سلام الله عليكم يالحروب بملتقى الاشعار

السلام عليكم ورحمة الله وبركاته
اخواني الاعضاء يشرفني ان اكون احد اعضاء هذا الملتقى
الشامخ باهله وهذه اول مشاركه اتمنى ان تحوز على رضاكم

سلام الله عليكم يالحروب بملتقى الاشعار= سلام المسلم اللي ماقصر تحية اسلامه
سلام المسلم اللي يقتدي في منهج المختار= ويعرف وشهو المفروض والواجب من احكامه
سلام الطيب من طيب النوايا مارد ومصدار = صدر من صافي النيه وجيه الخير قدامه
سلامن طيب ويقرن بريح الطيب والازهار = وريح العنبره والمسك في مبداه وختامه
اقوله في محل يزيدني تشريف مع مقدار = ليا جيته وانا طرقي مسير خطوة اقدامه
مواقع للرجال اللي لهم بالعاليات شعار = فعايلهم تلبسهم وشاح المدح ووسامه
بني حرب العريقه مكرمين الضيف والخطار= سنايد عز للاصحاب للعدوان لطامه
معاديهم ليامنه مشاله خطوتين انهار = من الهيبه يعود يطلب الله ترقل عظامه
مناجم معرفه تحكم صليب الراي والاشوار= ويشهد سابق التاريخ والحاضر من ايامه
لنا جيران واصحاب ولنا معهم نسب واصهار= ولهم مع كاسبين النعم قسم من اوفر اقسامه
ختام القاف قاف مصافحه في ملتقى الشعار = وتحياتي وتقديري لكم والمسك بختامه

صح لسانك مليون على القصيده والله يحييك
والله يـعـطـيـك الـعـافيـــــــــــة
بيض الله وجهك

الشاعر رامي الجهني صح لسانك وعتلا شانك
والله يحييك بين اخوه لك وجيران واصدقاء وتواجدك
بيننا اسعدنا الله يحييك ياصبي جهينه وهاذي الابيات
كتبتها قبل قليل عسى نتال اعجابك وعذرنا على القصور

هلا يامرحبا مثل الجواهر ماعليها اغبار=
=يفوح الطيب منها والوفى مرفوعه اعلامه
تراحيب المطر وملبسه بالماس عقد اصوار=
=عدد من زار مكه والمدينه لابس احرامه
ياراع الطيب والمعروف ياحرٍ من الاحرار=
=صناديد الرجال اللي لهم بين العرب قامه
نيابه عن قبيلة حرب درعي سيفي البتار=
=حزامي يوم كلٍ بالمواقف يكرب احزامه
عوايدنا مانبخص حق من جانا من الزوار=
=له التقدير منا والوفى والطيب وكرامه
من ايام السلف فينا ثلاثه تقل ريح ابهار=
=بها كلن درى في نجد واللي ينزل تهامه
خوي الجنب دونه ماندور بالزمان اعذار=
=حكايه باليمن سولف بها الشامي على شامه
وقصير البيت من شانه نسوق المال والاعمار=
=فدينا جارنا يوم المعادي صدر احكامه
لنا مشهود نحذي من كرمنا نسع الازوار=
=حقايق ماجهلها غير حاسد عاش بوهامه

	المشاركة الأصلية كتبت بواسطة الحب الباقي

	صح لسانك مليون على القصيده والله يحييك والله يـعـطـيـك الـعـافيـــــــــــة بيض الله وجهك

صح بدنك والله يبقيك ويعافيك ووجهك ابيض
مشكور على مرورك ودمت بخير تحياتي لك

الشاعر/رامي الجهني صح السانك وبيض الله وجهك قصيده جزله من شاعرجزل من قبيلة جهينه والله والنعم فيك وفي قبيلتك.
والله يحييك بين أحبتك وأصدقائك… تحياتي لك ودمت بخير وسرور.

السلام عليكم ورحمة الله وبركاته
صح السانك

صح لسانك
وعتلا شانك

	المشاركة الأصلية كتبت بواسطة سعد المحمدي

	الشاعر رامي الجهني صح لسانك وعتلا شانك والله يحييك بين اخوه لك وجيران واصدقاء وتواجدك بيننا اسعدنا الله يحييك ياصبي جهينه وهاذي الابيات كتبتها قبل قليل عسى نتال اعجابك وعذرنا على القصور هلا يامرحبا مثل الجواهر ماعليها اغبار= =يفوح الطيب منها والوفى مرفوعه اعلامه تراحيب المطر وملبسه بالماس عقد اصوار= =عدد من زار مكه والمدينه لابس احرامه ياراع الطيب والمعروف ياحرٍ من الاحرار= =صناديد الرجال اللي لهم بين العرب قامه نيابه عن قبيلة حرب درعي سيفي البتار= =حزامي يوم كلٍ بالمواقف يكرب احزامه عوايدنا مانبخص حق من جانا من الزوار= =له التقدير منا والوفى والطيب وكرامه من ايام السلف فينا ثلاثه تقل ريح ابهار= =بها كلن درى في نجد واللي ينزل تهامه خوي الجنب دونه ماندور بالزمان اعذار= =حكايه باليمن سولف بها الشامي على شامه وقصير البيت من شانه نسوق المال والاعمار= =فدينا جارنا يوم المعادي صدر احكامه لنا مشهود نحذي من كرمنا نسع الازوار= =حقايق ماجهلها غير حاسد عاش بوهامه

اخوي الشاعر سعد المحمدي تسلم وماقصرت وبيض الله وجهك
وكل الشكر لك على ردك الطيب تحياتي وتقديري لك

	المشاركة الأصلية كتبت بواسطة سند العريمه

	الشاعر/رامي الجهني صح السانك وبيض الله وجهك قصيده جزله من شاعرجزل من قبيلة جهينه والله والنعم فيك وفي قبيلتك. والله يحييك بين أحبتك وأصدقائك… تحياتي لك ودمت بخير وسرور.

الاخ سند صح بدنك ووجهك ابيض والجزاله مرورك طال عمرك
ولا عليك زود الله يبقيك ويبارك فيك

	المشاركة الأصلية كتبت بواسطة غازي الزغيبي

	السلام عليكم ورحمة الله وبركاته صح السانك

صح بدنك تحياتي وتقديري