ماهي رواسي ولا الساحه(لغز)

لقيت في عشقها راحه=احسب لها في دقايقها
ماهي كليفه وذباحه=من حظ منهو مصادقها
ولاهي رواسي ولا الساحه=قبلي وكم جزل عاشقها
كلٍ يدور على ارباحه=تسعى العباد لمرازقها

السلام عليكم ورحمة الله وبركاته

الاخ الشاعر مضحي بن جمران

وان لم يكن للغبوه مرامي مايمنع

ان نستمتع بها وبغزلها

وقد يكون لي عوده للمحاوله


محمد حجيج الاحمدي

سلمت اخي

مضحي بن جمران

والله الصراحة راحة واترك الاخوة بصحة وعافية

يبحثون ويتمتعون بحل هذا اللغز الشيق

ولي عودة بعد .........

	المشاركة الأصلية كتبت بواسطة بقايا وميض

	السلام عليكم ورحمة الله وبركاته الاخ الشاعر مضحي بن جمران وان لم يكن للغبوه مرامي مايمنع ان نستمتع بها وبغزلها وقد يكون لي عوده للمحاوله محمد حجيج الاحمدي

وعليكم السلام ورحمة الله وبركاته
باقايا وميض حياك الله وابقاك
اسعدني مرورك وتواجدك لاهنت يابن حجيج الاحمدي والله يحييك بكل وقت وتحياتي

	المشاركة الأصلية كتبت بواسطة الشاكر أبو سامي

	سلمت اخي مضحي بن جمران والله الصراحة راحة واترك الاخوة بصحة وعافية يبحثون ويتمتعون بحل هذا اللغز الشيق ولي عودة بعد .........

لاهنت ياطيب المقصد سلمت ودمت ياابا سامي والله يحييك وتقبل تحياتي

ياجماعه وين الرمعات الهمام عليه وين النواتيف تراء اخوي ابو سامي الشاكر عارف الحل واعطاكم فرصه ماوده يحرقه على الجميع لكن ارسلو رمعاتكم على وجه السرعه وتقبلو تحيتي

اصبر يابو احمد خلنا انتمغط فيها شوي

انت لو انك حاط جوايز كان شفت العلوم اللي تسرك

لاكن خلني ارمع واقتبس من رد ابو سامي

ماهي ( الصراحه )

هذي رمعه على الطاير ولنا عوده

يالسلطان والله احترت فيها لكن خذ فلسفة مبتدأ

انا بقطع من الغبوة الغصون الاربعة الاولى واشوف انها راكبة مزبوط على (الصلاة)

وباقي الموضوع وحسب العادة تحول المعاملة نظاميا لاكمال اللازم الى الشاكر ابو سامي

ولاهان اخي الغالي ابو فرح..ورميته معقوله والله وان شاء الله تكون صحيحة

اخوي الغالي ابو فرح لاهنت وحياك الله اي كذا حركو الساحه رمعتك جداً طيبه لكن مالك لواء وهي ماهي بعيد فيها سراحه وكل العلوم الطيبه والجزله من كسب راعيها وتقبل تحيتي

	المشاركة الأصلية كتبت بواسطة ماهر ابو خالد

	يالسلطان والله احترت فيها لكن خذ فلسفة مبتدأ انا بقطع من الغبوة الغصون الاربعة الاولى واشوف انها راكبة مزبوط على (الصلاة) وباقي الموضوع وحسب العادة تحول المعاملة نظاميا لاكمال اللازم الى الشاكر ابو سامي ولاهان اخي الغالي ابو فرح..ورميته معقوله والله وان شاء الله تكون صحيحة

يالماهر ماهر مابك حيله يابو خالد صح لسانك وحلك صحيح لاهنت وهي الصلاة جعلنا الله من اهلها على الدوام سلمت ودمت ويقول اخوك ابوسامي صح لسانك وميه حبه على خشمك الاشم وكثرهن لابو فرح والمعامله انتهت بعد توقيعك عليها فهي كامله مكتمله يابو خالد سلمت ودمت وتقبل تحيتي الوحيده حسب التعليمات الصادره لنا ويلزمنا التقيد بها والله يحفظك