بطاقة معايده موال ومحاوره واللي حاظر يرد

في العيد نبغي نعايدكم يربعي جميع=ونبغي علوم الحياء ياناس وين الربيع
والفن هاذا يربعي عندنا لايضيع= وتري الرسايل متعرف دون عنوانها

ياحربنا بالحجاز وحربنا بالقصيم=بطاقه معايده جتكم بعنوانها
طلبت ربي يعافيكم وربي كريم=وانا اتحري لكم واقف بميدانها

صح لسانك يا ابا مشاري

صح لسانك يابو مشاري


وننتظر الشاعر الاخر

العيد جعله عليكم كل عامٍ يعود= وانتم بخير وسلام ودايمٍ فالوجود
والفن يبقاء و دونه ماتشح الجهود=وترى الرسايل متعرف دون عنوانها

لاهنت يابو مشاري نعرفك يالحشيم= الطيبه دايمٍ تتعب على شانها
رجلٍ تعرف العوايد مانت فيها غشيم=عن باقي اصحابنا لاتصك بيبانها

	صحت السنتكم

مضحي عساك البقا ياعارفن في السلوم = والله اعرفك رجل لجيت جات العلوم
وتراي اشورف لكم في عاليات الرجوم =وتري الرسايل متعرف دون عنوانها

الله عساك البقا يصاحبي يالزعيم = وتعيش ذخرن لحرب تشب نيرانها
ليا زهمنا لكم تدورون الزهيم = وانا اتشرف بحرب وفعل فرسانها

يسلم جنابك يابن عمي عساء ماتهون=انت واهل ملتقانا جعلكم تسلمون
جاتك علومي مع الشيله وجزل اللحون=وتري الرسايل ماتعرف دون عنوانها

البارحه شفت من يرجم بليس الرجيم=يارجمةً عقبت روعه بشيطانها
ارتاع والثانيه يجعلها فالصميم=وسفينة الغدر تفقد راس ربانها

العقل وهبه تري من ربنا ذو الجلال=وافرح لاشفت العزيز ومن ثقات الرجال
اللي له الوزن ومعود لشيل الثقال= وتري الرسايل متعرف دون عنوانها

الله عساه العمي واللي بسم سقيم=والا بحيه تفرغ فيه بسنانها
ياليتها ودته للنار نار الجحيم = وتفرح الديره اللي هد بنيانها

تشكي فلسطين مع بغداد جور العجول=ماهي سوالف حصا وإلا محاذف نعول
والوضع مزري وخلا كل عارف خجول=وتري الرسايل متعرف دون عنوانها

يالله لك المشتكا والملتجا يارحيم = وانك تسلط على صهيون وعوانها
يالله لاتبقي لهم فالارض حيٍٍٍ مقيم =واشرار خلقك متبقى ضمن سكانها

بغداد تبكي علا صدام يوم اذبحوه=والقدس تبكي علا ياسرلجل سمموه
والكل حامي مكانه لين يوم افقدوه= وتري الرسايل متعرف دون عنوانها

اتعوذو كل ماجاكم بليس الرجيم= والكفر مله وعاصي دوم شيطانها
والمسلم اللي علا دينه نعرفه حليم=وصبر الاوادم تري من قوة ايمانها