مادرو عن بيره الجماء وغطاها

ياسلام الله سلامً يسعد الخاطر ويسره
كنه السحب العذيه لارعدت ثم جاك ماها
من هجوس الشاعر اللي يعرف اللولو ودره
ماتنازل للذهب واهل الذهب طيب نباها
لايازمان العجايب مختلط خيره وشره
والاوادم تختلف في يوم وليله وش بلاها
من تكلم فالحقيقه قالو في قلبه مضره
ومن ينافق في وجيه الناس محبوبً معاها
والدراهم ترفع الرجال وتزيده مسره
وتتبعه كل القوافل لو ماتحصل عشاها
والبلا في رجل صامت مايحب الهرج مره
اهرجوبه مادرو عن بيره الجماء وغطاها
مانعم الخلق ولانجرح قلوب. مستقره
فيه ناسً وافيه ربك رفع في مستواها
طيبهم مثل النجوم اللي تشاهد بالمجره
ماتغيرها نفوسً عاجزه تاصل سماها
لانضيق ولانكل ولانمل ولا نتشره
رزقنا عند الولي الناس ماندور رضاها
يارفيقي في زمانً مختلط خيره وشره
ابتسم واضحك وخل الناس تطحن في رحاها

صح السانك وبيض الله وجهك

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح لسانك يعطيك العافيه

فيه ناسً وافيه ربك رفع في مستواها
طيبهم مثل النجوم اللي تشاهد بالمجره

الله ....الله

صح لسسسسانك ...واعتلى شانك ..

ابو تجوان
صح لسانك

صح لسانك
شاعرمتمكن لا يشق له غبار فالوصف وفالوزن والقافية بيض الله وجهه
حقيقه لفت انتباهي تناسق الأبيات من بدايتها بطلوع يوحي إلى أن فالقصة ذم أو خبرا.ماء
الى ان أخرج لنا نص جميل بجميع محتويات القصه بجمال وحرفنه
من تمثيل وغير ذالك إلا أن عاد واختتم النص وقال
يارفيقي في زمانً مختلط خيره وشره
ابتسم واضحك وخل الناس تطحن في رحاها
صوره جميله وحرفنه شاعريجيداللعب بالحرف
ابتسم وضحك وخل الناس تتوأكل في بعضها (رحاها )
جدا مبدع
موفق بإذن الله ... لك مني أجمل تحية .

صحت ابدانكم ولاهنتم على المرور


تقديري