محاورة العتب بين فيحان القعياني وتركي الميزاني

تركي الميزاني =
تعال يافيحان ابـا عاتبـك مـن بـاب العتـب=امعاتـب الاقـراب للقـراب عـنـد اقرابـهـا
اللي يشب النـار قبـل النـار يجمعلـه حطـب=حتى ليـا منـه قبـس فيهـا ولـع مشهابهـا
فيحان القعياني =
انتـه تعاتبـنـا وحـنـا مادريـنـا بسـبـب=عطنا علومـك ليـن نسمعهـا ونفتـح بابهـا
انا بغيت من الذهب لاكـن اهـل مهـد الذهـب=عيوا عليه اوقلت اهـل مكـه تعـرف اشعابهـا
تركي الميزاني =
ترى شهر شعبان يافيحان يكفـي عـن رجـب=طالع حظـور النـاس وتكفيـك عـن غيابهـا
لو تنشد اهل العرف وش فرق الشنيب من الشنب=قالـوا وجيـه الطيـب انعرفـهـا بشنابـهـا
فيحان القعياني =
الله يعمر داركم ياهـل الحسـب وهـل النسـب=لا تبلشون اهـل البلـد فـي عدهـا ونسابهـا
حنـا نـدور لرضـا ونتـه تـدور للغـضـب=تبي تسويلـك قضيـة حـرب وانـت اسبابهـا
تركي الميزاني=
من دامن الجربا يابـن عبـاد يبشـر باالجـرب=الله ولا بعـض الجمـال اللـي تعـوج ارقابهـا
الي على درب العـرب قامـوا يزلـون الركـب=تبـا تعشـاه السبـاع اللـي تـحـد انيابـهـا
فيحان القعياني =
ماتـدري انـا ياولـد عبـاد طوعنـا الصعـب=والجرب وام الجرب تقعـد مانحسـب احسابهـا
يابن عطاالله ماعينت الـي الونيـت الـي قلـب=قصـه غريبـه لاتجاهلهـا تــراك ادرابـهـا
تركي الميزاني =
النور نور المعرفـه وشـرع باالسيـف الحـدب=ياراعـي اسكيـن جـود فـي يـداك انصابهـا
ترى الونيت الي تقولـه ضاربلـه فـي مطـب=يبـا يعانـدلـه ونيتـاتـن تـحـت ركابـهـا
فيحان القعياني =
حنـا بلشنـا باالعجـم قـدام نبلـش باالعـرب=والعسكر اللي داخـل الطابـور عشـر احرابهـا
اطربتنا ياابـو عطـاالله ماحلـى ليـل الطـرب=ياجعـل ابـو وافـي يوفيهـا وضـف اكتابهـا

مشكور اخوي الله يعطيك العافيه ننتظر جددك

ملعبه قويه

لاهنت على المرور الجميل
بيض الله وجهك يالغلا

بيض الله وجهك على النقل الرااااائع

وجهك ابيض يالغلا
لاهنت بارك الله فيك

الأخ : البلادي الحربي

يعطيك ألف عافية على هالنقل الرائع,

تقبل مروري.,.,.

الأخ البلادي الحربي

مشكور على الأختيار الراااائع

ويعطيك العافيه

تقبل اجمل التحايا

ودمت بخير