ديوان الشاعر حمدان الوافي المحمدي ( عاشق الاصاله )

جاملت ما فالمجامل طب= صبرت والياه مامدانـي
الله وكبر ياهذا الحـب=اسعدني لحظه وبكانـي

وش حل بالعشق والعشاق==العشق عشـاق يشكونـه
عاشق طناه الهواء واشتاق== ا شتـاق للـي يحبـونـه

تعال نجلس وصارحني== خلي كلام العواذل جنب
قلي محبك وريحني == لاتصد عني وتكسب ذنب

ليتك تجي تعالج اجراحي==ندعيك نطلبك مانجبـرك
ليلي ونهاري وانا صاحي==كل ما فالامر ودنا نخبرك

افرش لك الارض لجيتي= واخلي كل النساء تزغرد
يامرحبا فيـك حييتـي = واطفال تستقبلك بالـورد

إهتزت الأرض من تحتـي=حتى السماء غيمت بعسوم
لا إرتحت أنا ولا إرتحتـي=إنتي جنيتي وأنا المظلـوم
وش مكسبك قولي وش نلتي=من عام الأول وأنا مهمـوم
أودعك زنتـي أو شنتـي=مادام مالي معـك مقسـوم

يالايمي في هوى الفتان== يابلاك ربي ولاتبرى
الود عند العرب له شان== وانته على الود ماتجرى

نجمآ سطع ثم تهيالي== ارسل سهم صاب فيه القلب
حاولت ابعد ولامداني== اصبحت مغرم بهم ومحب

ماهي غريبه علـى مثلـك==شاعر وابن شيخ ذا يكفيـك
حربي ومعروف طيب اصلك==يازياد هـذا عشمنـا فيـك
بيرق كسبتـه ومـن قـدك==امير جـاء سلمـك بيديـك
ياتـاج راسـي انـاعـدك==والله جميـع البشـر تغليـك