(( عيد الأم ))

(( عيد الأم ))


قالـــــوا لي عيــــد الأم قلت الأم عيـــــد
والأم مــاتــحتــــــاج يـــــــوم الّا عمـــر

ست الحبـــــايب يــــابعـــدهم لاجــديـــد
الّا غـــــــلاك اللي اكيــــد ومستـــمـــر

اشتـــقت لك في غـــربتي وانــــا بعيــد
جســمن بليـــا روح والدمــــــع انتثــر

اشــــــوفك بعيــــني وحبــك فالــــوريد
يجري مــــع انفاسي ويسقيــــني مطر

ليــــت الزمن يــــآخذ من ايامي عـــديد
ولا اشـــوفه يقلل قــــــواتك وانــكسر

اغيــــب والقى ضعفك وعـــمرك يزيــد
وتذبل مع ايـــامك سعـــــادآت وزهـــر

واحـــــآول القى طب للــــوقت الشـــديد
ولايصلح العـــــــطار ما افســـــد دهــــر

يمّــــه بلا شــــوفك سعيــــده وش يفيــد
المـــــال والبنــــــــون ليّــــه والبشــــر

انـــتي امـــــاني ضد هالكــــــون العنيـد
وانتي حنــــــاني كل مــــا احسّ بقهـــر

وبشـــــــوفتك ياطــــلّة الفجر السعيـــد
والله تـــــزول همـــــوم قلبي والكــــدر

ابكي اذا لاحــظت عطـــفك بي واجيـــد
كتم الدمـــــــوع قبـالك وكـــلّي شـــكر

واذكـــــــرك لا دبّـــر لي العالم مكيــــد
والقى بوســـــط الحزن لأحظـــانك مفر

واضحك واكيـد اعداي واقـول المزيـد
دامــــــك معي مافيـــه قــدّآمي خــطر

لبّيــــــه سمّــي بس قـــولي لي اريـــد
والله لأجيــب الشمـــس عندك والقمـر

حــــاولت اقدّم لك هديــــه من نشيـــــد
قــطره وبــــاقي من غــــلاتك بي بحــر

تدريـــن ما قـــدرك حروف ولا قصيـــد
قدرك كبيـــــر اكبر من اشعــار ونثــــر

ادعي لك الله بس ذو العــرش المجيـــد
يستــــر عليــــــك ولاتمريـــن بضـــــرر

واقـــــول حبّك خلّا كــــل ايامي عيـــــد
وسبحــــان من خلّاه قضــــــاء وقــــدر


فاصله:
في شرعنا الاسلامي كل عيد سوى عيدي الفطر والاضحى بدعه ولايجوز الاحتفال به

صح لسانك يالذيب

.. ولاهنت

نص راقي ..و عذب المعاني .. !

سلمت مشاعرك ..

دمت بـ إبداعك

وحيد الجزيرة

صح الله السانك


قصيدة عانقة السماء بجزالتها وأبداعها

تحياتي لك

لاهنت وصح السانك



تقبل التقدير والاحترام



وفقك الله

,
,
,
صح لسانك وسلم بنانك

قصيدة وافيه من وافي

بيض الله وجهك يالذيب

اتمنى لك التوفيق

اخيك ابو فياض النويمي

صح السانك
ولا هنت...

الشاعر القدير
مجافي
صح لسانك
قصيده جزله
فيها كل معاني الابداع والجمال
بيض الله وجهك
والله يعطيك العافيه يابن العم
وننتظر ابداعاتك القادمه

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح لسانك وعلا شانك

قصيدة فيها الكثير من الإبهار والإبداع والحرفنه .

تشرفت بالمرور من هنا .

تقبل خالص الود والتقدير

صح الله لسانك
ولاهنت
وسلم فكرك وبنانك
دمت برعاية الله وحفظة