قصيدة بن ثعلي ومجاراتي لها

السلام عليكم ورحمة الله وبركاته

يشرفني المشاركه مع ابناء العم في منتداهم الشامخ والله يقويهم

هذه قصيدة للشيخ / ناصر بن نهار بن ثعلي القاضي بمناسبة زيارته وجماعته من قبيلة عتيبه
لقبيلة حرب:


يقول ناصر:

ياجماعة كيف ابا اقول في حرب القصيد=وكيف ابذكر مجد والمجد هم صناعته
كيف اسويلي قصيدة وبالامجاد اشيد=والقصيد إهمه هله والوفاء زراعته
لو بغيت اكتب وأسولف واجيب إلهم جديد=تمتلي صحف ودوواين ياطباعته
لو أنا شاعر وللشعر متفهم وأجيد=الثقافه وأطمع الطيب مع طماعته
تنشف أقلامي قبل لاأجمع المجد التليد=مع جديد اليوم لو كان أريد إذاعته
عن رجالآ بالمواقف تفيد وتستفيد=والبحر ماكل سباح يلحق قاعته
حرب فرسان المواقف مطوعة العنيد=أنقلوا عني هذا القول ياسماعته
منهم اللي فك ذوده بدس الطير أكيد=ومنهم اللي في خويه حصد خداعته
ومنهم اللي كسر القفل وأبواب الحديد=وأعتق اللي داخل السور من مناعته
ومنهم اللي حط برجول من عاداه قيد=وصار خادم عقب عزه وفقد رباعته
ومنهم اللي فك الابواب قدام المديد=مانشد معسر القوم كم بضاعته
ومنهم اللي بالامارات ماجا له نديد=واستلم بيرق هل الشعر من رفاعته
وإن بغيت اذكر لكم واحداً ماهو رشيد=نتفت الاشناب من حرب جاءت قماعته
يوم زل به القدم بالسوالف والنشيد=مادرى إن اهل المواقف تراقب باعته
جبت نبذه عن هل العزم والرأي السديد=والجبل ياصعب قلعه على قلاعته
وقبل ختم القاف ربي على قولي شهيد=ماني اللي مدح كل البشر شماعته
مامدح الا واحدٍ يستحق وله رصيد=بالمكارم والمروات نفسه طاعته
عقب هذا ودي اورد لكم شيء جديد=لو تركته نقص تركه وهذي ساعته
دام جاء للمجد تضمين لبيوت القصيد=الحضيض اللي عتيبه تجي فزاعته
ينفرج كربه وترجع له الايام عيد=مايفكر في هموم الزمان وراعته
قومي الهيلا عتيبه منزحت الضديد=من هوازن ساسنا والخطر قطاعته
نلطم العايل ونزمي الياركاد المكيد=والصحن نملاه بالحيل لين فراعته
وإن عطينا نعطي الجزل مانعطي الزهيد=وإن بطشنا كل مودع يكب وداعته
ولقبونا الناس بالقاب من فعلا فريد=لقبونا اهل النقاء والكرم شراعته
ولقبونا أهل الحميه لياحصل الوعيد=ولقبونا اهل الثلاث ومن جهل رداعته
قال فينا ربنا قوم أهل باس شديبد=ذكرنا نزل على المصطفى وتباعته
نزله في محكم القول خلاق العبيد=الله اللي عزنا والفضيله طاعته
الولد منا لو انه رضيع فوق ديد=يجذبه عرق الندى والجزال طماعته
مايهاب وعن سواير جدوده مايحيد=راضع حب البطولات مع رضاعته
والسلام إختام من شاعرٍ طلعه بعيد=هامته عليا وقول الثمين ولاعته

وهذه مجاراتي للـــقصـــــيدة أقـــول:

أبتدي باسم الله اللي يدبر مايريد=واحمده وارجيه ربي وأدور طاعته
واطلبه رب المخاليق رزاق حميد=مغني الفقران ربي بعد مجاعته
لي يقود القاف واقنده معيه قنيد=يوم ناصر غلق القافيه بابداعته
ومن بعدها مرحبا عد منتوج القصيد=وعد ما التجار في سوق مكه باعته
مرحبا في مرحبا .مرحبا واثني واعيد=مرحبا بالضيف ومضيفه جماعته
مرحبا واليوم كلاٍ بجيتكم سعيد=والبلد بقدومكم ساطعه شعاعته
ياعتيبه ياعتيبه هل الفعل المجيد=الكرم والطيب والمجد ياجماعته
أنتم الهيلا ورجالكم حيدٍ محيد =والعتيبي للجزيلات دائم ناعته
تفتخر فيكم شبابه ليا حمي الوطيد=وانتخيتم بيعوا الروح يابياعته
في نهارٍ فيه فزعه وزايدها يزيد=موقفٍ ماتسمع الصوت من صعاعته
كل واحد من عتيبه سوات بن الوليد=لرتمتع بالمعركه كنها ارتماعته
والحميه بالعتيبي تسرب بالوريد=والحميه به شجاعه على شجاعته
قلتها ماني مجامل ولا عندي جحيد=ومن جحد فعل المناعير بقعا لاعته
والعتيبي عضدنا وكل حربي له عضيد=وكل حربي فالعدا كايده قطاعته
وحرب ماعندي على قول ناصر شيء أزيد=فعلهم بالمختصر موضحٍ نصاعته
واشكره شكراً يخلد بعدنا مايبيد=مثل صك الحكم وقضاتنا شراعته
والختام أثني التراحيب واكرر وأعيد=مرحبا بالضيف ومضيفه جماعته

يامرحبا مليون بالشيخ داخل بخادم حرب
وصحت السنتكم
والله يـعـطـيـكم الـعـافيـــــــــــة

بيض الله وجيهكم

يامرحبا و ياهلا بك ياخادم حرب في ملتقى حرب


و صح لسانك و صح لسان الشاعر الكبير/ ناصر بن ثعلي القاضي العتيبي

على هذه القصائد الجزلة ..... و انت يا ابو خالد ماتكسب لحـــــرب إلا

العلوم الجزلة و العلوم الغانمة.

هلا وغلا وهلا مليون هلا بمن سمى نفسه بخادم حرب العزيز الغالي
شاعرنا داخل بن عاتق الغيداني


وماتجيب الا الجزلات وانت راعيها


كفوووو كفو ياكاسب الطيب وانته مقره


ومليون صح السانك

وعلا شانك

لاعدمناك


تحيتي وتقديري

يامرحبا و ياهلا بك ياخادم حرب في ملتقى حرب

وصحت السنتكم وبيض الله وجيهكم

هلاااااا ,,, بابوخالد


هلاااااا ,,, بجبل حرب



,,, صح لسانك يابوخالد ,,,

,,, وصح لسان الشاعر ,,, ناصر بن ثعلي



تحياتي لك

يامرحبا و ياهلا بك ياخادم حرب في ملتقى حرب
صحــت السنتكــم
دمتم برعاية الله وحفظة

هلا وغلا وهلا مليون هلا بمن سمى نفسه بخادم حرب العزيز الغالي
شاعرنا داخل بن عاتق الغيداني


وماتجيب الا الجزلات وانت راعيها


كفوووو كفو ياكاسب الطيب وانته مقره


ومليون صح السانك

وعلا شانك

لاعدمناك


تحيتي وتقديري

قبل القصيد يا أهلا وسهلاً فيك يا أبو خالد

وجودك معنا يسعدنا

فأنت رجل طيب ولك وقفات مشرفه مع قبيلتك وأبن بار فيها

جمعت بين الشعر والعلوم الغانمه


فعلى الرحب والسعه ياداخل


وبدون أدنى شك أن وجودك شخصيه كشخصية داخل الغيداني في الملتقى تعتبر أضافه للملتقى


أما عن القصايد فصح السان بن ثعلي العتيبي على قصيدته الجزله ومدحه لحرب ,,

وصح السانك على مجاراتها ومدحك لعتيبه وأدام الله هذه المحبه بين أبناء القبائل العربيه فتبادل الزيارات

بين القبائل وتبادل المديح وذكر الأمجاد شي يفرح ويسعد الجميع ,,

بارك الله فيك أخوي داخل الغيداني ,,

ودمت برعاية الله

ياهلا والف هلا ويامرحبا يابوخالد حياك الله وابرك الحزات شوفة اسمك هنا حللت اهلاً ووطئت سهلاً

وصح لسان بن ثعلى على قصيدته الجزله والف صح لسانك على المجاراة والحقيقة ابداع رغم وعورة القاف

ارحب فيك مرة اخرى وياهلا والف هلا