اللغز ( الخامس عشر ) من خالد اللهيبي0 انشدك عن رجال 0==محلول==

انشدك عن رجال صاحب تعاليل == يطلق حجاج اللي من البعد جاله
كانت تغنابه اشعار الرجاجيل== معناه رمزٍ لشرف والا صاله
بوقته عشيرٍ لرجال المشاكيل == واليوم واعزي وعزك لحاله
معاد عنده لا محايل ولا حيل == كب المكان وحط عذرى بداله

انشدك عن رجال صاحب تعاليل == يطلق حجاج اللي من البعد جاله

من خلال هالبيت فهمت ان هالشئ يتسامر به وهو عند البدو اي يتسلى

كانت تغنابه اشعار الرجاجيل== معناه رمزٍ لشرف والا صاله

يتسامرون به الشعار وقت اجتماعهم ويدل ع الاصالة والشرف والكرم

بوقته عشيرٍ لرجال المشاكيل == واليوم واعزي وعزك لحاله

قد يكون وجد بهذاك الوقت ولكنه احتمال انه اندثر مع ترك الاهل لديارهم (( الباديه ))

وسكنهم بالمدن .. مع انه موجود لكن ليس كوجوده بالباديه

اعتقد انه (( الدلـــــــــــــه ))

او هناك مسمى اخر لا يحضرني ولكن يستخدم به ايضا للقهوة

اتمنى اني وفقت للحل

والله اعلم

::

قروب مزينه

ربما يكون النجر او الدله


/

ارق التحايا

	المشاركة الأصلية كتبت بواسطة سلافة الحب

	انشدك عن رجال صاحب تعاليل == يطلق حجاج اللي من البعد جاله من خلال هالبيت فهمت ان هالشئ يتسامر به وهو عند البدو اي يتسلى كانت تغنابه اشعار الرجاجيل== معناه رمزٍ لشرف والا صاله يتسامرون به الشعار وقت اجتماعهم ويدل ع الاصالة والشرف والكرم بوقته عشيرٍ لرجال المشاكيل == واليوم واعزي وعزك لحاله قد يكون وجد بهذاك الوقت ولكنه احتمال انه اندثر مع ترك الاهل لديارهم (( الباديه )) وسكنهم بالمدن .. مع انه موجود لكن ليس كوجوده بالباديه اعتقد انه (( الدلـــــــــــــه )) او هناك مسمى اخر لا يحضرني ولكن يستخدم به ايضا للقهوة اتمنى اني وفقت للحل والله اعلم :: قروب مزينه

حياك الله ياسلافه زارتنا البركه000
اشكرك على مرورك
احترم تفكيرك الحل قريب في نفس الاتجاه

	المشاركة الأصلية كتبت بواسطة الفجر الخجول

	ربما يكون النجر او الدله / ارق التحايا

الفجر الخجول مرورك يشرفني وزارتنا البركه واتمنى ان تشاركينا دائما


برافو الحل واحد منها اختاري

الحل هوا النجر(الهوند)والعذرى التي حلت محله هي الطحانه

ياخالد اللي مع كثور المعاميل=لادن صوته فالبدو ينحكاله

جار الزمان وصار من قوم هاميل=والنجر فالماضي علومه جزاله

والعذر والسموحة ان قصرنا

خيال الشمال حياك الله صح لسانك الحل النجر والبديل الطحانه

زارتنا البركه يابو ناصر اتمنى استمرار تواجدك في قسم الموروث

الالغاز سوف تطرح بشكل منظم ودائم وحياك الله

	المشاركة الأصلية كتبت بواسطة بخيتان البشري

	ياخالد اللي مع كثور المعاميل=لادن صوته فالبدو ينحكاله جار الزمان وصار من قوم هاميل=والنجر فالماضي علومه جزاله والعذر والسموحة ان قصرنا

حياك الله يابخيتان حلك صحيح وسبق به خيال الشمال

سوف تكون الالغاز بصفه دائمه هنا

يوجد مشاركه مثبته لسالم البشري في القسم مر عليها فوق---

آنسة سلافة نايس شرحك بس قهرتيني يوم قلتي الدلة ...

أنا فكرت بالدلة بس احترت يوم قال رجال معناته الشي مذكر ...

بس النجر بصرااحة حل مقنع ...

تسلم أستاذ خيال الشمال وتسلم استاذ خالد ...