن هذا الموروث الشعبي مع بعض الأمثلة من المجالسيات لبعض الشعراء
أما الموال هو فن من الفنون الشعبيه يسمى المجالسي وكان فالسابق ولايزال مستقل لوحدة وإن كان يمارس بإسم الموال فالمحاورات ويمارس بكثرة بالمجالس على الشكل التالي:
المجالسي وقفات متتاليات متطابقات وزنٍ وقافيه ويتبعهن البيت المشيول وهو عباره عن بيت عادي مكون من صدر وعجز مختلفين بالقافيه ويقومون الشياله الجالسين بشيلة الشطر الاخير فقط بعد انتها الشاعر او المغني وكان المجالسي في منطقة الحجاز مشهور جدا وهو فن خفيف لايتطلب الوقوف ولا تنظيم الصفوف كل يغني وهو على مركاه وفي وقتٍ ليس ببعيد وبالتقريب عام1406هجري تقريباً او1405 المهم بين هذين العامين قام بتجربته بعض شعراء المحاوره وكانت الفكره عبارة عن محاولة تعجيز أحدهما للاخر وعند ما قام الشاعر الثاني بالرد على الشاعر الاول حصل تفاعل كبير من الجمهور الموجود في تلك المحاورة طبعاً الحماس والاثارة في أي شيء عادةٍ تكون من الجمهوروالصفوف وعشاق هذا الفن او ذاك بعد هذا النجاح الباهرلتلك المحاورة بسبب الموال قاموا بتكريرة في الحفلات وازدهر أكثر وبعد ذلك قام الكثير من الشعراء بالتركز على الموال وكذلك بتطوير الالحان بالنسه للمجالسي او الموال وأضيف له الحان حديثه اغلبها من الاشرطة الشعبية المغناه سابقاٍ سوىٍ على العود او الربابه وفي الوقت الحاظر صار المجالسي سابقاً الموال حالياً يعتبر من كماليات شعر الرد القلطة{ المحاورة } رغم رفض بعضٍ من الشعراء له
أمثال / أحمد الناصر والشاعر / رشيد الزلامي وغيرهم والبعض يلعبه مجامله
ولكن يعتبر الموال في الوقت الحاظر من كماليات المحاورة كماهو راي 80 % من عشاق هذا الفن الاصيل
مجالسي للشاعر /عبد المعطي بن عطيان الحجيري البشري يرحمه الله

قال الحجيري رد الأمثال قالها=والأيام ما تغصب غلى طيب فالها
ايا م تمشي شمسها مع ظلالها=بين اليمن والشام والبحر تغشاها
ارد من بالي حسين الردودي=من بال لا يظلم ولا هو حسدوي
الهجرة اللي حكمها لسعودي=الحكام الله مير حنا رعايها
يا الله زبنتك يا وسيع الرعاية =بجاه منهو حط قبة وراية
وبجاه من نزل حروف القراية =فكتاب نزلها للأنسان يقراه
وافكرتي ياناس انا واعجوزي=فالهجرة اللي نزلوها الدروزي
ووانتي عزاه الا واعجوزي=من حال لا ارده ولا قادر الآه
ياخالق الأشياء بسنة وتدبير=ومصور الأمة بزين التصوير
ياللي خلقت النود من عود الأكسير=-هو مقدي المسلم ليا ربه اقداه
اريت بعيوني علومٍ عجايب=وعلوم تشذا مثل صفق الهبايب
بين البدود النازحة والقرايب=والله لياما راد له حال سواه
اريت بعيوني قصورٍ تبنا=يالله يالمطلوب تحسن عملنا
ياخالق الأمات من كل فنا=كلٍ على فكره وميزه ومعناه
اريت بعيوني ولكني اريت=استغفر الله كل ما اصبحت وامسيت
ما ينفع المخلوق لو قال ياليت=من يتمنى حال لازم بيهجاه
اريت بعيوني علومٍ كثيرة=يارب تهدينا على درب خيرة
يارب حسن المغفرة والستيرة=ياجيدٍ والناس ترجي عطياه
اريت بعيوني علومٍ هوايل=واحيت بين الناس قيل وقال
ياناقل النمة وهرج البدايل=اذكر ترى لابد لك يوم تلقها
واذكر نهار إن العمل والحسابي=نهار فيه الله يقراء الكتابي
اذكر ترى ربي شديد العقابي=يوم العمل ما عاد هو بلمراياه
يا فاسرين العلم ياهل المعاقيل=لابد من يوم يلم المحاصيل
مندوب من عند الله يهيل ويكيل=احدٍ سعد واحدٍ تشقى في دنياه
المسلم اللي من عباده سعيدي=يغفر له الله قبل قبض الوريدي
مادامت الهجرة بلبسٍ جديدي=مادام إبن داوؤد يوم الله اعطاه
يالله زبنتك يا وسيع الكنايف=يامحجي الزابن ليا كان خايف
إني زبنتك من هروج الزهايف=يامكسي الكعبة ثياب مضفاه
اختم كلامي بالله اللي عطاني=اللي مسوي صورة المودماني
اللي يخرج جابتي من لساني=استغفره قدام وقت المعصاه

