عــــالــــم الــــتــــاريــــــخ !!

على ضو النهار اللي كشف لي بعض ماعممت=أمورٍ لو تحس بخاطري ماباحت اسراري
تعالي ياهجوسي يممي من وين مايممت=أنا والشعر خويا حافظٍ قدره ومقداري
ليا من درهمت لي صادق هجوسي لها درهمت=اسيرها على ماأريد وأقطف ورد وأزهاري
ابكتب من حديث المعرفة شيء يثير الصمت =وأبا أشعل من شموع الذاكره مايضوي أفكاري
اسولف للموده عن سبب قصة لسان الشمت=وأبين للعذول إني تجاهلته وأنا داري
أسطر للزمن قصة وفاي وصد من نادمت=نتائج تجربه من واقعي تحكي بها اشعاري
انا تلميذ مدرسة الحياة ولا قست قاومت=أموت ولاصفقت من أجلها يمناي بيساري
ليا قدمت مادور مقابل كل ماقدمت=مادام الطيب مكسب والله إنه قمت اصراري
لأني لو يجور الوقت والأصحاب ماأستسلمت=لو يطول السفر لايمكن اشكي طولت اسفاري
ولامنه برك غيري بمحمله في حمولي قمت=ولاجاء واجبي ماني بدور عنه الاعذاري
ليا من جتني الزلة من الطيب صفحت وشمت=ولاجت من مساكين العرب عرضتها الذاري
أخذت الصبر حكمة والعقل نعمه ليا حكمت=إمورٍ ماتمس الوجه ماأشعل لاجلها ناري
رفيقي لاكسب بي طيب وأطروه العرب نعمت=أعد النور وأفخر في رفيق الطيب وأماري
ولا مني نصيته في لزومي وأعتذر مالمت=أبرر موقفه وأقول مابه طيبٍ إجباري
مادام إن كل شارب له مقص اعرف من قيمت=ليا مني بغيت ابني أعرف اسيس جداري
وأنا طرقي بها الدنيا ولو طال العمر مادمت=وأعرف ليا رحلت إنه مايبقى لي سوا أذكاري
عسى ربي يجملني مع اهل الطيب لاساهمت=ويسترني من ألسنة العواذل سر وإجهاري
أجيد الشعر فتل ونقض وليا قلت ماوهمت=اصوغ الجزل وأنظر قبل مدخالي لمظهاري
أجيب الدر والياقوت من عمق البحر لاعمت=أجيد أسلوب شد ألإنتباه ولفت الانظاري
أبا أدخل عالم التاريخ وأنحت صخر لاصممت=بيوتٍ من ذهب تثري ثقافة حضرة القاري
أروض شرد أفكاري ولا مني عطيت أكرمت=أدور بالسمان من النوادر وأترك الهاري
على شعري تبين بصمت أفكاري ليا بصمت=يميزني سلوبي والجزل عنوان مشواري
لو إن اللي كتبته مايعادل ربع ماستلهمت=لكن هاذي حقايق موجزه عن باقي أخباري
وأنا صادق ليا مني على بعض الامور اقسمت=كذا طبعي صريح ليا طرالي بالشعر طاري
لعب فينا المجامل يازمان الشين لين أظلمت=وصارت ضحكتك سيفٍ حديد وموس غداري
ترى ماعاد ينفع لو تحلل بعض ماحرمت=عرفنا نيتك واللي كتب رب الملا جاري
خلاص إلى هنا ياوقت يكفي كل ماحطمت=أنا مالك ورايه ثار لأجل تقول ابا ثاري

ياسلاااام صح لسانك
على هالقصيده العصماء التي تحتوي على الجزاله والجمال بانواعه والصراحه لايجيد مثل هذه الباذخه الا شاعر
متمكن مثل شرواك
سجل اعجابي بما تكتب
تحيتي

	أشكرك عزيزي عوض عوض البدراني مبدع صح السانك جزاك الله الف خير بارك الله فيك وتقبل مروري مع شكري وتقديري لك يامميز __________________ «®°·.¸.•°°·.¸¸.•°°·.¸.•°®»«®°·.¸.•°°·.¸¸.•°°·.¸.•° ®» __________________

هذه معلقة يالغيداني

لايجيد طرق هذا الأسلوب غيرك

كتبت فأبدعت

وجهك ابيض

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

اسولف للموده عن سبب قصة لسان الشمـت
وأبيـن للعـذول إنـي تجاهلتـه وأنـا داري
أسطر للزمن قصة وفاي وصد مـن نادمـت
نتائج تجربه من واقعي تحكي بهـا اشعـاري
انا تلميذ مدرسة الحيـاة ولا قسـت قاومـت
أموت ولاصفقت من أجلها يمنـاي بيسـاري


الشاعر الكبير / عوض عواض الغيداني

صح لسانك صح لسانك صح لسانك ملايين

وافي يالوافي و بيض الله وجهك على هالقصيدة الجزلة

بانتظار جديدك

ياسلاااام صح لسانك
على هالقصيده العصماء التي تحتوي على الجزاله والجمال بانواعه والصراحه لايجيد مثل هذه الباذخه الا شاعر
متمكن مثل شرواك
سجل اعجابي بما تكتب
تحيتي

	المشاركة الأصلية كتبت بواسطة عوض عواض الغيداني

	وأنا طرقي بها الدنيا ولو طال العمر مادمت=وأعرف ليا رحلت إنه مايبقى لي سوا أذكاري عسى ربي يجملني مع اهل الطيب لاساهمت=ويسترني من ألسنة العواذل سر وإجهاري

الله يبيض وجهك يابو عواض القصيدة كاملة درة

صح لسانك حتى ترضى يابن العم

..
.

عوض عواض الغيداني
صح لسانك مليون ولا يكفووون
لاهنت لاهنت لاهنت على هالباذخه
أسعدك ربي من وين ماوجهت
طرق في قمة الجمال
وقافية شدتني

ذكرتني يأبو عواض بالشاعر
سعد بن جدلان في باذخته

مصيبة لاتدنْت قيمتك في عين من قيمت = يشوفك بالسهل وأنته تشوفه بالسماء العالي

أخي عوض
أنتظر جديدك ومميزك
بنفاذ الصبر
عساك على القوه يالنشمي


.
..

اشكر الجميع على المرور وعلى الردود التي زادتني شرفاً



شكراً للجميـــــــــــــــــــــــــــع