فارس الحرف / سالم العرم / راع الاوله / محمد العجي

فارس الحرف=
سلام الله على شعار حرب اللي لها ميقاف=نقوله يوم جينا عند حرب اطوال الايماني
سالم العرم=
وانا الليل بصف عيال يام موسسين القاف = اانا دون اخويايه واتحدى من تحداني
راع الاوله=
هلا يامرحبا والحر لاجا فاللزوم يشاف=تقولة مير يابن الناس للاوزان ميزاني
محمد العجي=
وانا معي ابن عمي بالمواقف ماعلينا اخلاف=ولكن شد حيلك واعلم انك ما تعداني
فارس الحرف=
لعل الك البقا يالشاعر اللي تنعش المحراف=نباك المركز الاول ولا تقرب من الثاني
سالم العرم=
الا ياويلكم مادام نايف صاحبه نواف = على عز وشرف يلاح ياليحي ياليحاني
راع الاوله=
لعبنا فالدفاع وفالهجوم ونقنص الاهداف=لاتدخل بين موسى والعصا خاتم سليماني
محمد العجي=
عسا ربي يوفقكم ويطلعكم على المشراف=وتصبح مثل ناصر مع خويه ولد سدحاني
فارس الحرف=
ليا جتك البوابير الثقيله ماله مجداف=تبا تنقلك من حد السعوديه لعماااني
سالم العرم=
مادام ان البيوت من الصخر لو يحذف الحذاف =لك الله ماعلينا من هروج فلان وفلاني
راع الاوله=
الا يامحرم العمرة ولاتسعى ولاتطاف=وانا اكبر على راس المريكي والبريطاني
محمد العجي=
ترا مافيه عمله مالها في سوقنا صراف=ولكن سوقها ياصاحبي سوقن على شاني
فارس الحرف=
نهار العيد الاكبر روح ولبس لك ثياب نضاف=ولا صليت فيها تأمنك من كل شيطاني
سالم العرم=
لو انك ماانت غالي كان زانت عسفت العساف =ولكن لي يدن ما تنوش عيني لجل حجاني
راع الاوله=
علامك تحتدي وانته تلبس لك ثياب قضاف=دخيلك صون نفسك لا تجي يالمجني الجاني
محمد العجي=
متين الجنب يدحم بالمتون امتان ولا اسخاف=توكد من كلامي زين انا خابرك مذهاني

الله يـعـطـيـك الـعـافيـــــــــــة على الاخـــتيار المــوفــق
وصحت السنتهم
بيض الله وجهك

صح الله السنتكم ولاهنت يامحمد على النقل

صحت السنتكم
ملعبه رائعه