عااااااااجل : محاورة معتق العياضي بحفر الباطن

قالوا الربع غير غير = قلت حاضر ماني متحيِر
إلعبوا و الموال قصير= و أربعه و أربعه مدبوله
عد ماذعذع الغربي و نسنس هواه=ياسلامي على الحله و زوارها
العياضي عرفنا بيعه و مشتراه= لايغيب عن التجره و تجارها
بعد غيرت هالموالي = حي ياحي هالرجالي
قوم و إلعب بصوتٍ عالي=و أربعه و أربعه مدبوله
عد مايبرق البراق داخل سماه= مرحبا بك برده تشتعل نارها
العياضي تموت و لاتصل مستواه= عارفٍ كيف ماردها و مصدارها
أنت توك ولد و غليِم= مار جوك وراها مغيم
تطمر الارصفه و متيم=و أربعه و أربعه مدبوله
واحدٍ مايبانا كلنا مانباه= لد عينك يمين القوم و يسارها
فوق راسك حصاه و تحت رجلك حصاه=اقضب الارض لاتعميك بغبارها
صح توي ولد ياباشا= لكن أشري و أبيع بكاشا
لانزلت الولد ينحاشا=و أربعه و أربعه مدبوله
الظفيري هذيّا يستر الله علاه= ليت بعض الاوادم تضبط إزرارها
عان ذيب المشاكس قام يرفع عواه=لين ماشاف حرب و عاين شعارها
أنت وش رايك تخاويني = و أضعك وسط قلب و عيني
تكفى ياصاح لاتخليني=و أربعه و أربعه مدبوله
لاهب الجمر يحرق رجل منهو وطاه= عد ساس العمارة و ارفع جدارها
ذيب خل الوسيدي مايكمل عشاه= و أنت في ذمتي و الناس فديارها
كان خويتني نبغيكم= لأجل و الله لأفلي فيكم
لأجل ماترفعون يديكم=و أربعه و أربعه مدبوله
أنت دون الهدف مدري نشوفك وراه= بندقك بندقك لاتخطي عيارها
ابن عمي لياجاله لزوم احتماه=يوم بعض الاوادم نسمع أخبارها
يابو ردين يابو ردانه= ليش الحلوه هاذي زعلانه
ليلدانه ياليلدانه=و أربعه و أربعه مدبوله
الظفيري لك الله مايخون اخوياه=يعرف جنيهها و يعرف دينارها
واحدٍ في طريقه واحدٍ في عماه= كان هاذي علومك ملعن عارها
يا أم رديّن يا أم ردينه=صاحبي قام يعمي عينه
يحسبنه يجيب الزينه=و أربعه و أربعه مدبوله
من يروح ليا الطايف يشيله معاه= يحذفه وسط غرفه عالي جدارها
ألا يامعتق أبشر لك بحصه = تكون علومنا قصه بقصه
وضعتوا للصواريخ المنصه= على المختار صلى الله وسلم
مشروع تطبيع العلاقة بين شمر و الحروب=مشروع صالح في منافيعه و في قوميته
أن كان معتق يمتلك تعبير و أهلية وجوب=نعامله في ساحة الميدان قد اهليته
ألا ياذيب ياراع الدراسه = أخذت الشعر من راسي فراسه
و لا أبغالك حصص ياأبو التعاسه=على المختار صلى الله وسلم
حنا علاقتنا على شرع الله و علوم محسوب=لكن ياربي تجازي كل شخص بنيته
اصبر معايه نص ساعه ثم أوريك الدروب=بعض الاوادم مايعرف الدرب لين نبيته
كلام المصطفى يوم انتكلم=يقول العلم يوخذ بالتعلم
مافيك قصور و لهاب المعلم=على المختار صلى الله وسلم
النقص و الجوع القوي و الخوف نزاع القلوب=أحوال تظهر معدن الرجال و انسانيته
لامن بنيت الفعل للمجهول يالنايب تنوب= و الحرف من موقع لموقع تختلف وضعيته
مانبغى علم منك يالكريمي= أخذت العلم من نهج السحيمي
عسى ربي يحطه بالنعيمي=على المختار صلى الله وسلم
الخوف ماشي خوف ياذيب المشاكس يالكذوب= أنا ليا مني لقيت الخصم اشيل لحيته
أن كان عادت للنجاح ان كان عادت للرسوب=الله يبارك بالجبل حتى تنام بفيته
تناسا عمك إلهاب الوسيدي= نسبت الفضل للناس البعيدي
أضنك معك قد شب الحديدي=على المختار صلى الله وسلم
اللي يبي ينجح بجهده في ميادين الشعوب= ماعاد يقدر لو يثير الكون في عقليته
إليا المدرس تاجر أقامات و الناظر لعوب= بالوضع هذا كل طالب تندمر نفسيته
ترى صياف عندي مثل عيني= و حتى إلهاب أعده كاليميني
و راشد نعم عز فطيني=على المختار صلى الله وسلم
اللي يبأ ينجح يحول كانها شبت شبوب= لكن أنت مثل الساحر اللي تنفعه جنيته
ياذيب هود قبل لا نلعنك لين أنك تتوب=ترى مثل اللي ينادي ماسك(ن) ربيته
سمعتوه اعترف مدري تشقق= و أضن الفضل يرجع للمحقق
أنا أسولف و خلق الله تدقق=على المختار صلى الله وسلم
لو كنت معنا قبل تقصيف الموارد فالغروب= نعطيك علمٍ ماوجد تاريخ لإصلاحيته
فالبحر جربت السباحه بالجراب و بالتيوب= شاركت حتى الحوت في رزقه و في محميته
تضيعها ليا جاك الحماسي = ربوعي كلبوهم تاج راسي
حزامي كالجبال اللي رواسي=على المختار صلى الله وسلم
أنت الحقيقه ليش تحجبها ليابانت حجوب=بلاك عارف كل رجالٍ معه جنبيته

صح لسان شاعرنا الرائع ابومنير

وبيض الله وجهك على النقل

يعطيك العافيه على نقل المحاوره الرائعه...
بارك الله فيك ...
تحياتي

صح السان الشاعر معتق العياضي
ومشكور على النقل الجميل

صح لسان شاعرنا الرائع ابومنير

الله يـعـطـيـك الـعـافيـــــــــــة
بيض الله وجهك

مـــشـــكــــور على نـقـل الموضوع



وصح لسان الشاعر/معتق العياضي

تسلم أخوي أبو روان


وعززززززالله يامعتق كفووووووو وحنا معاك ولايهووووون شاعرنا الكبير الهاب الوسيدي وبيضتوها كالعاده ياحرب

	المشاركة الأصلية كتبت بواسطة نشمي المطوع

	صح لسان شاعرنا الرائع ابومنير وبيض الله وجهك على النقل

نشمي المطوع

مشكور على المرور يالغالي

أبن العم الغالي ::
فارس حرب
حفظك الله ورعاك
بإسم أخي الشاعر :: معتق العياضي
أتقدم لك بخالص الشكر والتقدير
وبيض الله وجهك وكثر الله من أمثالك
ليس خطأً مني أبو ناصر عندما كتبت فارس حرب
فأنت فارس حرب كلها وليس عوف فقط
وللجميع كل الشكر والتقدير