زومالة الجاه من قبيلة المعابيد للبشور‏

سلام يا شيخ دعا داعيـه للأقصـى والأدنـى
يوفي الرجال حقوقها وإليا طلب ماقفٍ وجدنـا
انتم بشر ياسعد من جاكم وحنـا يـا سعدنـا
فالماقف اللي كل من سمعه بذل مـا يستطيـع

ياحرب ياللي بسمكم نزعم عددكم من عددنـا
مطلوبنا الطيب وبذل الجاه في قصـة ولدنـا
اللي رما به حظه المقسوم مـا علمـه بيدنـا
غصب علينا اللي حصل والطيب فينا ما يضيع

لوصابكم علم(ن) يماثل ثم جيتوا فـي سددنـا
والله لنعطيكم طلبنا يالبشور وأخـذوا وعدنـا
والطيب من عصر الجدود نورثه للـي بعدنـا
حنا معبّد ربعكـم وانتـم لكـم قـدر رفيـع

أنتم فقدتو واحـد(ن) منكـم وحنـا لـه فقدنـا
وأن كان لحقنا ولد عمه لـك الله مـا ستفدنـا
لكن نطلبكم بوجه الخالق اللـي لـه سجدنـا
العفو عند المقدره مطلوبنـا بسـم الجميـع


الرد من قبيلة بشر


يامرحبا في مرحبا باللي فواجبنا عمدنا
ياربعنا اللي من قديم الوقت عنكم مابتعدنا
حنا بشر تاريخنا معروف من سالف عهدنا
وانتم معبد بالوفا والطيب وقتوا كل ريع

صدق الكلام اللي تقوله لاجحدت ولاجحدنا
وحنا اجتهدنا فالطلب والشاهد الله مارقدنا
عمر البنادم فيد ربه لابيدك ولا بيدنا
سبحانه اللي لادعاه العبد للدعوه سميع

الله لايجيب العلوم اللي تسبب في نكدنا
وانته اليا عدت النظر حنا معك فالعلم عدنا
وحنا سعينا في دروب الخير ونكرر جهدنا
مانقصر الخطوه في درب الخير ممشانا سريع

هذي ارادة ربنا لانته اردت ولا اردنا
والله مانرضى لكم مكروه والخالق سندنا
سبحانه اللي يفرج الكربات ويحلل عقدنا
خل الوداعه ياطويل العمر في حكم الوديع

الله يـعـطـيـك الـعـافيـــــــــــة يــابــن الــعــم

بيض الله وجهك

الله يعطيك العافيه على النقل الراااائع
وبيض الله وجهك
تحيااااتي

الله يعطيكم العافيه

يشرفني تواجدكم بمتصفحي

اوقات اسعد

[table1="width:95%;"]