تطبيق تسعيرة المياة الجديدة العام المقبل بالمملكة العربية السعودية

قررت وزارة المياه والكهرباء إعادة النظر في تسعيرة المياه الحالية، بما يلائم التكلفـة الفعليـة التي تعاني ارتفاعاً قياساً بالرقعة الجغرافية والزيادة المطردة في عدد السكان.
واكتفى وكيل الوزارة لشئون المياه د. علي الطخيس بالتأكيد على إعادة النظر في تسعيرة المياه، دون أن يحدد نسبة الزيادة، مشيراً إلى أن التسعيرة المعمول بها حاليا متدنية جدا ، ولا يمكن أن تفي بالغرض ، ولا تحث على الترشيد ، وهي أشبه بالمجانية واصفاً إياها بالضعيفة للغاية مقارنـة بالخدمات الأخرى مثل خدمات الكهرباء.
وتوقع أن يتم الانتهاء من الدراسة خلال العام الحالي ثم ترفع إلى الجهات العليا للتوجيه بشأن تطبيقها خلال العام القادم ..

من صحيفة اليوم السعودية

حنا ناقصين خساير زايده

الله لايوفقهم

معاد بقا شي

يالوزير

العالم فقير وذا بيغلي الماء

الاخ لوفان

مشكور على النقل ماقصرت يالغالي

والله يكتب لنا مافيه الخير

تقبل تحياتي

هذي المطمــّــة اللي عاد واالله مالها دواء

الدعوى تغثث كل ما تعين وزير أول ما يطري على باله ويتذكره (( الفواتير )) حتى لو أن وزارته ليس لها اي علاقة بها , المهم يدخل حلقة الفواتير بأي وسيلة , ليش ... الله أعلم 0
وكلها من ظهر المواطن الضعيــّــف الدولة حفظها الله حريصة اشد الحرص على ترفيه وجلب كل وسائل الراحة لمواطنيها , ولكن اللي بيننا وبينهم وضعهم ( هاته ردّه ) لابد من إحضار القشة اللتي تقصم ظهر البعير ...حنا خلصنا من الإتصالات وشفطها , والكهرب وطبلونهم اللي لو تطفي العداد ... أو كل البيت تخليه يخمد
( سرعته هي سرعته ) مابه عبايه ولا به طب على ما قيل : ــــــ داب ٍ فايت القرايه ـــــ

وجاك هذا قال نبي نزيد التسعيرة وش السبب ..؟ علشان التوفير وشفط مبالغ من المواطن عيني عينك يحسبون هالمواطن كنز متحرك وإلا كل الناس ( تجار ) والله إن الدعوى عند الوزراء الجدد اللي توّهم متعينين روتين لابد منه وتطبيقه حتمي , حنا كلما راح وزير وجاء وزير ٍ بداله إستبشرنا خير ... لكن بلشنا آخرتها ... الله يحلل .... على ولده ,,, ودولتنا حفظها الله ترعى المشاريع الضخمة وتدفع المبالغ الطائلة وتجري العقود الباهضة لماذا ؟ لأجل توفير وسائل الراحة لمواطنيها بأي الطرق والسبل ,,,

وحنا هالبطانة تبي ترقى بالفواتير وتسوي تقشف على تبرز أما ولاة الأمر أنهم إقتصاديين وعلى شان يأخذون درع تذكاري من الإجتماع الفلاني أو عضوية فخرية أو شهادة طينية والضحية المواطن المسكين إدفع وإلا قصينا الماصورة وإن بغيت نعيد خدماتنا لك لازم تدفع غرامة ( قطع ومصع ماصورة + دخولية جديدة + إنذار نهائي ) إن تكرر ذلك تقعد بدون ماء لمدة وزمن محدد ...

إلا أقول هالحين إجتماعاتهم لحماية مصادر المياه الجوفية والسطحية واللي بظهر الوايت اللي كل شوي وهم طالعين لنا فيها بقرار , وصواميل , وصنابير , لو تشريهن من السوق بخمسة ريالات , وتحسب عليك بالفاتورة القادمة من 15 ريال , قالوا اللي صرفوا للمواطن عليهن ختم وزارة المياه واللي بالسوق بدون ختم الوزارة وهذا يخلي بعض الصنابير مدتها محدوده ..

عاد الماء جوفي وإلا سطحي , ما احد ٍ حافظه غير اللي أوجده جل ّ وعلا بحكمته وتحت تصرفه سبحانه وقدرته .. ولا غيره من يعلم ذلك ..

والأخوان غثونا نحفظه للأجيال القادمة ... تقل آخذين عليه صك من المحكمة .. مايتحرك ولا يروح ولا يجي لين يمر عليهم ... اللي رزقنا وهيأ لنا الأسباب ويسر لنا السبل لجلب المياه , سيرزق الأجيال القادمة كذلك , والأرزاق بيده لابيد غيره , والظاهر إن ما أحد طلب منا نبقي له ماء ... الأرض اللي بوسطها واللي فوقها , بحكمة وتصرف العزيز الحكيم ...

(( ألا يعلم من خلق وهو اللطيف الخبير ))

فكل مايجري تحت تصرفه وبعلمه سبحانه لايسئل عما يفعل وهم يسئلون ..

فسبحان الله ولا حول ولا قوة إلا بالله ..

اللهم إحفظ علينا ديننا الذي به عصمة أمرنا , وأرزق ولاة أمرنا بالبطانة الصالحة الناصحة التي تعينهم على الخير ...

وشكرا ً لك يا :

( لوفان )

على نقلك لنا هذا الخبر ...

	المشاركة الأصلية كتبت بواسطة راعــ(البل)ــي

	حنا ناقصين خساير زايده الله لايوفقهم

راعــ(البل)ــي

اشكرك للمرور وفعلا ناقصين خساير

تحياتي لك