ديوان/// الشاعر مسند بن عامرالحويفي

يــاكثر أمــالــي يــوم أحـسـب بـعـضـهــا =
ياليت لو عـشـِـر (ن) يجي من أمـــالـــي =
أنـــام وفــكــري باقين ما حسبها=
واحيان أكــمــلها واجاوب سؤالي=
والــعــيــن ماترقد وسهري غلبها=
أحـس بالضيقه و انا اقول سـالـــي=
هــذا عذاب النفس وهذا سببهاا=
أزعــل بـدون أسـبـاب وأرضـى بـحـالــي=
هـمـا ً على روحي يتفاوت تــعــبــهــا=
ولا أقـبـل سـواد اللـيــل وأأعــز تــالـــي=
لا واهـنــي من علته ما ندبها =
يضحك من أقصى القلب ماهو مـثـالــي=
ما أجــبـر رمـوش الـعـيـن وإلا غـصـبها=
كـنـه عـلـى الـريـمـوت نـومـه خـيـالــي=
تحت الطلب لمن بغاها طلبها =
الضحكة اللي ماتمر بخيالي=

يوم الفضاء بان وتبين عليا=
اثر الفضاء واسع وانا اقول ضيق =
اثر الفضاء واسع عليك وعليا=
لكن على من ضاق ماهو بشيق=
والعبد مايقنع بحاجه و شيا=
يبي على طول الحياة متريق =
ولاتوصي العجلان مسرع بليا=
ولاتنصحه حتى يصير متفيق=
وإلاتبي لو تطلبه ماتهيا=
بعض الطرق تاتي بوجهك طريق=
ولاتقول هذا هو رفيقن واخيا=
يصبح صديقك نوب ماهو صديق=
ولاتامن الدنيا بروحه وجيا=
والنفس صبرها ولاتصير ضيق=
ولاتخاوي الجاهل ولاتقول هيا=
خلك حسين الخلق وتصير ليق=
نوب الخوي به خير واحيان غيا=
ولاتتبع الغرات والا تويق =
يلقون فيك الناس اشياء وشيا=
خلك جمل في شيل حملك وريق=
واقنع مقسومن يجيك وتهيا=
ولاتستمن الناس لو هو بريق=

مريت ديوان(ن) على غاية الكيف=مثل الذهب فيه القوافي الثمينه
من شاعرن يبدع من الجزل ويضيف=يخط من جزل القوافي بيمينه
ولا غيره برد الشتاء ولاافح الصيف=يشبه لكاد الطيب والياسمينه
يفوح طيبه للقريب وللضيف=ومجرب الدنيا وراسخ يقينه
لصحابه احلا من ترى نسمة الطيف=قلة الصحيح وكلنا خابرينه
والناس لو قالة توهم ولاشيف=وهرج القفى مايضعف اللي سمينه
وياكثر ما بالناس شفنا ملاقيف=والطيب بالمسبار من نصب عينه
وتحية( ن) عد الشجر والمواليف=زفيتها لشخصك بساعه وحينه
لا لي بها مطلب ولا قايل(ن) زيف=امدح رفيقن بالوفاء مجربينه

مدري وش اقول قبل يبين خافيها=
ما ودي امدح عميل الخير واذ مه =
ما ني من اللي يبيها ثم يغد يها =
انجت على الكيف ولا الراس بالقمه=
يااااااااااجاتك وجيت ابيك تنهيها =
مثلك بظني يغلي الطيب في دمه=
بيد يك ورجي لغيرك لا تعديها =
مثلك يهوم العلا ياعالي الهمه =
ما ني مجاملك مثلك حيف يخطيه=
الداب يمشي بلا رجلين منسمه =

صح لسانك اخي ابو عادل شاعر رهيب واعجبتني القصيده وحاولات اجاريك عسى احوز على رضاكم
واسمحلي على المداخله والله يحفظكم

بيوتك ترى زين مبداها وقافيها=
من شاعرن يعجبك لا فسر لكمه=
نفسه على الطيب دايم مضريها=
تنوخ ركاب العدو ماتجي يمه=
رفيقك اللي ذكرته هو مدهويها=
اسمع يقول انه يحاضي على عمه=
في ذمة الراوي لا لاتقول راويها=
هذاك لو شفت شكله بلا همه=
ماياصل الحروه ولا حتى يباريها=
هذاك لو تحذيه وردن وهو شمه=
ما جاز له والجرح هو زاد تاليها=
والداب لايهمك انيابه ولا سمه=
مقطوع راسه مايجي هو محاريها=
والبير هداجن ليا شفت هو جمه=
حباله عن الجمه تقطع عراويها=
وانت الذي شامخ ولا شلة همه =
راع الحسد خايب وهذي مساعيها =

عطنا راسك يالوهاج واللي ماله عقال تسري

الشاعر الكبير والقدير ابو عبدالله اتشرف بمحاورتكم وانتم من فطاحلة الشعار وخاصه المحاوره
والليله خربانه نبيها بالراس الكبير اما حياة الذيب والا مماته ههههههههه
واستلم يالوهاج

سلام يالوهاج كيف الحال منك أبغى العلوم=عطني علومك ياوسيع العرف وعلوم المطر

الليله الليله نويت أقصاك قدام العموم=حالف لا أحدك في صعيب القاف ليا وقت السحر

امسي على الجميع بالخير.
اللله الله استلم يابرق
يامرحبا حييت يابرق الحياء والله يلوم,,اللي تجيه عن علم الحياء ماعطا خبر
لكن يابرق الحياء انكان قصدك بالهجوم,,ابشر بخصمن ينطح العدوان ويسد النحر

صح لسانك يالوهاج والنعم واستلم طال عمرك

يامرحـبـابـك والقـضـيـه بـاقـيــن لـلـيـلـه ويــــوم=ياصاحبي قبل انشدك لاتجيب لي علم وخبر
خـلـك مـثـل مــا قـالـوا الـرجـال بالقـصـه كـتـوم=لاتـفـرح الـعـدوان مــن بيـنـي وبـيـنـك والـدهــر

الله الله تسلم وستلم
وشفيك وش غيرك يارجال ياعوق الخصوم,,ودك تغطي في عبات نور ماودك ظهر
ماني مجامل بالخطا والكذب عمره مايدوم,,اسمع كلامي كان تبغى تستفيد واعتبر

صح لسانك واعتلا شانك واستلم

اسـمــع لـيــا شـانــت تـــرى قـسـمـي مـــن خــيــار الـقـســوم=اخذ حقوقي من حلوق عداي في غصب وضفر
الـــــنــــــاس قـــــالــــــوا ولـــــيــــــد الـــبــــطــــاء مـــــثــــــل امـــــــــــه يـــــعــــــوم=احــــســــب حــســـابـــك يــوســـيـــع الــــعــــرف قــــدامــــك بــــحـــــر

الله الله استلم
ياويلك ان كان انها وصلت ليا لمس الخشوم,, حالف لحدك في ظلام الليل ورقيك الوعر
ادري مافيك اقصور عمدة قوم وتعرف السلوم,,لكن انا ماحسب حساب اعداي واقهرهم قهر

استلم استلم واللي ما له عقال تسري

ان عودت لسيف يالوهاج لي حضن يقوم=ماني من اللي يدرق لجاه خصمه بالشجر
انته مافيك قصور وادري عوق لكبار الخصوم=لكن انا الليله ترايه قدمك الموت الحمر

الله الله استلم يابرق

انت علامك تعترض يابرق قدام السهـــوم
بسهومنا سم المنايا يقصرن طول العمـــر

اسمع مادام انه يفيد العلم وقول محشوم
ولا تراى الليله عيونـــك واعناها بالسهــــر

--------------------------------------------------------------------------------
استلم يالوهاج وتسلم

ماني بسامع ماتقوله والمنايا بك تحوم=انذرك قدم الباديه وانذرك قدام الحظر
من وسط حائل ناوي اسفرك قصب إليا الجموم=وليا نشدتني صمت عنك اقول انه مسافر معتمر

هههههههه
الله الله استلم

ياشينك الليله معقد خاطرك قبل الكموم
الظاهر انك راغبن بالموت ودك تنتحـــر

ان قلت وان ماقلت يابرق الحياءغصب مهزوم
لعيون صمت اكسر عظام البرق لرضاها كســر

هههههههههه
برق الحياء المحاوره معك ممتعه انت شاعر متمكن
شكلك الليله مافيك حيله يابرق المهم الطاروق شاب
وآخر بيت عندك واختمها,
الف الف شكر لحضوركم اخواني واخواتي الوهاجيون
وحق الله شجعتونا ومتعتون الله يعافيكم
دمتم كل الاوقات بخيروعافيه,,,

