عندي شطير(ن) مايهاب الشواطير - وعندي على ماقيل رمح الزناتي

السلام عليكم ورحمة الله وبركاته ..
\\
//
\\
حضوري بالجديد واتمنى ان تعجبكم ايها الاعزاء ..
\\
//
\\

مدري تعرف السالفه زين يمنير=والا جهلت اللي جرى ياغناتي
وبكل حال العلم يحتاج تفسير =مادام حان الوقت ملزوم ياتي
والا انت ماتحتاج مني معاذير=رفيقي اللي في طريقي مرآتي
يوم النوايا في ضميرك مغاتير =غيرك على شتمي لقيته يحاتي
ياصاحبي طالت علي المشاوير=لاشك ماني باطل(ن) في صلاتي
مير الحقيقه غير واللي جرى غير=ولاودي احذف للرفاقه حصاتي
وابو هبال اعمى براسه سعاطير=وانا على اللي قال طوْل سكاتي
علي ّ ركـّـز بالملام النواضير=ويقول بين الناس هذي سواتي
حرّف كلامي بالعرب خايب الصير =واستنكر اللي كد عرف عن صفاتي
اثر الكلام احيان يبغى معايير = واللي بلا معيار ماله طراتي
عذر البليد يغيض روس المشاهير=والعفو دايم هو سبب مشكلاتي
أخطا علي ّ ولانوى بالمعاذير= (بوقان) خان ولاحفظ لي وصاتي
جا للغزير وطبّ وسط المحاذير=شن الهجوم وخصّني بالقضاتي
ماقدّر الجيره ولاساق تبرير=واعلومه اللي قالهن سامجاتي
يبغى يقاضيني بكذب وخناثير = لفق لي التهمه بكل الجهاتي
ماقال غير الزور قدم الخطاطير=واخطى وانا ماهي بتخطي رحاتي
لو درّتها زادت عليه المخاسير=واليا نويته حالف(ن) مايباتي
عندي شطير(ن) مايهاب الشواطير= وعندي على ماقيل رمح الزناتي
مايخطي الاهداف والسر بالبير=واليا كشفت اغطاه جرّ احسراتي
واليا جذبت ارشاي جبت الحذافير=ايه الله الله ماهن بناقصاتي
والله لسوقه لين ياطا المسامير = والليل والله مايذوق المباتي
والصبح يشقى مايلاقي تباشير=حتى يشوف بعينه المعضلاتي
ويضيق دربه مايحصّـل معابير=واليا التفت علباه تشكي عصاتي
من عادتي ماني قليل التدابير=والهامل ادعس فوق خدّه احذاتي
طبعي على القشران سقم وزمهرير =واهل النمايم ماتزحزح ثباتي
وان قيل وان ماقيل دربي تسافير=راسي مثل مرسا جبال السراتي
والا مثل مايرسين ّ البوابير=لو ان موجات البحر كايداتي
ماني غشيم(ن) يصفق الجال ويحير=ويروح من صكات بقعا شتاتي
انا اليا زادت علي ْ العواثير = مااعيرهن دامي مصدّ التفاتي
ولاني خوي (ن) للبنات الغنادير=مااخاوي الا طيبين السماتي
وان ضاق بالي واكثرن ّ الدواوير=عـنـّزت للي ينطح الـموجباتي
مهو بساهجني عشير المناعير=هو سيفي اللي في انحور العداتي
مثل مااعرفه بالظروف المعاسير=تاضح علوم مدوّرين الشماتي
وقت الشدايد يثبتون المغاوير=والا على الشردان راحت فواتي
ياطير ياللي تنفش الريش بتطير=بالجو مالك روجة (ن) واشهراتي
إرقى سما ياطير لو كان بك خير=لاتكفخ الجنحان وسط الفلاتي
بالريش مانفرق بعوج المناقير=لاعوّدت للريش متساوياتي
والفرق واضح في عيون الصقاقير=طير الرخم ماصاد طير القطاتي
تاخذ عبر مما مضى يامعيثير = والا رويسك تضربه بالصفاتي
مالك سواهن واعتبرهن مقادير=وارضى بهن يوم انهن واقعاتي
وشلازمك تنفخ على جمرة الكير=واعيونك الثنتين متبلقاتي
وسط البحر لو شفت قرش وهوامير=لاهومهن ّ الحوت حتى الرفاتي
وان مااقتنعت اعطيك حجّه وتنوير=وان مارضيت ارضاك ماهو مناتي
دوك الفريده كان للشعر تآثير=وابعتبرها بالقصايد زكاتي
للقول وقت ولو يجي فيه تآخير=ماهو بعيب العيب مافات ماتي
في مثل هذي ماتموت التفاكير=من قدْح راسي للطلب والماتي
انا اليا من قلت جبت التعابير=ركزة وتد ماهي بمتخرماتي
قولي وانا بن عيد عبره وتذكير=واقوالي اليا جبتهن مثبتاتي
تبقى سداد مخلـّـفات الفواتير= واللي سقط منهن ّ بالمقبلاتي

[] وسلامتكم [] ..
][ انشالله اعجبتكم يالغالين ][ ..

حجز اول

اذا هالكلام المصبوب صب الذهب ما يعجبنا ويش يعجبنا

لله درك شاعر يابدر

ايوالله دره عندنا من شاعر مايجيب الا الجزل
لكن المقرود اللي توليته عزاللهه انك نجحت الكيه يابدر
صح لسانك مدد بلا عدد

صح لسانك يابدر مدد بلا عدد

وبيض الله وجهك

وفيت وكفيت

كفو كفو كفو

اشهد بالله شهادة حق ان هالقصيده منوخه ومدوخه

صح لسانك يابدر ولاهنت

كفو كفو يابوعيـد

صـح لسـآنك يالجزل

الله لايهينك يالغالي

ابدااااااااااااااااااااااااااااااااااااع×ابداااااا ااااااااااااااااااااااااااااع

بدر الهبيري


صح لسانك وعلا شانك

بدر الهبيري

صح السانك


ولاتكفيك كلمت صح السانك

اشاده اشاده اشاده


بيض الله وجهك


الله اكبر كذا الكلام ولا بلاش

الله يطول عمرك

وتحياتي لك

صح لسانك يابدر الهبيري

قصيده رائعه من شخص رائع وراقي

لاهنت ودمت في رعاية الكريم

انـــا الـيــا زادت عـلــي ْ العـواثـيـر
مااعيـرهـن دامــي مـصـدّ التـفـاتـي
ولانـي خـوي (ن) للبنـات الغنـاديـر
مـااخــاوي الا طـيـبـيـن الـسـمـاتـي


كفوووووووووووو و الله يا ابوعيد

اشهد انه ماربح هالمعيثير هههههههههه كفيت و وفيت يالهبيري
صح لسانك و سلمت يالغالي و مادام القبيلة فيها من الشباب شعراء مثلك و شرواك فحقيقة انكم مكسب لها.