رباعيه وين الشعار

ياسلام الله سلاما" فيه للشعار معنى وانقضو بعد الفتل=
شاعرا" مايعرف الدعوى عساه بخير والميزان شايله كتل=
من يمينه ترمي الاهداف صح ومن يمينه لارمت تشتل شتل=
والعلم فوق الجبل مرفوع والخالق على خلقه رقيبا" ماينام=

الليله الليله قمر ونجوم = والملعبه ميه على ميه

الثاني

اربعه مطلوب وليله ماشفت بالديره من الشعار احد=
يوم بن شطيط طلبكم كل واحد ياجماعتنا غاب وقعد=
الله انه يحفظ الديره واهلها من صواديف النكد =
والعلم فوق الجبل مرفوع والخالق على خلقه رقيب=

الليله الليله نبا صدق العلوم = كلٍ يجيب الدلو ممليه

مرحبا يامرحبا ترحيبتا" تبقى على مر الليالي يابدر=
ماقضينا عقب فتلك للحبل ننقضه والمعنى سيول بمنحدر=
والله ان البندقيه معيي ماتخطي تزم الذر واشواك السدر=
والعلم فوق الجبل مرفوع والخالق على خلقه رقيبا" ماينام=

ياطير من ضمن الطيور تحوم = عطني علومك وازهم النيه

صحت السنتكم وان شاء الله يجي احد الشعار ويكمل معهم هذه الرباعيه ونسعد معكم بمتابعتها لاهنتم الجميع

مرحبا بك يامحمد عد ما لاحت بروق فالسما والقاع قفر=
مير حنا لاتسمعنا العزاوي شفتنا فاللازمه ضباط خفر=
الله اللي يغفر ذنوب الرجال المخطيه ماعندنا للذنب غفر=
والعلم مرفوع والخالق على خلقه رقيب ولاينام=

تكاتف الزيزوم مع زيزوم = ماعاد باقي بطة حيه

قواكم الله ....... متاااااااااااابعين

يا الله استر من ابراهيم القروني صاير الليله خطر عنده بلا=
مير ابي اجره بقرونه بعيد عن ساحة المعركه ولا قيه الخلا=
هو ما يعرفني مير انااعرفه زين واعرف أن فيه يا كثر الحلا=
والعلم مرفوع والخالق على خلقه رقيب ولاينام=

معاد فيها غير ضرب سهوم = خلك بوسط الظل والفيه

الليالي طايله والسالفه عند العرب وين انت يامرسى الجبال=
لك شهر ماجيت واليا جيت مثل الجابه اللي سترها ثوب السوال=
انت شاعر مايهمك ذيب ولا نمر تملك لك شجاعه واحتيال =
والعلم فوق الجبل مرفوع والخالق على خلقه رقيبا" ماينام=

الميت الله يجعله مرحوم = والحيي يبقى للسعوديه

يالربع ترتيب الرباعيه ( بدر + ابو عويض + مرسى الجبال + القرووني )

	المشاركة الأصلية كتبت بواسطة مضحي بن جمران

	صحت السنتكم وان شاء الله يجي احد الشعار ويكمل معهم هذه الرباعيه ونسعد معكم بمتابعتها لاهنتم الجميع

صح بدنك ويامرحبابك ياشاعرنا الجزل مضحي بن جمران والسعد بحضورك المشرف
لاهنت .......

	المشاركة الأصلية كتبت بواسطة جميل بن حميدان

	قواكم الله ....... متاااااااااااابعين

الله يقويك ياشاعرنا الجزل جميل
ومرحبااابك