صرخة رهام

بسم الله الرحمن الرحيم
السلام عليكم ورحمة الله وبركاته
لايخفا على الجميع ماتعرضت له الطفله رهام من نقل دم ملوث لها نسال الله لها الشفاء ولذويها الصبر
ولا يخفا على الجميع الاجر العضيم لمناصرة المظلوم ورفع الصوت للمطالبه بحقه فهذه صرخة على لسان رهام نسال الله إن لايحرمنا ولايحرمكم الاجر ولو كانت مجرد صوت إلا إن الصوت مع الصوت يعطي اصوات

زاد الالم باطرف جسمي ونيت = الونه الي خلفها تخفي اطعون
باطهر بقاع الارض طبعا ً تساويت = ابغاء العلاج وصار وانتم تشوفون
الادز في دمي حقن به تغذيت = وش لون قولوا ياهل العرف وشلون
وضعي خطير إن قلت ولا له اخفيت = لعلكم لاخر ندايه توحون
طفله صغيره ضاع حقي وصديت = إلا عن الي فالقاء كونهم كون
ماراح مايعوض لو اعطيت واعطيت = لو كل مال الارض ليه تمدون
هذا وانا للموت والهم حطيت = قدام ربي وين عني تروحون
في الموقف الي كل خلقه بتشتيت = الحق له ميزان والعدل مصيون
ياخادم البيتين يمك تنصيت = اريد حقي شرع ماهو بقانون
اصيح وانادي واصوت وناديت = تكفون ثم تكفون تكفون تكفون
الضلم له حوبه وللحق توقيت = هذا كلامي وانتظر وش تقولون

فايزموسى البشري

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح لسانك وسلم بنانك ابوموسى ننتضر جديد ك
تقبل مروري ووافر تقديري ًًً؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

صح الله لسانك
ولاهنت
وسلم فكرك وبنانك
دمت برعاية الله وحفظة

الشاعر القدير فايز البشري


صح الله لسانك...

جزاك الله خير على هالمشاعر النبيله...


والله يأجرهم في مصيبتهم ويعينهم ويشفي هالبنت البريئه...

صح لسااااانك مليووون وبيض الله وجهك

قصيده في غاية الروعه والجمال والابداااااع

الله يعطيك العااااافيه دمتم ودام ابداااااااااعك

ودي واحتراااااااامي

صح السانك لاهنت
ولاهان منطوك
احساس مسلم لايقبل الظلم
والله يشفي رهام
دمت بخير

صح لسانك على هذه القصيدة الجزلة

و الجزالة لاتستغرب من مصدرها