من روائع العسالّّّّّّّ

يامن يشوقك هدير السيل =حرفي انهمر ونعقد نوه
برقه يبدد ظلام مخيل=سيلهُ عدل 00 والوبل توه
**=**
*=*
الضيف لاشرف العربان=يلقى حفاوت معازيبهُ
لجل الوفا والكرم سيسان=ما يخلف الطيب ترتيبهُ
**=**
*=*
محشوم راع الوفا تكميل=طِيبهُ فصدر السماء علاه
نحفظ له الود والتبجيل=وافي ولايختلف مبداه
**=**
*=*
ما يختلف فرع عن أصلهُ=ولايثمر الا اذا تسقيه
ساقي وفا زارعهُ فأهلهُ=واليوم خيّب رجايه فيه
**=**
*=*
الناقصه مانعبرها =ترجع على ناقص التقدير
والوافيه مانجبرها=اتفز لأهل الوفا وتسير
**=**
*=*
مادمت انا راقي التعبير=ماهمني سامج الأقوال
لاعسمت رايق التفكير=ارقى معهُ في وسيع البال
**=**
*=*
عيني رأت فالعيون عيون=تُغضي على شي مايُرضِي
ولجل إنها عندنا ماتهون=مايُرضي اللي عنهُ تُغضِي
**=**
*=*
=( ياحرفي - ياطرف )
(0000) ترضى عن اللي يصير=تسكت عن الحق فالحاصل
عز الله انك ما فيك الخير=أن كان ما تحارب الباطل
**=**
*=*
كذب وكذبته صدقها=بيرقع العيب من جوه
بالعقل ماهي بلجتها=ماتقنع الناس بالقوه
**=**
*=*
=الطقص المقصود به الطقس
مدري الغلا هو ضحيت نقص=او هي ضريبة مودتنا
افيدنا ياخبير الطقص= وش السبب في تعاستنا
**=**
*=*
ياهيئة الأمر دلينا=ضقنا من الشجب واستنكر
فالظلم لا مال قاضينا=وشلون نقضي على المنكر
**=**
*=*
طِيب النبا يرفع الرايات=وأهل المثل تحسن التثمين
(القيل ماهو لحد بالذات=ولاهو حكر ناس بالتعيين )
(احذر ترى للكلام افات=في سد الأحداث مدرقين )
هذا كلام الأديب اثبات=واحنا على منهجهُ باقين
**=**
*=*
مرّ وتأسف على الحاضر=طيفهُ يقولي بعد ما غاب
:صحيح ما اعطيتهُ الشاعر=أمليتهُ الشعر وسط اكتاب
**=**
*=*
(لا نفضو الناس من حولك)=وعنك تنحو يمن وشمال
فتش في ذاتك وفي قولك=اكيد تلقى السبب فالحال
**=**
*=*
أنصُره لوكان هو ظالم=وانصُره لو كان هو مظلوم
لانجامل الظلم ياعالم=الدين ينهى عنهُ و سلوم
**=**
*=*
جرحي نزف والسيوف تلوح=والمعركه بين قلب وعين
اجروحها في صميم الروح=بي نار وتحدني نارين
**=**
*=*
ياحروف يالثايـره كُنّـي =في داخلي والجروح اتروح
الطيـب فقلـوب مكنّـي=والجرح دايم يجيب اجروح
**=**
*=*
اقدرك واكسب اعجابك=وانفرزك وارجع استرضيك
ما قصدي العب في اعصابك=بس انت تجرح وانا مغليك
**=**
*=*
يامـن بصـدك تقابلنـي=انظر وقايس على هونـك
ما جبرك أنـك تجاملنـي=ولاهمني كثـرة اطعونـك
ماقول بالعـدل عاملنـي=خذ راحتك واتبع اظنونـك
حتـى لونـك تكنسلنـي=برضى لجل حشمة اعيونك
**=**
*=*
استدركت للمشاعر روح=وراحت فعمق الأسى روحين
إتحس في صمتها والبوح=عقب لها فالحشى جرحين
معذور لو لامها المجروح=اللي غدى جرحها ضعفين
ما تريد من جانبهُ مصلوح=لجل الوفا والتسامُح زين
**=**
*=*
تاه العقل في كهوف الظن=له روح يقتل مشاعرها
اللي بها الود متمكن=يملا بشكهُ مقابرها
**=**
*=*
لاطجها وانتحى عنها=ماعاد ينفع بها الترقيع
ياعين جرح الجفا منها=منهو عصاه الزمان يطيع
**=**
*=*
جرحهُ صطى و الألم اقصى=قلبي وزاد الجروح اجروح
من بعد ما كنت له انصى=اجبرني اليوم عنه اروح
**=**
*=*
اشعلت لجلك سنين العمر=شمعة وفا تسعد ايامـك
بالآمها تفرح و تسمـر=واتذوب وتموت قدامـك
**=**
*=*
احذر لاتتبع كـلام النـاس=والطُعم لـو زان لايغـرك
لو هو صدق مره الأحساس=بالزيـف لابـده إيضـرك
**=**
*=*
ياما اتحمل خطاه الغير=وياما يتجاهل خطا نفسهُ
لاشك منهُ سعى للخيـر=كثير ياما لقي عكسـهُ
**=**
*=*
ماظنها جات بالقوه =لجل الموده اتت يفلان
وان كنت ما ترغب الخوه=معذور وانا الذي غلطان
**=**
*=*
القيـل لصـار مـا يهـدف=ويهز حصن الغلا مايصيـر
عن دربه اليوم انـا منكـف=عفته وشلته مـن التفكيـر

	الله يـعـطـيـك الـعـافيـــــــــــة على الاخـــتيار المــوفــق وصح لسان قايلها وناقلها بيض الله وجهك

,
,
,

كسرات رائعه ونقل اروع

صح لسان قايلها وناقلها

يعطيك العافيه

ابدعت واوفيت يابو تركي
وتحية الى شاعرنا الكبير العسال
وننتظر منك المزيد من ابداعات شعارنا الكبار
امثال الرحال والصبار
يعطيك العافيه

عفوا ولا ننسى بن قابل
ياليت تتحفنا به كمان

ياسلام ابداااع رااائع

واختيار موفق

صح الله السانه

ويعطيك العافيه

تقبل تحياتي