ماعليك زود طال عمرك يالوهاج واشكركم من الاعماق على الروح الرياضيه وتسلم
وكل الشكر والتقدير لمن حضر هنا من اخواننا الاعزاء واخواتنا العزيزات والله يحفظكم ويرعاكم

وش فيك تختمها وانا ناويك نيه ماتقوم=في بالي اصاليك يالوهاج من فوق الجمر
يوم انتهت مالي ورى طرد المشاكل من لزوم=لكم تحياتي ياماحلى الليل معكم والسمر

"الله من قلب(ن) غشته الكوابيس =لا اقبل سواد الليل هاضن وجنه
والا كما المسجون ضلمن وتلبيس = قامت على قلبه همومه تسنه
حكمه مؤبد دون حدن وتقييس=مظلوم من شخصن غريبن ومنه
وياركب اللي هو قليل العواكييس= بالمانيا مصنوع بشكله و فنه
بنزن يجوب الطرق في كل ماديس=ماقال سواقه به اليوم حنه
يطوي بعيدات الطرق والمراميس= عليه بيطار(ن) ولا فيه هنه
يعجبك بالطرقه ولا به لولليس = سواقه اللي ما اخلف الوقت ظنه
ترتاح لو يسرع تقل مشيه مسيس=الله وهبه الطيب من دون منه
تكفى يابو محمد كعام المتاريس=ترسي وخيلك بالمواقف تعنه
ابي ضبي ن) به شعورن واحاسيس=اللي بعيدات المواري حدنه
وليا وصلت الترف تشكر ولابيس=تشكر ونفسي من عناه ارجهنه
والبيت مايبناء على غير تاسيس=وليا وصلت اللي امالي حونه
الله يفكك من كثير الدواعيس =وكم واحدن سود الليالي حدنه
واعوذ بالله من هل الشرك وبليس=ولاتحرمن يالله نعيمك وجنه
وصلوا على اللي درس الدين تدريس=وحارب هل البدعه بجيشن يشنه

وهذهي قصيدتي بمناسبة اليوم الوطني

اليوم يوم الوطن والناس فرحانه=الله يديم الفرح في كل الاوطاني
ويحفظ ملكنا و يعم الخير بوطانه= ونسعد براحت وطنا بخير واماني
مادام ابو متعب الحاكم مع اخوانه=بقياده اللي تعز الشعب شجعاني
عبدالعزيز المؤسئس واسس اركانـه=بالرمح والسيف يوم الكون له شانـي
جمع شتات الشمل عقب الجهل زانه=حتى اعتلا بصرحه وشافته الاعياني
اللي حموها من المغرض ولا انهانه=يستاهل المدح ابو متعب بليهاني
اهل المواقف رجح بالكيل ميزانه =عند المواقف حموها بكل ميداني
صقر الجزيره عسى الفردوس مسكانه =صقرن شهر عرفه الاقصى مع الداني
عقب صقورن وفت بالعهد وكيانه=صانو حقوق الشعب في عدل واتقاني
والشعب مرتاح من صدقه وبرهانه=بنعمه عسى الله يديمه بكل الازماني
اليوم يوم الوطن والناس فرحانه=الله يديم الفرح في كل الاوطاني

أبكتب الأشعار وابنظم القاف = وابتهيض يوم جاله مجالي=
يا مل عين تكره النوم ولحاف = وأثر على جسم المعنى وحالي=
ما ني بعشاق ولاني بمصطاف = ولا همني زول البني والجمالي=
أبي الزمان اللي به الطيب ينشاف =و سوالف رجال تقدر رجالي=
سوالف تطرب على عهد الأسلاف = وشالوا ثقيل الحمل مثل الجمالي=
طيب ن إلهي للمسير والأضياف = ما نافقوا حطو ا كرمهم يقالي =
رحب وهلا ما تكدر ليا ضاف = تلقى الصحون ولا عليها الحثالي=
ودور المصالح كل يوم له أهداف = دعاك لا اهدافه وحطك بعالي=
وليا انتهى المصلوح من شوفتك خاف = ليته يسلم لا انتهى ما يبالي=
الوقت يضحك له من الوقت ينخاف =ويبين راع المصلحه و الهبالي=
ولا تطاوع المهبول في كثر الأحلاف = يترك لزومك ما عليه اتكالي=
حتى النساء راحن على موض شفاف = الستر والحشمه قليل ن تقالي=
وفيهن ستيراتن عفيفات وعفاف= مار البلاء عم وتعدى الخيالي=
والخير باقي بالعرب ما به إخلاف = ولا عم أنا العالم ولا أقول خالي
ويا مدبر الا فلاك بالنون والكاف = يا والي الدني ا من اول وتالي
تستر على الأجواد من كل الأطراف = وتعز دينك يا عزيز الجلالي
وختامها صلوا على سيد الأشراف = الشافع اللي يوم كرب وهوالي

