تحليل لمحاورة (حبيب العازمي و تركي2000)

حبيب العازمي

سرا الليل والمعنـى هبايـب هبـا هبـا=سرا الليل والشيطـان عنـا هبـا هبـا
وانا اعرف صفانا الشرق هجره هبا هبـا=عسى الله يعـزك يـاديـارالسعوديـه
الا يا لليل وين الشاعر اللي ضيع المليون=ومهما ضيع المليون اكيد الفين مضمونه
وانا ماقول تركي يوم سافر ما حصله لون=ولا كن العلم مبغا هل الدوحـه يشيلونـه
اشـوف البحـر هايـج ورسـت بواخـره=يجـي بولـه للسيـف ويجـي بـواخـره
الا ياهـل العـود اشعلـو فـي بـواخـره=عسـى الله يعـزك يـا ديـار السعوديـه
الا يالعازمي لاصرت محتاج وعلاك ديـون=ليا قدمت معروضك سواتك نخلص ديونـه
اخذنا اللي كتبها الله وبعض الناس جا مغبون=يسمونه وانا ياقوم مـدري وش يسمونـه
يصيب الرجال من المواقـف طنـا طنـا=ورمح المطنـي فـي عـدوه طنـا طنـا
وصوت الضعيف فـي المزاحـم طناطنـا=عسى الله يعـزك يـا ديـار السعوديـه
انا معطيني الله والعرب من بعضهم يعطون=وانا ماني بتكسي عند خلـق الله يكدونـه
نقول ان اصدقانا يوم راحو كلهم يكفـون=احد جانا معه مشلح واحد جانـا بكرتونـه
انا اسمع وياتـي مـن جهتكـم نـدا نـدا=واشوف المطـر لاكـن عـود نـدا نـدا
الا ياهـل المنـدي بجمـره نــدا نــدا=عسـى الله يعـزك يـا ديـار السعوديـه
حبيب يا حبيب لاتنوشك جمـره الغليـون=ترا صاحبك لامنه مشا يمشي على هونـه
لو اقولك فيه فلوس جيت مصفر الطبلـون=واضن الموتر اللي معك ماتقضب دركسونه
ترانـا علـى الوعـد المحـدد نفـي نـفـي=ولا عندنـا للـحـق دايــم نـفـي نـفـي
وشيـخ القبيلـه كلهـا فـي نـفـي نـفـي=عسـى الله يعـزك يـا ديــار السعـوديـه
ياتركي قامت الايـام تنطحنـا بغيـر اقـرون=ولا يا وجد روحـي يالكـلام اللـي تقولونـه
ماجي للمجلس اللي يجمع الصاحي مع المجنون=ولاكـن الصراحـه والله انـه فيـه مزيونـه
ليا جا الحـدا كلـن بطرقـه حـدا حـد=ولكن ابـن عاصـي بدربـه حـدا حـدا
من امرين خذ واحد ويعنـي حـدا حـدا=عسى الله يعـزك يـا ديـار السعوديـه
الا يا العازمي لاتمشي بدربك بدون عيون=ترا الرجال مايمشي طريقه غير بعيونـه
تباهم يقبلونك مير سنك جـاوز القانـون=ونفسك تحت حكم الوقت والايام مرهونه
معاد الكلام يفيد في اللي مضـا مضـا=مضا ما مضا والسيف حده مضا مضـا
لو الصبر كسره ملح قلنا مضـا مضـا=عسى الله يعزك يـا ديـار السعوديـه
يقولون الرحا دارت وعود حبها مطحون=والا ياما وياما من حبوب" جات مطحونه

يقول ابو فيصل بعد الموال :

الا يا لليل وين الشاعر اللي ضيع المليون=ومهما ضيع المليون اكيد الفين مضمونه

وهنا مطب مشّـاه على الشاعر تركي 2000
حبيب خاطب الفين بالمؤنث ( مضمونة )ومشاها عليه. بمعنى انه لو ضاع المليون فان الالفين
عادت لنا !
البيت الثاني لحبيب كان لتلطيف الجو وتهدية الجمهور
رد تركي 2000 بالموال الخاطئ والخارج عن نسق المحاورة ثم البيت :

الا يالعازمي لاصرت محتاج وعلاك ديون=ليا قدمت معروضك سواتك نخلص ديونه

وهو رد على ظاهر البيت الاول لحبـيب دون فهم المعنى والمطب الـسابق فقد ظن ان حـبيب يعاتبه
انه ما جاب المـليون ورد انه بخير وعند فلـوس
والبيت الثاني تكرار لمفهـوم الاول مع اللمز بالعتيبي انه ما حصل شي من شاعر المليـون
فجاء موال ابو فيـصل الثاني منتقداً لموقف تركي الذي بدا مهزوزاً ومرتبكاً امامه ثم البـيت الذي
يحمل القنبلة حيث قال:

انا معطيني الله والعرب من بعضهم يعطون=وانا ماني بتكسي عند خلـق الله يكدونـه

الشطر الاول رد على كلام تركي يوم يبا يتبرع لحبيب
اما الشـطر الثاني فقد شبـه تركي التكسي حيث كدّه الشـيخ محمد بن زاايد ثلاثة شهور و طـلع
بمساعدة المشاركين ميتين و ثـمانين مليون اعطاه منها نص مليـون
ثم عـاد ابو فيـصل ليرد على اللمـز الذي اورده تركي فالـبيـت السابق :

نقول ان اصدقانا يوم راحو كلهم يكفون=احد جانا معه مشلح واحد جانا بكرتونه

تظهر السخرية في الشـطر الاول و التوضيح في الشطر الثـاني فيبين ان يوسف العتيـبي عاد
من شاعر المليون لابس المشلـح ليقابل الملك عبدالله حفظه الله الذي استدعاه شخـصياً ومن
بعده ولي العهد وهذا المـكسب الحقيقي ليوسف من الـبرنامج.
ثم يقول : واحد جانا بكرتـونه وهو تركي اللي رجع ومــعه الكـرتون اللي سلمه الشيخ
محمد بن زايد مكتوب عليه 500 الف درهم
ثم قال حبيب

ماجي للمجلس اللي يجمع الصاحي مع المجنون=ولاكـن الصراحـه والله انـه فيـه مزيونـه

وهذا مطب خطير على تركي 2000 حيث أن ظاهر البيت أن حبيب العازمي يقصد روضة مقدمة
البرنامج ولكن ما خفى على تركي أن حبيب جعل تركي بنت مزيونه في الحفل اللي يجمع صاحي بمجنون
وهذا تصديق لما قاله في البيت الاول حيث قال ألفين مضمونة
مع كل الاحترام للشاعر الكبير تركي لكن واضح جداً تفوق حبيب العازمي
في المحاوره
منقووووووووووول
من أحد المنتديات

فارس عوف

شكرا لك على التحليل

وبارك الله فيك

فارس عوف
مشكور على النقل والتحليل
الله لا يهينك ويعطيك العافية .

أعتقد أن هذا التحليل غير منصف وواضح أن من قام بذلك قام بهذا من باب العنصرية العميا .
نعم تفوق حبيب كعادته على تركي 2000 ولكن التحليل لم يكن صائبا بأنه جعله أنتثى بقوله الألفين مضمونه فهذا لايليق بحبيب بدأ الصواب والله أعلم أن حبيب يقصد أنه لم يحصل له لقب شاعر المليون فسيبقى كما هو تركي 2000 أي ان الألفين التي بالمسمى مضمونه .
أما مزيونه فهي مقدمة البرنامج ولاشك .
ومكدة التكسي التحليل صحيح.

فارس عوف

الله لا يهينك ويعطيك العافية .


فأنا اقول مقال المحايد ان حبيب لايقصد مضمونه تأنيث لتركي
بل يقصد اللقب انه لم يحصل على لقب شاعر المليون

فستبقى كما كنت تركي2000




((والمعنى في بطن الشاعر))

كلام صحيح .. ولا يختلف اثنان على ان حبيب افضل من تركي بكثير ..


لكن انا اوافق اللي سبقوني ..

من قصده مضمونه .. يقصد لقب تركي 2000 وانه ما اخذ لقب شاعر المليون ..

واما المزيونه فبدون ادنى شك انها روظة مقدمة البرنامج ..

وباقي الكلام صح ..

يعطيك العافية

وانا اذهب مع المحايد في ما قال

تحياتي

الكلام المحايد هو القريب للصواب
وتركي الفين شاعر ناجح ولاعليه خطر لامن حبيب ولاغيره
ولاداعي لتنبيش وتحريف الكلام

	المشاركة الأصلية كتبت بواسطة فارس الفرسان

	الكلام المحايد هو القريب للصواب وتركي الفين شاعر ناجح ولاعليه خطر لامن حبيب ولاغيره ولاداعي لتنبيش وتحريف الكلام

هههههههههههههههه

ابشر ابشر

ياطيبك طيباه ... ماعليش مادرينا إنه ولد عمك
و راجع المنتديات الاخرى يالغالي
هههههههههه

هذا تحليل عتبان متعصبين والمعنى واضح مثل وضوح الشمس

وانا لاني ضد عتيبه ولا مع مطير

و المطبات الصحيحه عند صياف الله يرحمه كان ياكلها حبيب وغيره