وقال آخر ولا يحضرني اسمه

بـسم الله الرحمن في بادي الـقاف=اللي له العبد التقي عقب ما طــاف
سعى بعدْها سبعة اشواط ٍ اخفاف.=يرجـــي الثّــــــواب ابهـــن في يـــــــوم معـــلوم
من بعدها يا صاحبي لــي رسايل=عشر ٍ نباها زين والـْــــــــها دلايل
.ومن سمان القول .ماهي هــــزايل=كتبــتــــــــها يا صــاحبي شــــعر منـــــــظوم
قُل الكريم .اللي ضيـوفه كثيرين=وحلّته منصى رجــــــــالاً بعيدين
ويوفي اللوازم لو تديّـــن لها دين=( قــلّه ترى ما أنتـــــه من الــــرزق مــــــحروم)
أمّا البخيل.إللـــي دلالــــــه جديده!!=ما صبّت اللي في ضحى يـوم عيده
لا كاسب الطـــــاله ., ولاهــو فقيده=(قلّــه ترى الإنسان لــــه يـــــوم محـــــتوم )
وقل للذي.لا شــاف خــــلّه ســـترْها=وغض عنْها الطرف وأخـــفى خبرها
ولا تتبّــــــّــعها ولا قـــــــص أثرها=(قلّـه جزاك ابها الســــــتيره عــــلى الدّوم )
أما اللذي يفـرح بعثرات غـــيره=وايودّي الأخــبار.في كل ديـره
كنّه مذيع ٍ في قـــنـاة الجزيره=(قــلّه يجيـلك عنْــــد بحـث الخــــــفى يـــوم )
وقل للذي يـــــرحـــم ليـا ما تولاّ=وخـــــــــابــر إن الله فـــوقه تعلا ّ
وإن شاف ضيقة مسلم ٍ ما تخلا ّ=(قلّـــه ترى اللــــي يرحــــــم النـــاس مرحــوم )
وقل للذي ليمن تـــولا ّ تجــــــــــــبّر=وعلى ضعوف الخلق خــــــــطّط ودبّر
وإن كان ذكّــر باالنــــــــصايح تكبّر=( قلّــــه تـرى الله ناصــــراً كل مظــلوم )
وقل للذي يفـــرح بـــــــلمْ الرفاقه=ماهو عـــلى ماقيل قطّـــاع ساقه
يحرص على عهد الوفى والصداقه=(قلّــــه تــــرى شــرواك ما يلحـــــقه لــوم )
أما اللذي يمـشي بنقل النّــــــمايم=وايتابع الــغرّات قاعـــــــد وقـايم
ويفرح على غـــــــاراتها بالهزايم=( قلّـــه ترى شـــرواك بـــوم ٍ ولد بــــوم )
وقل للذي يصبر عـــلى كل ما جاه=ويحتســــــــب ثوابها عــند مولاه
وإلى أشتكى .ما يشتكي غير لله=(قلّـــه ترى الله بأمره الكــون مــــحكوم )
وقل للذي يجزع من الضيم والبــاس=ويـشتكي حاله على جـملة الـــناس
ويسهر افــهمّ ٍ.وفكره .وهـــوجاس=( قلّــه تــرى عيــن الشقي مالــها نــــوم

وقال الجبرتي إبن شريف يرحمه الله (مجالسية البعوض )

البـارح النامـوس جـرد عليه=جانـي بقواتـه وقـوم لظـيـه
وأخذت لين أصبحت تومي يديه=وأصبحت من عذل الناموس سهران
وقلت يالناموس تراني أشكيك=على الحكومة والحكومـة تجازيـك
وتجيب لك سيار مشحون سفنيك=وأنته ضعيف الجسم يقتلك دخان
قال يابن شريف مانت كامل جنودي=اللـي تعـدا كـل الحـدودي
مثل السحاب اللي عليكم يقودي=إذا قتلت قـران يمسيكـم قـران
وقلت أنا عارفك يابـو ذبابه=مـا تصبـح إلا فالبيـوت الخرابـه
نرسل عليك السم مثل السحابه=وحنا نكافح كـل ظالـم وعـدوان
قال البعوض أنا بلا من بلاويك=فالصبح أروح عنك والليل أمسيـك
آكل كراعينك وراسك وأذانيك=فالصبح رحمـان وبالليـل شيطـان
وقلت أنا بانام في شرشف=انا اهتنـي بالنـوم والا أنـت تصلـف
وإذا قربت من الشراشف تخطف=تخظف جناحينك ولا عاد جنحـان
قال أنا ما عليه منك واحد لحالك=مانته محدد بالشراشـف عيالـك
عيالك اللي مكسبك راس مالك=وإذا سهر ورعك تراك انت سهران
وقلت مالك إلا مذرحات الهبايب=اللي تشتك مثـل شـت الشعايـب
ولياك منته فالديار القرايب=يحكم عليك الريح راضـي وغضبـان
قال لاهبت الحاية كبيـرة تذريت=انتـه بـرا وأنـا بداخـل البيـت
وإذا دخلت البيت يليت ياليت=ألعب على راسـك أغانـي ودوشـان

ومجالسية الجبرتي يرحمه الله اوردها اخونا ساري الغدرا في ملتقى حرب
اتمنى ان أكون وفقت فيما ذكرت ومن لديه إضافة
ارجوا ان يضيفها حتى تعم الفائدة .
والسلام عليكم

الله يـعـطـيـك الـعـافيـــــــــــة
بيض الله وجهك

الشاعر / بخيتان البشري

مجهود رائع

فعلاً انا اليوم اضفت الى معلوماتي معلومه جديده عن المجالسي

شكراً لك اخوي بخيتان البشري

وبارك الله فيك

وممنون لك

شكرا لك يا بخيتان البشري علا هذا المجهود للاستفاده

شكراً جزيل يامراقبنا القدير ابو محمد على هذا التوضيح لفن المجالسي
هذا الفن الراقي اللذي اشتهر في منطقة الحجاز ومن ثم في جميع ربع الوطن

الله يعطيك العافيه