( رساله مهمه إلى الشاعر القدير / مضحي بن جمران)

ش
ا
ل
و
ه
م
ن
ع
ن
د
ي
غ
ص
ي
ب
ه
ع
ل
ى
ج
ي
ب

اشكي على اللي مالحقني به الريب = لنه مع اهل العرف قايد سريه
رجال مايقرب من الشك والعيب = من شايب ٍ وافي حفظها وصيه
اطلب له الجنه بامر عالم الغيب = يلقى بها جمران عيشه هنيه
يامضحي دوك الدقن كله غدا شيب = فارقت لي مخلوق غالي عليه
شالوه من عندي غصيبه على جيب = من بعدهم محتار واصفق يديه
ماهو ردى فاخوك صقر المراقيب = مير البلا جور المقادير فيه

الشاعر/ خالد بن عبيد بن معتوق ألأحمدي

ماهو ردى باخوك صقر المراقيـب مير البـلا جـور المقاديـر فيـه


ياسلام صح السانك وبيض الله وجهك


وهالمخلوق له عليك من الحق كبر ابان لانه هو الملهم لك

والدافع لنظمك لها القصايد الجزله


الله يعطيك العافيه

واسندت علي شاعر من شعار حرب المعروفين

سلمت وصح لسانك

ياصقر المراقيب

واسندت على شاعر له وزنه

مشكووووور اخي العزيز والغالي / جريح الفرقا
على مرورك المشرف وعلى التعليق صدقت بس خلها بيني وبينك

	المشاركة الأصلية كتبت بواسطة صقر المراقيب

	ش ا ل و ه م ن ع ن د ي غ ص ي ب ه ع ل ى ج ي ب اشكي على اللي مالحقني به الريب = لنه مع اهل العرف قايد سريه رجال مايقرب من الشك والعيب = من شايب ٍ وافي حفظها وصيه اطلب له الجنه بامر عالم الغيب = يلقى بها جمران عيشه هنيه يامضحي دوك الدقن كله غدا شيب = فارقت لي مخلوق غالي عليه شالوه من عندي غصيبه على جيب = من بعدهم محتار واصفق يديه ماهو ردى فاخوك صقر المراقيب = مير البلا جور المقادير فيه الشاعر/ خالد بن عبيد بن معتوق ألأحمدي

صح لسانك ياصقر المراقيب ولاتشكي من باس ياعزيزي خالد واسمح لي مادريت عن رسالتك الا هذه الليله لاهنت جزاك الله خير على هذه الدعوه الطيبه طال عمرك والله يجزاك خير يابو عبيد والله يقبل منك واليك هذا الرد المتواضع واسبيحك العذر عن القصور ياغالي

ياخالد ابن عبيد جزل الهناديب=يالاحمدي عساء حياتك مديه
حياك يامن لك حقوق ومواجيب=عندي وعند اهل الوفاء والحميه
ياطيب المعدن ماهي فالمشاعيب=قسمه ولاهي في يديك ويديه
رزقٍ ماهو مقسوم ياخالد اصعيب=ولاهو على كيف الخوي لخويه
ياذيب لاتقنب ليا اقفى به الذيب=يعطى العطا من في يديه العطيه
الله يعوضك عقب سيد الرعابيب=بمخلوق مادوج مع الخلق زيه

بسم الله الرحمن الرحيم
حياك الله يامضحي بن جمران
عز الله اني استانست يوم لقيتك متواجد وين الناس لك مده اشغلتني عليك حتى الجوال ماجابك
على قول جبيب العازمي .......... هلا يامرحبا ياغايبن مده...................
.................................................. .....................................
قال اخونا الشاكر ابو سامي
عز الله انك اسندتها على شاعر كفو
.................................................. .......................
وانا اقول الرجال تعرف بعضها ولو ماخبرتك كفو مارسلتلك
عز الله ان من الشعراء اللي يجيدون فن الرد
.................................................. ...................
الله يعوضك عقب سيد الرعابيب = بمخلوق مادوج مع الخلق زيـه
الله يسمع منك ويرزقني ويرزقك

	المشاركة الأصلية كتبت بواسطة صقر المراقيب

	بسم الله الرحمن الرحيم حياك الله يامضحي بن جمران عز الله اني استانست يوم لقيتك متواجد وين الناس لك مده اشغلتني عليك حتى الجوال ماجابك على قول جبيب العازمي .......... هلا يامرحبا ياغايبن مده................... .................................................. ..................................... قال اخونا الشاكر ابو سامي عز الله انك اسندتها على شاعر كفو .................................................. ....................... وانا اقول الرجال تعرف بعضها ولو ماخبرتك كفو مارسلتلك عز الله ان من الشعراء اللي يجيدون فن الرد .................................................. ................... الله يعوضك عقب سيد الرعابيب = بمخلوق مادوج مع الخلق زيـه الله يسمع منك ويرزقني ويرزقك

لاهنت ياصقر المراقيب وانا انشغلت كل هالمده عندي ظروف والله لايشغلنا الا بطاعته والله اني مشتاق لكل الاعزاء شرواك فالملتقى والله يشهد عليه انك غالي انت والجميع والقلوب شواهد يابو عبيد وملتقنا الشامخ الجزل بكل اعضاه افخر واعتز واتشرف بمعرفة ومعزة كل عضو به وادام الله بيننا هذه المحبه والموده وهذه الرابطه النبيله والمبنيه على كل علمٍ غانم لكن المعذره من الجميع وانا اعترف للجميع بتقصيري هذه الايام لكن والله اني مشغول البال مع ظروفي هذه الايام والله لايشغلك ياصقر المراقيب على غالي سلمت ودمت يابو عبيد لاهنت والله كل حرف ترسله ليه عندي من معزتك يالاحمدي عن قصيده لحاله وكل ماتكتبه اجد به نوماس ورفعة راس سلمت ودمت والله يحفظك ويرعاك يابن العم الكريم

مشكور
اخوي / الشاكر ابو سامي

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك