سالم العرم .. ترحيب ومدح بالحوامضة وشيوخهم

هذه القصيدة ترحيب وتمجيد بربعي الحوامضة وشيوخهم وقد القيتها في ليلة الخميس 9/1/1432 هـ في الحفل الذي اعدوه العروم من الحوامضة لسلامة الشيخ غازي بن محمد ابن كلاب

منا لكم تحية الاسلامي = اقولها عن العروم حزامي
اقف وامثلهم وأنا ابو خالد = في ماقف ٍ سامي وعلم ٍ سامي
لله يحيي كل من شرفنا = جاءنا ولبى دعوة العزامي
والله يحيي من وصلنا عذره = لو كان ماهو جالس ٍ قدمي
ترحيبتن مثل الذهب والفضة = والفرق يصعب وزنها بجرامي
يصعب على راع الوزن يازنها = لانها جت من بحرها الطامي
تارد سوات العيس في موردها = لا جاءت من بعد الشديد حيامي
مدت رجال العرف واهل الجزله = عيال مسفر بالنهار الحامي
العرم مسفر من عيال حويمض = زبن الدخيل موردين الظامي
وما دامهم ربعي عصابة راسي = المجد سيفي والمراجل خامي
حنا يطيب الطيب من طيبتنا = غرب وجنوب وشرقها والشامي
من دون قاصر بالوفاء ورجاله = الطيب عرقه بالنشاما نامي
الحق يا اهل العرف يفرض نفسه = وعده إليا جاله مجال الزامي
ومن لا حفظ ماضيه ماله حاضر = وأنا اسلامي وافتخر باسلامي
والرجل لا من قام دون حقوقه = ترفع له البيضاء على الاعلامي
يقودنا شيخ ٍ عريب ٍ ساسه = شيخ ٍ ولد شيخ ٍ وحر قطامي
له شيخة ٍ من عند ابوه وجده = ماهي بشيخة من وراء الاقلامي
يوم الشدايد والحياة القشرا = قدام حكم مطوع الحكامي
الفضل لله ثم له واجداده = واللي يقول الحق ما يلامي
ذرا لنا عن كل برد وحايه = مصمك صخر ماهو بيوت خيامي
ظل ٍ لنا وقت السموم وحره = تقول ماهو من لحم وعظامي
عج الرمك لثار يوم القاله = ضرغام ينطح له مائة ضرغامي
إليا غشى الزمل الضباب وخيم = ستر العذارى مرعب الاخصامي
على العداء داب ٍ يموت سمه = من جاه سمه يذبحه ما قامي
راع الشجاعه والكرم والفزعه = المجد مجد محطم الارقامي
والنادر اللي جبت بعض اوصافه = ترى شبيهه جالس ٍ قدامي
نعم شبيهه غازي ابو محمد = على اسم جده عاشت الاسامي
اللي على سلامته مع شوفه = سقنا البشاير والله العلامي
انته مثل برق ٍ يبشر بالماء = منه ارتوت كبد العليل الظامي
إليا حدا الرجال وقته جاء لك = ومال العظام إلا شجيع عظامي
يجيك همه كبر ضلع تهامه = ويروح ما تقل ان صابه رامي
لك مجلس ٍ عامر لشفت اضيوفه = اقول لا حاتم ولا حتامي
يابو الكرم والجود والجديه = وغيرك ولد عم الكرم وارحامي
هذا قليل ٍ من كثير ٍ شفته = وزود حماسي وانتخيت الهامي
وجاءت الفرايد فيك وحده وحده = تجري كما البكره بدون خطامي
بكره لو انها جاءت بأم رقيبه = بأقل من مليون ما تنسامي
متبختره والبختره تقبلها = في كبرها مثل البطل صدامي
لان راعيها تساوي عينه = وعنده عليها حجة استحكامي
ما دور العيشة وراء بيعتها = لو بات ما عنده عشاء وايدامي
لكن يهد النادره للنادر = اللي تفوق الاربعين بعامي
صلوا على محمد شفيع الامه = تحية اسلامي وخير ختامي

لاهنت وصح السانك

تقبل التقدير والاحترام

وفقك الله

صح لسانك مليون على القصيده
والله يـعـطـيـك الـعـافيـــــــــــة

بيض الله وجهك

تسلمووووووووووووووون على مروركم العطر

الله الله

الحمدلله على سلامت شيخ العروم


والنعم فيهم وبالحوامضه كافه


ونهنئهم على نجاح الحفل حسب مانقل لنا


وعن القصيده


صح السانك ياسالم العرم حتى ترضى وربعك يستاهلون المدح


دمت بخير ووفقك الله

الشاعر سالم العرم

صح لسانك وبيض الله وجهك على القصيده الجزله

من شاعر جزل والنعم بالعروم والنعم بالحوامضه

والنعم بالشيخ غازي بن محمد ابن كلاب

تشرفنا في حظور حفلكم اللي يرف الراس وبيض الوجه

ترفع الكم البيظاء يالعروم

كفووووووووووو كفووووووووووووووو


ومليون صح السانك ياسالم


وعلا شانك



تحيتي وتقديري

تسلمون على مروركم الغالي

والشكر لك ياسعد المحمدي على حضورك الذي اسعدنا وشرفنا
لا خلا ولا عدم

صح الله لسانك
ولاهنت
وسلم فكرك وبنانك
دمت برعاية الله وحفظة

سلمت وبيض الله وجهك