وش تسووون عند الاشاره اذا صااارت حمراااء؟؟

السلام عليكم ورحمة الله وبركاته
(((( هذا الموضوع مسروق يؤيؤ يؤ قصدي منقول لا تبلوني به ))))
-----------------
وش تسووون عند الاشاره اذا صااارت حمراااء؟؟ تعالو شوفو هالمواقف الغير معقوله..
عند الاشاره تحصل قصص وروايه
اغلبيه الرجال لهم طريقتهم الخاصه في شغل اوقات فراغهم لم يكونو واقفين عند الاشاره
النوع الاول|
وهو الي يستغل وقته ويرتب سيارته ويفتح دروج سيارته ويعفط في هالفواتيرويرميها في الشارع وفجاءه ماتدري الاوهو ناقز في المرتبه الي ورا يرتبها ولا تستغرب اذا شفته ناط في شنطه السياره (الرجال مرتب)وتنفتح الاشاره والاخ مشغول في التنظيف
النوع الثاني|
وهوالي تقول توه يكتشف ان وجهه محتاج تنظيف ويسحب في المنديل وعلى خشمه واذا خلص طفى السياره علشان ينظف اذنه بالمفتاح (قصده شريف)
وشوي ويقص اظافريده وماتدري الاوهو مرفع رجله يقصها هذا اذا كان معاه مقص اظافر واذا ماكن موجود فالحل موجود طبعا يقص اظافره بواسطه اسنانه (قمه النظافه)
ولا تستغرب اذا شفته مطلع راسه ويغسله بالشامبو<<<<< ايه هين
النوع الثالث|
وهو اكثر واحد يفرح اذا وقف عند الاشاره علشان يبداء يستعرض ويرقص ويردح هو واخوياه ويرقصون السياره معهم
النوع الرابع|
وهو عكس الي قبله وهوالي يشغل شريط خالد عبدالرحمن (ومغلدم)وانواع التغلق والحزن وطبعا الاغنيه من كثر ماهي قديمه تشك انه مغنيها قبل توحيد المملكه ويكون وجهه مورم من الصياح
النوع الخامس|
وهو الي تقول توه مكتشف انه ابو وماتسمع غير هواشه وتلعينه على بزرانه الي مالين سيارته وماتدري الا وهو ساحب العقال ومخري التشخيصه(يستعمل اساليب التربيه الحديثه)ويرجمهم بكرتون المناديل الي ماليه السياره والفضل يعود للمحطه البنزين لو تمر جنبهم عطوك منديل هديه
النوع السادس|
وهو الي يستغل الوقت ويجلس يشخص ويرش عطر وشوي لايحط روج ومعلق الايرفون في اذنه ومشغل شريط (سيلين ديون)مسوي جو اجنبي وانواع القز في السيارات الي جنبه
النوع السابع
وهو الي اذا شفته ترحمه وتقول ميت من الجوع وتشك انه جالس في مطعم مو في سياره الرجال ماسك الهمبرجر بيد والببسي والبطاطس بيد والشورما في حضنه والفطاير جنبه والبيتزا في المرتبه الي وراه ولا تستغرب لو شفته داب في مفطح
النوع الثامن|
وهو الي تحس انه ماعنده وقت ابد ودايم بزي ولابس نظاره وخاتم ومبحلق في الجريد ومسوي زحمه في الشارع والي جنبه طفشان ومشتغل مسجات بالجوال
النوع التاسع|
وهوالي سيارته زحمه مو ناس لا ماخلى ثوب ولا شماغ ولا بدله ولاجزمه حتى الشراب الا ومركبها معه عشان يكون تبديل الملابس اسرع عند الاشاره حتى البطانيه جايبه وماخذها معاه تعرفون الجو متقلب
النوع العاشر والاخير|
وهو اذا كان سواق طبعا الضعيف ماسك النطاره ومتعلق في الدركسون والابداع يكون وراه عند المدام واخواتها انواع السواليف والحش ولما يكونو توهم طالعين من السوق كل وحدها تطلع مقاضيها وتوريهم وشوي الا وهي متحمسه وصاقعه السواق برجلها الاخت معذوره جالسه تقوس الجزمه الجديده
ملطووووووووش

بارك الله فيك والله يعطيك العافيه يا شقـــاويه...

مشكوره شقاويه على الموضوع

ماحب اوقف عند الاشاره معي ددسن 88

لو معي جيب كان احب اوقف عن الاشاره

كل هذا واحنا ماندري
هذي شغلتكم يالحريم الوحده منكم قمة الشقاوه وحب الاستطلاع مبققه عيونها تقول اول مره تشوف ناس وتراقبون الناس عند الاشارات وهاتك ياتصنيفات
والرجال ياغافل لك الله

طبعا مو كلكم كذا
فيه كثير مؤادبات
يراقبون من خلف الغطايه ،،،،، عشان محد يزعل

يسلمو على اللطشه التهمه لابستهم
وليتك سالتيهم من اى نوع انتم>>يتدبسون فيها

مايحتاج نسألهم الجرئ بيقول هو من اي نوع!!!
وبعدين ياورقان مافيها شئ لما الواحد يتأمل خلقة الله
والمناظر الطبيعيه!!!
ههههههههههههههاي
شقاويه
يعطيك العافيه
وبإنتظار القادم

	المشاركة الأصلية كتبت بواسطة قمرطيبه

	مايحتاج نسألهم الجرئ بيقول هو من اي نوع!!! وبعدين ياورقان مافيها شئ لما الواحد يتأمل خلقة الله والمناظر الطبيعيه!!!ههههههههههههههاي شقاويه يعطيك العافيه وبإنتظار القادم

ههههههههههههههه
يعني حلال عليكم وحرام علينا ولا اش يعني ؟؟؟؟
مع ان المناظر الطبيعيه في الجهه الاخرى بالالوان

صميم الذات
ترى تسألونا يحق لنا نسألكم هاااه

	المشاركة الأصلية كتبت بواسطة ورقان

	ههههههههههههههه يعني حلال عليكم وحرام علينا ولا اش يعني ؟؟؟؟ مع ان المناظر الطبيعيه في الجهه الاخرى بالالوان صميم الذات ترى تسألونا يحق لنا نسألكم هاااه

صح لسانك أخوي ورقان كلام منطقي لازم نطبقه في الحياة العملية .

أخت صميم الذات باقي كثير من الأنواع ما ذكرتيها وأولها :

اللي مركز في الإشارة متى تصير خضرا وأول ما تصير خضرا على طول يدعس ما ينتبه لل قاطع إشارة ,,,,,,,, لأني أكلتها على طول أحفظها .

شكراً على الموضوع .

	المشاركة الأصلية كتبت بواسطة فهد اليوبي

	أخت صميم الذات باقي كثير من الأنواع ما ذكرتيها وأولها : اللي مركز في الإشارة متى تصير خضرا وأول ما تصير خضرا على طول يدعس ما ينتبه لل قاطع إشارة ,,,,,,,, لأني أكلتها على طول أحفظها . شكراً على الموضوع .

\
فهد مره ثانيه انتبه مين كاتب الموضوع
شقاويه مو انا
\
ا نتـــــــــــــبه وانت سوق خضراء ولا حمراء

أعتذر أخت صميم لأني وأنا أكتب أذن المغرب وتلخبطت يوم شميت رائحة الأكل .

بس ممكن أسجل معاكم في الفيلم ترى فرقتنا أخذت المركز الأول في المسرحية من جد تراني أعرف أصك الستاير وأعرف أمثل دور الغبي ..... شفت كيف أحسن الأدوار أمثلها .


وأخيراً شكراً للأخت شقاوية على الموضوع .