الرقم{1112} رجل قوي الحيل محلول (الشوف اذا قصر) من ملك الحلول وجودك كفو

السلام عليكم ورحمة الله وبركاته ومساكم الله بالخير
اليكم هذا اللغز البسيط وان كان ماهو بالمستوى ارجو قبوله والسموحة

انشدك عن رجل قوي الحيل واعزومه قوية = يقضي لزومك بالعجل ماهمته حسنة وسية
خدام في شمس النهار وفي ظلام الخرمسية = يعزه المسلم وحتى الكفر زود يحشمونه
ماجوزوه الناس يوم انه يجمل في شبابه = وان قلت باجوزك قال الشرح ذامصكوك بابه
وليا انتهى عصر الشباب وقام يغلط في حسابه = دورعلى بنت تشيله والرجال يجوزونه

بيض الله وجهك وصح الله السانك يابومريع

انا ودي امخمخ شوي على اللغز

ويش رايك بالموتر الجديد وبعد ماينهد حيله على ظهر السطحه هههههههه

وتقبل تحياتي

صح لسانك وطابت ايامك

اخو ي ابن خير الله مساء الخير صح بدنك وهذا اللي يبيله مفطح ودلة
والرمعة مالك لوا
تقبل تحياتي

ابوخالد الفريدي صح بدنك وطال عمرك
وتقبل التحية والاحترام

ملاحظة يبدل الشطر الاخير بالاتي = دور على بنت تشد الحيل ثم يجوزونه

صح لسانك يابومريع وبيض الله وجهك

وش تقول في النظر إذا قصر الشوف ولبس الإنسان نظاره

بيض الله وجهك وجودك يكفي والله انك كفو ذبحته هو وزوجته
تقبل تحياتي

ماعليك زود يابومريع وصح لسانك على اللغز الجزل وعادتك الجزاله

أحترامي

	المشاركة الأصلية كتبت بواسطة حسين مريع العبيدي

	اخو ي ابن خير الله مساء الخير صح بدنك وهذا اللي يبيله مفطح ودلة والرمعة مالك لوا تقبل تحياتي

ماشاءالله الشباب ماخلوني امخمخ على اللغز

وجودك يكفي

بيض الله وجهك جبتها صح

وبصراحه لو جلس لمخمختي تبطوووون ماتلقون الحل هههههههه

لكن كل الشكر لكم على هذه اللألغاز وهذه الحلول والتواصل المثمر

وبيض الله وجهك يابو مريع وبيض الله وجهك وجودك يكفي

وتقبلوا اجمل التحايا

ودمتم في احسن حال