الهجوس يفز حسب المعطيات احمد الخواري

الهـجوس يفـز حـسب المعطيات
ويضبـط ارسـاله على موجاتـها

وموجته هـا اليـوم يم الامـهات
ومـن هـدونا ها الـحيـاة بذاتـها

يا بـحور الشعـر وشعـور الذوات
يالقـصايد والنثـر واخواتـها

بكتب بيوتي في بحر التضحيات
وبـا اللـحون الطـاهره نياتـها

هذي الام العظيمه فالصفات
ويختلف بالحيل وضع ابياتـها

غـن ياراسـي بعذب المفردات
والمشاعـر جيـتك بفـزعاتـها

وهات ياشعري من الاعماق هات
المعاني كــل ابـوها هـاتـها

امي اغلى من خِلق فالكائنات
مـارأت عيني بشر بصفاتـها

حبهـا فـالقلب بـاني ناطحات
وكل زينه من تحت شرفاتـها

اكبر من الشعر دون مجاملات
واعظم من الوصف في فعلاتـها

كيف بوصف من رحمها به نِبات
تسعة اشـهر ساكنين فـذاتـها

وكيف بوصفها عيونن ما تـبات
لا مـرضنا مـن سبـب دمعاتـها

في ظلام الليل تدعي فالـصلاة
لـين نشفى والسبب دعواتـها

جنة الفردوس بااقـوال الثـقات
جـزء منها تحتها خطواتـها

أمـك أمـك ثـم أُمـك مثـبتات
والنبـي شـدد عـلى مرضاتـها

يكفي المـدح الالـهي نايلات
ومحكم التنزيل فيه اثباتـها

يـا الله إنا ما نفرط فالوصاة
ونكسب الجنات عقب ارضاتـها


وتحفظ امي لـي وكـل الامهات
وترحم اللي فارقت فلذاتها


هاذي بيوتي وشعري مهديات
لأمهات الارض وامي ذاتـها

باعذب الالحان مني مرسلات
والنبي صـلوا عليه اتـلاتـها

أحمــد الخـواري

شاعرنا أحمد الخواري
دائم جميل وراقي
يسلم فكرك وبنانك أيها الوفي
لا تحرمنا تالقك
بإنتظارك دوما

هلا حياك الله منور ياطلق المحيا
لاعدمت تواجدك الراقي ياغالي

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك