( رساله موجهه إلى الشاعر/ احمد بن ناحل)

بسم الله الرحمن الرحيم
هذه
القصيده
موجهه
مني
إلى
الشاعر
الكبير
شاعر( الميقاف)
الشاعر/ احمد بن متعب بن ناحل ألأحمدي الحربي
واتمنى
ان تنال
إعجابكم
وإعجاب
شاعرنا
الذي
لا أستطيع
أن أوفيه حقه

مني تحيه وافيه مابها قصور = تحمل عبير الورد في محتواها
للشاعر اللي يازن الشعر فبحور= يعجز يجاري ردها من وحاها
بحضور قايدنا بطيبه قبل دور= له وقفة ٍ بالشعر كلاً طراها
هو شاعر الميقاف لاقام مخبور= تهز المنابر جزلته لاقراها
هذاك ابو متعب على سر وجهور= محبته بالقلب زايد غلاها
لو صفوا الشعار بالفين طابور= ابيات شعره ينعرف مبتداها
مذكور بالجزله بالاعلام مشهور= كم من قناة ٍ بثته في فضاها
نجمه بدا بين النجم ساطع النور= فاق النجوم الساطعه في سماها
عسى عدوّه فاله يموت مقهور= دونه قبيله تحتمي من نصاها
زيد النظم يااحمد لك اليوم جمهور= جديد شعرك دوم غاية مناها
عساك تبقى بالمحافل لك حضور= الناس في طلتك يسعد لقاها
ارض الخليج تزيد في شخصك فخور= يالاحمدي هقوتك مبعد مداها
خذها نصيحه تنفع سنين ودهور= من واحدٍ لاقال كلمه حماها
لاتلتفت له راعي الزور محقور= لن الحسد علّه صعيبٍ دواها
والتجربه تغنيك عن طب دكتور= والناس لايزعلك كثرة لغاها
مني عطيتك كلمة الحق والشور= صمتك عن الجهال يسوى هجاها
وصلي على اللي جاك بالخير مامور= عداد سكّان المدن مع قراها

الشاعر/ خالد بن عبيد بن معتوق ألأحمدي

صح لسانك ياصقر المراقيب بيض الله وجهك ويستاهل ابن ناحل كل جزله ممثل الجميع بهذا المحفل اللي تجتمع به عمالقة الشعر من جميع اقطار الخليج وكلنا فخر بتواجد شاعرنا الرائع احمد بن متعب الناحل بين هؤلاء العمالقه وان شاء الله النجاح حليفه الدائم لاهنت ياصقر المراقيب على هالقصيده الوافيه سلمت ودمت وتقبل تحيتي

والتجربه تغنيك عن طـب دكتـور
والنـاس لايزعلـك كثـرة لغاهـا

صح لسانك ياخالد

ويستاهل احمد بن ناحل بيض الله وجهه

خالد بن عبيد بن معتوق الأحمدي
صح لسانك وبيض الله وجهك ياصقر المراقيب وأشكرك على تكريمك لأخيك بهذه الشهادة التي أعتز بها وأسأل الله أن أكون عند حسن ظن الجميع
واقبل مني على عجالة هذا الرد المتواضع الذي أتمنى أن يرتقي لشموخك وأعتذر عن التقصر إن وُجد

يامرحبا ترحيبة ن كلها عطور = تسر خالد من زكاوة شذاها
ياخالد بن اعبيد مشكور مشكور= على البيوت المحكمة في بناها
أنا أتشرف بك وفي كل منعور = وشهادتك لأخوك فيها ايتباهى
الشعر وآنا أخوك أحاسيس وشعور= مافيه غايات ن ندور وراها
إلا الجمالة فيه.. ونمثل الدور = انشرف اللابة وندرك رضاها
عند اللوازم لابدت نهبد الزور= وانطولها لو هي طويل ن سراها
كله بتوفيق الولي شيء مقدور= والا الأوادم ماطلبنا عطاها
أحد ن مثل ماقلت حاسد ومثبور= لوهي بيده عنا الفضايل محاها
ضعاف النفوس اللي عساهم بحادور=ماضيقوا نفسي وباحوا خفاها
لاتحسبن من حكيهم دمي يفور=ترى الصغاير مايزعل خطاها
نخشى على أسمانا نجاري ثم نجور= ونطحن بقايا حبها في رحاها
حنا عيال شيوخ ولربعنا سور=مثل الحصون اللي يذري ذراها
ان مافعلنا خير ماعندنا شرور=اكفوفنا ماكفكفت عن سخاها
وان صار زود ن في هل الخيل والكور=نحور الطغاة انرد فيها طغاها
مادامنا ياخوك في نايف القور=ماهمنا اللي بنضحها يجف ماها
واللي على اسمه منطلق حكيك يدور=انشد وتقلى ذودنا قد رعاها
من خلقة الدنيا ليانفخة الصور=الحشو في ضرب العصي انحداها
ماياصل القمة مقيد ومهجور= وأرضه ترى مانخضع لمستواها
وأنت أرتك وراس الشياطين مدحور=اشمخ ولايوصل شموخك غثاها
والياكثروا حسادك تصير مسرور=وأمراضهم خطوة نجاحك دواها
والطيبين يباشرونك على الفور=بالطيب والأجواد تحشم لحاها
واسلم ودم يالأحمدي وفالك الحور=بأعلى الجنان اللي عملنا برجاها
وختامها بالعود الأزرق وبعطور = من مبتداها تفوح لا منتهاها

وتقبل تحيات أخوك /
أحمد بن ناحل

والياكثروا حسـادك تصيـر مسـرور=وأمراضهـم خطـوة نجاحـك دواهـا
والطيبين يباشرونـك علـى الفـور=بالطيـب والأجـواد تحشـم لحـاهـا

الله

صح لسانك ياحمد مليار

وبيض الله وجهك اوفيت يابن العم

سجل اعجااابي بكل القصيدتين

وصح لسان صقر المراقيب وصح لسااانك

صقر المراقيب
صح لسانك و بيض الله وجهك و يستاهل شاعرنا الغالي / أحمد بن ناحل

الشاعر القدير/ أحمد بن ناحل
صح لسانك على هذا الرد الجميل

السلام عليكم ورحمة الله وبركاته

ماشاء الله يا بن عبيد

حضور دائم مميز

صح لسانك

ويستاهل بن ناحل

وماقصر بعد في الرد


محمد حجيج الاحمدي

صح لسانك ياخالد ومشكور خليتنا نسمع جديد الشاعر المعروف المتالق دائما المبدع احمد بن ناحل
كما نقول للاخ احمد صح لسانك ياشاعرنا المبدع الممتع الذي مثلنا خير تمثيل وحقق كل مانتمنى0000تقبلوا تحيتي وتقديري000

	صحت السنتكم يعطيكم العافيه

\/
\/

صح لسااااانك ملايين ياخااالد

وبيض الله وجهك يالجزل


وصح لسااان ابومتعب


وعسااااكم ع القوه

/\
/\