العذر والسموحه

العذر والسموحه ياهل المنتدى = كلمتين اقبلوها العذر والسموحه
علقوا كم لوحه في دروب القدى = للي يضل دربه علقوا كم لوحه

	المشاركة الأصلية كتبت بواسطة ابراهيم القرون

	العذر والسموحه ياهل المنتدى = كلمتين اقبلوها العذر والسموحه علقوا كم لوحه في دروب القدى = للي يضل دربه علقوا كم لوحه

بين جيّه و روحه، من يجي ما غدى= و كلمتيك سمعوها، بين جيّه و روحه
يالرفيق النصوحه، يوم جيت تحدى= أبلج العلم ذربِه، يالرفيق النصوحه

نوحة بعد نوحه كان راحت سدى = وكانهم لاحظوها ما سمعت اي نوحه
طير خاطر بروحه يوم شاف العدى = قام من دون سربه لين فادى بروحه

	المشاركة الأصلية كتبت بواسطة ابراهيم القرون

	نوحة بعد نوحه كان راحت سدى = وكانهم لاحظوها ما سمعت اي نوحه طير خاطر بروحه يوم شاف العدى = قام من دون سربه لين فادى بروحه

يا مسبب جروحه، وش تبي بالردى= العرب يعرفوها، يا مسبب جروحه
كان ما خفت شوحِه، صرت كبش الفدى= ما تحمَّلْ لضَرْبَه، من عطيبات شوحِه

كل شاعر وبوحه له مية مقصدى = مير ماتعرفوها كل شاعر وبوحه
المريض بجروحه جالك تضمدى = وانت فيديك حربه زدت فيها جروحه

والله اني ما انتبهت للكلمه اللي سرت تبيني اغيرها غيرتها

	المشاركة الأصلية كتبت بواسطة ابراهيم القرون

	كل شاعر وبوحه له مية مقصدى = مير ماتعرفوها كل شاعر وبوحه المريض بجروحه جالك تضمدى = وانت فيديك حربه زدت فيها جروحه

كل قِدرٍ و فوحه، لو يطول المدى= طبخةٍ ما انجظوها، كل قدرٍ و فوحه
دام ما فيه لوحه، و صوت ما له صدى= كل حربي لحربه، دام ما فيه لوحه

	المشاركة الأصلية كتبت بواسطة ابراهيم القرون

	والله اني ما انتبهت للكلمه اللي سرت تبيني اغيرها غيرتها

ما يهمك يا ابراهيم خلها سلف هههه

تحيتي لك

صحت السنتكم
شعار كبار ولا يختلف عليكم اثنين
والله يـعـطـيـكم الـعـافيـــــــــــة
بيض الله وجيهكم

	المشاركة الأصلية كتبت بواسطة الحب الباقي

	صحت السنتكم شعار كبار ولا يختلف عليكم اثنين والله يـعـطـيـكم الـعـافيـــــــــــة بيض الله وجيهكم

الله يحييك يالحب الباقي

عافاك الله

لا هنت على حضورك العطر