محاورة بين الشاعر فلاح صياف الحربي والشاعر راشد السحيمي

26-06-08, 05:38 AM

محاوره بين الشاعرين فلاح صياف الحربي وراشد السحيمي في الحفل الذي اقامه الشيخ مستور مبارك المحيمدي بمناسبه حصول الشاعر فلاح صياف الحربي على لقب الشاعر الذهبي في المرحله الاولى من مسابقة شاعر المعنى

الذهب مايجيبه غير شارب فـلاح=ميـــر لاقـــــدر الله كان ماجــــابها
يمكن اوقفه وارفع عليه السلاح =والعرب فالزعل ماتمسك اعصابها
انت عينك تخيل البرق من عصر لاح=ماتجيبه ثقات القوم ترضــــــــابها
مايصير اختلاف انكان صار النــجاح =مير بعض السوالف ليش تشقابها
كنت اخيل واطالع للولد وين راح =كيف قوت عصاك اللي تعصابها
روح وشرب من الزرقاء تراها قراح =ودخلو جنت الفردوس من بابها
والله اني لقيت اللي يداوي الجراح =يوم راشد دخل مكه وصـــــلابها
يوم شبت نار العز والقـدر فاح =شفت بعض الرجال تراجع احسابها
هرجت الليل لاتنســونها فالصباح=غيرك الي رماها مــير ماصابها
طشو مضيم ضاح ودور مضيم ضاح =العرب يمكم منعاجه ارقابها
قد ملينا المخازن قبل ضيق المساح =والـعرب دوننا ماصـــــكت ابوابها
ليت راشـــد تريح واهتدى واستراح = عقب بنت الهلالي جاه خطـــــابها
ذاك يوم البعير شعيل وسط المراح = البعارين قــــامت تاكل اصحابها
عندي الله يبارك فيك شبـه اقتـراح=كـل متحجبـة لاتكشـف احجابهـا
الجمل تبعنا مادام ورثة مباح=ليش بعض الاوادم تفتل اشنابها
وش تفيد الحسايف دامت الزبد ساح=لوشبيت نارك راس مشهابها

27-06-08, 06:59 AM

يعطيك العافية يابن مستور .. محاورة جميلة ومناسبة رائعة ..

29-06-08, 12:04 PM

الله يعطيك العافيه
محاوره جميه جدا
اشكرك جزيل الشكر والتقدير
لاهنت بيض الله وجهك

29-06-08, 12:26 PM

لاهنت ياعزيزي فهد بن مستور الحربي على نقلك لهذه المحاوره الجزله بين راشد السحيمي وفلاح بن صياف الحربي وفعلا محاوره قويه ووافيه من الطرفين لاهنت وسلمت ودمت يافهد الحربي وتقبل مني كل الشكر والتقدير والاحترام