[FONT="Arial"]

قصيده في احتفال الجلعود في رالي حائل الدولي لعام 1429 / 2008

يالله يامرسـي الجبـال المنيفـات=
ارسيت فيها الارض ونبتن الاشجار =
وسيرت بالدنيا بحـور ومحيطـات=
وخلقتنا بالكـون عـلام الاسـرار =
ندعوك تغفر كـل ذنـبٍ وسيـات=
عفوك عن الزله ونجوا من النـار =
وخلاف ذلك جيـت ازف التحيـات=
مبروك للجلعود مبـروك ماصـار =
خيامن على فعل المعالـي مبنـات=
وحيلن تقلط والمباهر علـى النـار =
من لابتنٍ يوم المواقف عسيـرات=
ترسى كما الاطواد صلبين الاشوار =
اهل سميـرا بالكـرم والمـروات=
هذي صفاتن واتصفبه هـلا الـدار =
يوم الركايب بين روحـه وجيـات=
يوم اليدين شحاح معروف الاخيـار =
سعود ابن جلعـود راع السجيـات=
ياما تعب للطيـب ماقـال ابنهـار =
وكل القبايل فيهم الطيـب شـارات=
وكلن على المنهاج ينهج ليا سـار =
ولولا غلاكم مامشينـا المسافـات=
ومزاور الجيران حقن على الجـار =
وصلاة ربي عد ممشى ومسيـرات=
على نبيـن بيـن الديـن صبـار =

الصاحب الغالي تغير علينا =من دون سبه صار يشره ويزعل
اللي ليا شفته بشوفه سلينا=واليوم له مده من العام ما يطل
نشفق على مثله وخطه قرينا =مثل الذهب ما احدن يعافه ولا يمل
تهديه يالهادي وحنا تهدينا=ودنياك مثل اللي مقيل بله ضل
الضل زال وقال شمسه علينا =من عز نومه قام مسرع ومذهل
ولاينفع الانسان مهما مشينا =الا رفيقن يأمر بخير ويدل
وعمر الفتي قدر بحتن ويجينا=والعمر قصاف المنايا له يشل
وناسن يسار الدرب واللي يمينا=وسبحان من للخلق ممهل ولا اهمل
وقولوا معي ياللي سمعتوا امينا=يهدي جميع اللي عن الحق لضل
الحب عذبنا وحنا انتهينا = ياما عيوني تسهر الليل وتهل
ولابه فوائد يوم تكسب يدينا =الا العناء والقلب مجروح ويتل
ياما صدقنا بالمحبه وعطينا =حتى الوفاء للحب يزمي ولايقل
وياما ذبحنا العشق وفيه ابتلينا =نظرب على الكايد ونرقى على التل
لكن شفنا بالزمن مابغينا =دب المرض بالناس مدري بهم عل
قل الوفاء بالناس وقل اليقينا =امساسنا لزاد الاحساس ينفل
يالله يالوالي بقسمك رضينا =وقتن مضى هو غير واهله ترى بحل
للازم نساير وقتنا لو كمينا =وحنا بخير ونحمده ما بنا قل
ولاتفكر المنزل وموتر شرينا =والا حسابك والمحافظ ترى فل
ترتاح ولاتنسى تقول اهتنينا =متعه ترى تقفي وللبعض تقبل
لاتسكن بقلبك وهي بالايدينا =شف للذي خلف من المال والبل
بس الكفن وجنازته دافنينا =بالقلب خل الدين راسي ولاتمل
وهرجي ترى للكل ويشر الينا =واستغفر الله من ذنوبك وله صل