ديوان الشاعر عيسى رجعان الرشودي العوفي

يجدد لنا يوم الوطن عام يتلو عام=بطولة شجاع حاش علم الفخر كله
تحت ظل سيفه ثبّت أركانها الضرغام=وأسس قواعدها على الدين والمله
رفع راية التوحيد تعلوعلى الاعلام=طمس مذهب أهل الشرك واللي بهم خله
حكمها بشرع الله بنى دولة الإسلام=رقى مجد عجزت قبله اعدائه تاصلّه
رحمك الولي ياحاكم خلّف الحكام=من سعود حتى اليوم في حكم عبدالله
عطيب الظرايب لأعتزا للعدو لطّام=يحده على ماتكره النفس ويذله
ملكنا سعدنا ذخرنا شيخنا المقدام=ذرنا وحنا لادعانا حزام اله
تحت راية التوحيد ياسيدي قدام=ومن لاحمى داره فلاهو بكفو اله
ومعروف من خان الوطن حقه الإعدام=راع الغدر بعد الغدر من عاد يامن له؟
عسى الله يهلك شلة المنهج الهدام=لهم مذهب منحل وافكار منحله
شعاري سعودي بين كل الشعوب اوسام=اعده شرف واموت ماغيره لله
عيسى رجعان العوفي=

	اهديك مع نسمة شذا الصبح باقه نثرتها مع مفردات القصـــــــــايد ... ترمز لحبي لك وعمق العـــــلاقه اللي على مر الزمن فـــــي تزايد ... الزين وهبه واكتسبت الآنـــــاقه وعلى كذاصــــــاروا اثنين ولايد ... من الطلاقه والأدب واللبـــــــاقه دمجت مـــــع نبرة حديثك فرايد ... فيك النبـــــاهه و الذكا والحذاقه والعلم مدك من كنوزه مــــــدايد ... عبرت مع بحر العلوم أّّبطـــــاقه تحصيل جهد لصالح النفس عايد ... يالابس الشيله عشقتك عشـــاقه مالي سواك ابلابســـــات القلايد ... شعر/عيسى العوفي

ماللبشـر فـي دبـرة الكـون حيـلـه=تقديـر مـن رب السـمـوات والارض
ومن قال من رأسـه صنـع مستحيلـه=اخطا الصواب وخش بالسالفه عـرض
مـدام رزق الخلـق ربــي كفيـلـه=مالك سوا المقسوم مير ان زعلت ارض
مهما مشيـت وطـرت مـازدت كيلـه=بس اطلب التوفيق واحرص على الفرض
مدااااااااااااااااات ربي لاطلبته جزيلـه=مـادوّر السلفـه ولايطلـب الـقـرض

حروف القصائد ترجمن غامض الاحساس=وبثن مشاعر سر باقصى الحشا خافي
رسمهن قلم قطرات حبر على كراس=وتدفق عبير الشوق من نبعه الصافي
تظاهرت اخفي بس انا طبعي الحساس=غلبني وسجلت اعترافي على قافي
صحيح ان باب الصبر عزه ورفعة راس=وكما قيل ياخذ صاحبه مطلبه وافي
حياة الأمل بهجه وحسره حياة الياس =تجاهين عكس اختارها وانصف انصافي
لياضقت ترضى يوم تنظر لبعض الناس=يشوف المريض الصحه بجسم متعافي

انا يابو سامي بعد سافرت ضاق البال=من الديره اللي نور عيني سكن فيها
بعد ماعزمنا للسفر صابني ولوال=هواجيس قامت مهجة القلب تطويها
مغير ادرج في شنطتي كن في اهبال=مثل من فقد حاجه ولاهو بلاقيه
وقدم العرب مبسوط وازج بالموال= على قولهم مدام تمشي نمشيها
ذبحني هواءها والهواء يانداء قتال=ولاتلوم نفس سمها حب غاليها
زهتها عقود الماس ومن الذهب خلخال=كساها الحلى ياقبلة الله على ايديها
وسود العيون الساحره مدرجه بهلال=اضيع طريقي يوم بالدرب آلاقيها
جميله نحيله كنها عود موز مال =غرام اسمها لو ان ماودي اطريها
مقاسيم والمقسوم مابه عطا واجدال=آلا وهني اللي ببيته يناديها
وتب الصدق وأن الكذب عيب على الرجال=ترى والله اني يانداء رايح (ن) فيها

ياكثرماشوف الخطا والزم الصمت=اصد ماهو ذل عز وكرامه
عن ساذج ديدانه الوم والشمت=عيب علي انزل بنفسي مقامه
لاصار مايشرف نقاشه لياقمت=الرجل يحفظ هيبته واحترامه
تندم على هرج اللغى لاتكلمت=وعلى سكوتك مالحقتك ندامه
افطر على الطيّب من الزاد لاصمت=وأن ماحصل للعبد كملت صيامه
من واقع الايام شفت وتعلمت=الكبر دايم للضعيف علامه
من طين حنا وحضرته هو من اسمنت=من علته يارب منك السلامه
عيسى الرشودي العوفي=