.. ديوآن الشآعر الـ ع ـبيدي ..

العبيدي=
سلآم بالعطـر طيبتـه=للي لهم فالحشآ مقدآر
عآجل وفآلحآل ارسلته=ينصآك يالشآعر البيطآر
عبدالعزيز الزويهري=
حرف الوفا باح عن صمته=بيا مرحبا و مرحبا مسعار
ياصلك مني علـى وقتـه=بالطيب و الفل و الازهار
العبيدي=
حرف الوفآ بعد مآبدعته=عسى البقى يآطويل انظآر
وآفي ودرب الوفآ جلتـه=ومنك الوفآ مآعليه غبآر
عبدالعزيز الزويهري=
من حرفك الكُل أطربتـه=يا راقي الحرف يا مغوار
و دام الوفا بيننا صغتـه=عطني معك آخر الآخبار
العبيدي=
الطب يآصآح حيرتـه=ومآريد طبك بِنآ يحتـآر
حالي عن الآمس عدلته=واليوم ميّل علي بآصرآر
عبدالعزيز الزويهري=
بعد الخبر عندنـا ذعتـه=بتلقى الإفادة على الإصدار
عهد ٍ مضى فالزمن عشته=بيعـود دام الزمـن دوار
العبيدي=
فالقلب مر الاسى شلتـه=من يوم حل الفراق وصار
صابر وجرحـي تحملتـه=وتدري فراق الاحبة نار
عبدالعزيز الزويهري=
الكُـل منـا يبـا بخـتـه=ياما أحسنه لآخر المشوار
و لا صار عكس اللي أملّته=لابد ما نرضـى بالأقـدار

ح ر ب ي=
كله سبب حضي المعقود=من حضي الجفن مابيت
برثي حياتي وانا موجود=مامت بس خافقي ميـت
العبيدي=
اصبر وتلقى الحلول تجود=لو فآلصبر روحكم عيت
بكره تلآقي الأمل ممدود=والنفس لحظوظهآ لقيت

معاند زمانه=
يا ناس با الملتقى غالي=له مدتن ما طلـع نكـه
مدري سكن نجد من تالي=ولا سكن عند اهل مكـه
العبيدي=
ادعي لهم ربـك الوآلـي=وخذلك فدرب الصبر صكه
وخلك كذآ دوم فأوصآلي=فالبعـد لاتاخـذك شكـه
معاند زمانه=
مشكور ياطيب الفالي=شاركتني ضيقتن ضنكه
مدعاة صوتك تهيالي=وطبع الوفا ساسكم بنكه
العبيدي=
انته خوي فكل الآحوآلي=ملزوم امآشيك وبحبكـه
وآجب اوفّيك بأقوآلي=وآجب ولآمنكم فكـه

دعوآت منهو انظلم تُقبل=مايردهآ عن سمآهآ حجآب
واللي ظلم فالقبر يُسـأل=ويلقى على مافعله حسآب

اتلخبط اللي بنآ حآصل=مآبيـن روّح وروحنـآ
والوضع مآهو ترى عآدل=ومآظنتـي بيتحملـنـآ
مآبين خآذل ومتخـآذل=الوضع مآهو مشجعنـآ
واللي على الدس متعآمل=يظهرلنآ او نجيـه احنـآ

الــعــبــيــدي =
سلآم مني وفآء مكتـوب=ينصآك من بعد كيف الحآل
بالله يالشآعـر المطلـوب=نبغى معك نضرب الآمثآل
فـآيـز ال محـيـسـن =
ترحيب باالشاعر المحبوب=اللي رسم بالحروف اشكال
تامر ولو ترسل المنـدوب=انلبي مطلوبكـم فالحـال
الــعــبــيــدي =
يآطيّب القلب بين قلـوب=لك البقى فالزمآن يطـآل
من بعد ردك عليك وجوب=تسمع كلآمي بدون اهمآل
فـايـز ال محـيـسـن =
يا صاحبي وضح المنسوب=واشرح لنا باقي الاحـوال
حتى يتبين لنـا الملعـوب=ويندك لوكان روس الجبال
الــعــبــيــدي =
الهم للحزن صآر ينـوب=والقلب حظه عليه مـآل
لآني بغالب ولا مغلـوب=تاايه ودمعي غدى همّـآل
فـايـز ال محـيـسـن =
مادام قلبك مهو منهـوب=والهم ماجر لـك مـوال
هذي بصيطه وعنها اتوب=وحذر حذاري من الاهوال

العبيدي=
مآبين كآس العسل والسم=فرق الثرى والثريآ بـآن
وآشيب عيني بدآ يلتـم=من بعد مآروّح الشجعآن
محمد سعد اليوبي=
اسلم معي يالعضيـد اسلـم=أهل القرى تروي العطشان
وسلامة العين .. وأنت أعلم=مافي ( كما ) يترك الميدان
العبيدي=
العلم مكتوب ومترجم=مافيه زايد ولانقصان
العين للجهـل مآتهتـم=وعلّم اللي قليل يبـان
محمد سعد اليوبي=
كانك معك علـم لا تكتـم=علمك ومثلك صحيح لسان
لي قلب في الناصفة مغرم=يبكي طلوع النخل لـلآن
العبيدي=
علمي نصيحة ولاتنـدم=قر وتعوذ من الشيطـان
ومن كان له قلب مايلهم=يكبر وعقله يزيد جنـان
محمد سعد اليوبي=
ما أنت بطيب النبا ملـزم=ولا أني على المقفية ولهان
ضنيت لي مع عيال العـم=وزعة .. ودورتها نشطان
العبيدي=
لي سآس فالطيب مايهـدم=خسرآن من يفقده خسرآن
والمـرء قـدآم لايـزلـم=يحفظ لسآنه قبـل ينهـآن
محمد سعد اليوبي=
من دون لا تقول أنا أجزم=عزوة ولي عندهم بنيـان
وأنت على الرمي لاتعزم=قـدام لاتقـرر النيشـان
العبيدي=
احنا من النـاس مانظلـم=نضرب ونلعب على القيفآن
مآقولهآ لك ( مستسلـم )=مآدمت وآكد وانآ كسبآن

كربون ولا اكسجين ويـود=ولا اكآسـيـد مشتـبّـه
فالكيميآء علمهآ موجـود=يآبآغـي الـدرس لاتكبـه
هذآ تفآعل تـرى محـدود=عناصـره قلبـي وقلـبـه
هم.. وشقآ .. وانهيآر سدود=نآتج تفآعلـه مـع حبـه

عن مآبقى لـك لاتنهيـه=وعن دورة الوقت لاتكآبر
اسمع كلآمي وركّز فيـه=خسران واللي معك خآسر

دخلت بحر الهوى ظنيت=إنـي الاقيـه قدامـي
لاواحسافة بعد ماجيت=خرجت من غُبته ظامي