شد العزم

احبتي ...
السلام عليكم ورحمة الله وبركاته
بعد الإنقطاع والذي كان بسبب ظروف ( قاهره ) تمنعني من التواصل
اعود إليكم بهذه القصيدة .. وهي اهداء لأخي ( عصام ) اسأل الله المولى
عز وجل ان يمن علي بالشفاء العاجل ... كما اتمنى ان تنال هذه القصيدة اعجابكم
ابو بتال .. ... ..
شد العزم

باسم الله ابدى بـادي اول كلامـي=ومن يذكر الله طاب تالـي كلامـه
واثني عليه الحمـد عـد الغمامـي=واعداد وبل(ن) سال واسقى غمامه
والحين تسمع يا عصام العصامـي=قول(ن) يشد العزم لآخـر مقامـه
الصبر شيمه فالرجـال الكرامـي=ومن لا صبر ما ينال وسم الكرامه
ويا خوي صبرك لا تحل الحزامـي=بإذن الله انك موعـد(ن) بالسلامـه
خلك مع الله طالبـه فـي لزامـي=وقت السحر تدعيه كشف السقامـه
اللي قدر يحيـي رميـم العظامـي=من بعد طول الدهر ما ابلى العظامه
يقدر يشافـي حـال راع السقامـي=اللي عليـه الحـال زايـد الآمـه
وانت سمعت القول شـد العزامـي=من قلب شاعـر شدبـك للعزامـه
وختامها يـارب جيـب السلامـي=مع فجر يبدي وينهي ليل وظلامـه
وصلاة ربي اعداد ورق الحمامـي=علـى النبـي شفيعنـا فالقيـامـه

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

الله يعطيك العافيه وصح لسانك

صح لسانك يا ابو بتال والله يعطيك العافيه

على هذه القصيدة الرائعه

ونسأل الله أن يشافي اخينا عصام

ويمن عليه بالصحه والعافيه

انه على كل شيء قدير

تقبل تحياتي

صح لسانك
..
..
أسجل اعجابي بالقصيدة
..
ويعطيك العافيه ..

اعجابي بلا حدود

صـــح لسانك

صح بدنك يا عقيد الخيل

وشاكر لك حضورك وتشريفك لي في متصفحي المتواضع

ابو بتال

صح لسانك وحياك الله ومرحبا بك
وأسأل الله العلي العظيم ان يشفي اخيك
اللهم أشف عصام وألبسه ثوب الصحة والعافية ياقدير

ابو بتال \ هلابك واشكرك على هذه القصيدة
الجزلة

اللي قدر يحيـي رميـم العظامـي
من بعد طول الدهر ما ابلى العظامه
يقدر يشافـي حـال راع السقامـي
اللي عليـه الحـال زايـد الآمـه


ياسلام على الكلام الجميل

صح لسانك وبيض الله وجهك

والله يقومه بالسلامه وتقر عينك به

اللهم أشفه وعافه واعفوا عنه ومراضانا ومرضى المسليمن