لياصرت في صحه وربي معافيك

لياصرت في صحه
--------------
لـيا صرت في صحه وربي معافيك
مـافـيـه شــي ن بـالـحياه يـعـادلها

لا تـطـلـب الـدنـيـا وتـكـثـر بـلاويـك
كـــم قــلـب يـعـشـقها ولا يـحـتملها

الله وحــده عـالـم ن ويــش يـنـجيك
يـعـطي عـلـى قــد الـقـلوب وعـملها

لا تـحـسبنك تـكـسب الـرزق بـيديك
اعــلـم تـــرى الارزاق ربــي كـفـلها

ان مـا عـطاك الله مـحدن بـمعطيك
لا تـطلب الـحاجات مـن عـند اهلها

ليــا مــنعها الله مـن رحـــمته فـيك
مـن شـان لـو يـعطيك تـنسى وتلها

وعـساك تـسلم مـن مـلذات امـانيك
دنـيـاك هــذي سـمـها فــي عـسلها

وكـــل عـلـيها الله وابــذل مـسـاعيك
مــا قــول فــك اربـاطـها لا تـعقلها

ولا قلت ترضى الدون مع قدرة فيك
ولا قـلـت خــل بـذورهـا فـي سـبلها

اركـــض عـلـيـها مــع دروب تـوديـك
واطــلـع مـراقـبـها وحـــث بـسـهلها

واصـبر عـلى رزقـك وحـظك يناديك
ويـا مـا تـطير ارزاق مـن مـعتجلها



شــــعـــر: مـــنــيــر الــهــرســانـي

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح بدنك
مشكور

صح لسانك يامنير الهرساني
الله يعطيك العافيه

صح الله السانك لا هنت

	المشاركة الأصلية كتبت بواسطة عاصم بن فراج الصاعدي العوفي

	صح لسانك يامنير الهرساني الله يعطيك العافيه

صح بدنك ولا هنت

	المشاركة الأصلية كتبت بواسطة الكحيلة

	صح الله السانك لا هنت

صح الله بدنك

صح الله لسانك
ولاهنت
وسلم فكرك وبنانك
دمت برعاية الله وحفظة

صح السانك

وبيض الله وجهك يالغالي على القصيدة الرائعه

صح لسانك
..
..
أسجل اعجابي بالقصيدة
..
ويعطيك العافيه ..