بخانه وكل البيض بالعرس في خانه

سلامي على بدر العياضي عريب الساس=
=عدد مايلوح البرق ويهل ودانه
سلامن مرصع بالوفا والذهب والماس=
=مثل عنق طرقا للعشاشيق فتانه
لاهلت جدايلها وقامت تموح الراس=
=بخانه وكل البيض بالعرس في خانه
بعد سنتن للمصطفى سنها للناس=
=هزيل الكلام اجنبه واخذ اسمانه
مايافق لراع الطيب هرجن بدون اقياس=
=ابا اختار له من لول بحره ومرجانه
جزيل المعاني للوفا والكرم نبراس=
=رجل متزن مع كل ربعه وصدقانه
ابا انشدك والنشده جريه وبين اقواس=
=نريد الاجابه بيت من فوق سيسانه
اشوف العرب قامت تصفق لبو نواس=
=تقول ان مابه غير خوخه ورمانه
مسلسل ادرامي بين عنتر وابن فرناس=
=على المسرح اللي خافته كل ضيانه
يشد انتباهي بالزمن طابخين الفاس=
=واعرف ان دم الراس من ضخ شريانه
عطيناك روس اقلام من صادق الاحساس=
=من الورد والياقوت وزهور ريحانه
نهاية كلامي يابدر ياقوي الباس=
=ترى مايطير الطير من دون جنحانه

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

الشاعر القدير سعد المحمدي


صح لسااااانك مليون وبيض الله وجهك

جزل يابوتركي ولايستغرب

يشد انتباهـــــي بالزمــن طابخين الفاس
واعرف ان دم الراس من ضخ شريانه
بيت جمع مابين الكوميديا والتراجيديا والدراما
لحاله مشهد كامل لايفهمه الا انسان واسع الخيال
حاضر الذهن بعيد النظرشديد الفطنة يتلبس الغبا قي قمة الذكا
بختصار من البيوت المجنونة اللتي تشك في ان كاتبها بشر
صح السانك لاهنت
مستشارنا القدير
ونص في مجلد ابداع
لمن يدرك المحتوا

الحب الباقي
سلمت ودمت

ابو هليل
انت راعي وفاء الله يبيض وجهك
مليون

ابو هليل
صح بدنك وبيض الله وجهك

الكحيله
صح الله بدنك
وسلمت اناملك على الاطرى
الراااااائع

ابـا انشـدك والنشـده جريـه وبيـن اقـواس
نـريـد الاجـابـه بـيـت مــن فــوق سيـسـانـه
اشـوف العـرب قامـت تصفـق لـبـو نــواس
تـقــول ان مـابــه غــيــر خــوخــه ورمــانــه
مسلسـل ادرامـي بيـن عنتـر وابـن فـرنـاس
عـلـى المـسـرح الـلـي خافـتـه كــل ضـيـانـه
يشـد انتبـاهـي بالـزمـن طابخـيـن الـفـاس
واعــرف ان دم الــراس مــن ضــخ شريـانـه
عطيناك روس اقلام من صادق الاحسـاس
مـــن الـــورد والـيـاقـوت وزهـــور ريـحـانـه

مقطوعه رائعه ابداع وامتاع معنى ومفرده
اسجل اعجابي وتقديري لهذه الدرر الثمينه
صح لسانك وسلم فكرك واسعدك الله في الدارين
ودي واحترامي لشخصك الكريم

صح السانك ياسعد المحمدي


جزله من راس جزل


لاهنت