لحن بيني وبين الشاعر القدير العم/ ابو سالم الرحال

السلام عليكم ورحمة الله وبركاته
اخواني مشرفي و اعضاء ملتقى قبيلة حرب الرسمي تحية طيبه
هذه اللحن جرى بيني( الصميدي "بن سنيان الاحمدي") في منتدى نخبة الشعار وبين الشاعر
القدير العم/ ابوسالم الرحال

الصمــيــدي=
اعـداد منـه سجـد لله = واعداد ماله عدد يحصيه
سلام والطيّبـه مبـداه = سلام من يمنـا نقريـه
الــرحـــال=
من صافى البال لك صــغناه = ترحيب وازكى التحايافيه
مخصوص للوافى ارسلناه = اللى تشرف جنابي فيـه
الصمــيــدي=
وافي ومجنى الوفاء تجناه = يـاعـد ماينتهي راويه
يامن فالامثـال نلت الجاه = نبغى معاك المثل نبديه
الــرحـــال=
الطيب سابق لكم ممشاه =مانزود حنا على راعيه
وعذب المثل منك اتحراه =باللى تشوفه ومتوريـه
الصمــيــدي=
لجل الموده ذرف من ماه =طرفي ونجم السماء يرعيه
أعطيته الشهد فـي يمنـاه =والمر كاسه لنـا يعطيـه
الــرحـــال=
الود ياكم مـن ابكـاه =هذا سلوبه وما يمليـه
مالم ينال المود رضاه =مايلام طرف الذى يبكيه
الصمــيــدي=
حمّلت روحي حمل مااقواه =كله على شان يوم أرضيه
اثر الرضا عندهم فحـواه =كل الـذي بيننـا نلغيـه
الــرحـــال=
ماينال من لايضحى مناه =ويساير الوضع ويجاريه
واللى توده خذ بيمنـاه =ان كان عندك امل ترجيه
الصمــيــدي=
لو يسلم الأمر كيد اعداه =اللي تضده عن موديه
كان الأمل فيه أملناه =واللي حصل منهم مااشكيه
الــرحـــال=
من كان يحسب حساب خطاه =والود من منهله يرويه
يطش كيد العدى يسراه =ولا يعكر المفتري صافيه
الصمــيــدي=
الود محكوم حكم طغاه = والكيد مجبور مايعصيه
شرحت لك فالهوى مأساه =وانت عليك المثل تنهيه
الــرحـــال=
جاك الحكم نص وانت تقراه =ممضي ومختوم من قاضيه
شطب سجل العنا وانساه =مادام عنك البخت حاديه
ويصحابنا سامحونا=

صحت السنتكم
والله يـعـطـيـكم الـعـافيـــــــــــة

بيض الله وجيهكم

شرحـت لـك فالهـوى مـأسـاه = وانــت علـيـك المـثـل تنـهـيـه
,
,
,
شطـب سجـل العـنـا وانـسـاه = مـادام عـنـك البـخـت حـاديـه


صح لسانك اخوي الصميدي وصح لسان ابو سالم الرحال لحن رائع ومستوفي بدون نقص ولا زيادة بيض الله وجيهكم وتحية وتقدير الى منتدى نخبة الشعار ادارة واعضاء دمتم بخير وصحة

صحت السنتكم

تقبلا تحيتي وتقديري

صحت السنتكم
والله يـعـطـيـكم الـعـافيـــــــــــة
بيض الله وجيهكم

لحن رائع وكلام جميله



صحت السنتكم وبيض الله وجيهكم

صحت السنتكم وبيض الله وجيهكم

	المشاركة الأصلية كتبت بواسطة رابح الجحدلي

	صحت السنتكم والله يـعـطـيـكم الـعـافيـــــــــــة بيض الله وجيهكم

صح بدنك وعساك سالم
شرفني مرورك في متصفحي
دمت بخير...

	المشاركة الأصلية كتبت بواسطة ماهر ابو خالد

	شرحـت لـك فالهـوى مـأسـاه = وانــت علـيـك المـثـل تنـهـيـه , , , شطـب سجـل العـنـا وانـسـاه = مـادام عـنـك البـخـت حـاديـه صح لسانك اخوي الصميدي وصح لسان ابو سالم الرحال لحن رائع ومستوفي بدون نقص ولا زيادة بيض الله وجيهكم وتحية وتقدير الى منتدى نخبة الشعار ادارة واعضاء دمتم بخير وصحة

صح بدنك وعساك سالم أخي ماهر الحازمي
شرفني مرورك في متصفحي
لك كل التقدير والاحترام
دمت بخير...

	المشاركة الأصلية كتبت بواسطة همس القوافي

	صحت السنتكم تقبلا تحيتي وتقديري

صح بدنك وعساك سالم
شرفني مرورك في متصفحي
دمت بخير...