ديوان خليفه محمد المزروعي

من راس مزروعي جزيل العباره=من شاعرن جزل المعاني مخوايه
ترا الوفاء بنيه سوات العماره=لاطاب ساسه ترفعه في مبانيه
والطيبه فالناس ماهي خساره=كنزن لياجات اللوازم تلاقيه
ومن يصنع المعروف زايد وقاره=ربك على الخيرات دايم مقديه
والمسعد اللي مصحفه مستشاره=يمشي على نوره ويتبع مباديه
والحر قالو يكتفي بالأ شاره=وكلن بحسناته يداوي مساويه
ولاكل طبن يلقي فالعطاره=احيانن الجراح سقمك يداويه
مافيه ليل الا يزيله نهاره=والصبر زين ومكسبه عند راعيه
ابيات نظم وقلتها من جداره=والحكم للي حرفنا ايكون قاريه

الصاحب اللي ماتحملك زله=ماباعكم فاليوم بياع باكر
لاتشد فوقه للمواقيف لله=خلك معه ولطشته لك فاكر
الرجل عقله فالمخاليق دله=يحسب محاسيبه ليا جاه عاكر
من قبل يعقد حبلها شاف حله=ولياعرف للحل لله شاكر
الطيب للكيس طريق وجبله=ومنهو تربى فيه ميسير ماكر
اقول قولي واثبته بالأ دله=قولن عليه اصكوك مافيه ناكر
حنا نحسب اشهورها بالأهله=وسنينها بشهورها عند حاكر
وصلو على من سنته خير مله=وخير البشر من كان لله ذاكر

خليفة المزروعي في20/7/1435

اخذ المثايل ياحمد مابها مزح=اخوك من عندك رجاه الحلولي
في بداية السلم وعيني على الصطح=واخاف لامني وصلت النزولي
اخاف كسرة ساق ولايجي جرح=ولا في راسي علتن ماتزولي
دنيا تقلب ماعرفنا له شرح=وفروعها ما كنها فا لأصولي
النفس تجمح والبلى كثرة الجمح=لو كان لتقوا وربي ميولي
ودي بشين يكبح النفس لي كبح=بس البلا عن وضعناوشنقولي
تكفون ياهل الطيب والجد والنصح=مابعد تكفى بالعدل وجهولي
لاشك مايجمع مرده على الطرح=يطرح ويطرح لين كله يزولي
هاذي هيا الدنيا لونك على صرح=مردها معروف ياهل العقولي
مغير طاعة ربنا مابها ربح=هاذي حقيقتها بعلم الوصولي
ابيات مختصره ولاتعاوز الشرح=ولافيه داعي للمثايل تطولي

لاواهني اللي على اسليب نايم=ماهو كمايه ساهرن لين الاصباح
مشتت الأفكار في بحور عايم=لاحولها شاطي ولا لوح لواح
تقدر تقول اني عن الزاد صايم=وتقدر تقول اني مثقل بالاجراح
كني عن العربان منحي وشايم=يقطعك دنيا اصبحت كلها اشباح
اليا نصيت الناس ناصح ولايم=وحدن خلط جده لنا بكثر الامزاح
احدن على ماقيل بالحمل قايم=واحدن ينادي فالخلا صاح ياصاح
مايقهرك غير الرجال الهلايم=اللي لياجات اللوازيم. تنزاح
ياطيبها عند السعه والولايم=وياشينها لن جاك لا الزند قداح
ماكل رجل اتسجله فالقوايم=ولاكل صاحب فالنوايب لك اسلاح
من لاخدم نفسه بجد وعزايم=يروح. عمره ماجناله من ارباح

خليفة المزروعي11/8/1435

سلامنا قدام كل التعاليل=ومن بعدها نسأل وعطنا جوابك
انا عيوني فالوفود المقابيل=انظرلكم ياخوتي يعتزابك
لولا المعزه مارسلنا المراسيل=عليك يللي هقوتي ينتخابك
هات الكلام وخل عنك التحاويل=وهات المبرر عن سبايب غيابك
حنا. نسوي. للمبرر تحا ليل=لعل نلقى. شي صالح حسابك
لو كان الأنفس من جهتكم مكابيل=باحاول القى مايعذر جنابك
حنا لخوتنا فزوع و مقابيل=الا اذا شفنا التكبر غدا بك
في وقتها كيال. كل المحاصيل=وانت على مالك تلقى زهابك
اما على ماقيل عز المكا ييل=ولا على فقر المراجل نحابك
الصحبه اللي ماتعز الرياجيل=لاخير فيها لوحسب من حبابك
ان كانها بالضحك ولقال والقيل=خليتها يا صاحبي عند بابك
وان كانها بالعز تكميل تكميل=يامرحبا يامرحبا مرحبابك

خليفة المزروعي في25/8/1435

بدايتنا مع القيفان بسم الخالق الرحمان=ولا ياخالقي ياربنا تصلحلي. النيه
عسى ربي يوفقني على الجزلات فالقيفان=ليا منا بدعناها على الطلات. منقيه
سلام الله بردية وفاءمنهو سمع لاهان=بديت القاف وللي طالبه بوراق رسميه
يقلون العرب من لايقيس ابحورها غرقان=ومن جاه الغرق ماتنفعه هاذي ولاذيه
انا من فضل ربي عمتها بالفعل والبرهان=اعرف اللي عليه للبحر واعرف وشليه
نهارانابنيناها قصايدناعلى سيسان=وشيدنا لها العمدان تحت اشروط فنيه
مبانيها بناها صاحب الخبر ه على ميزان=على عز المباني منبنت حاجات شكليه
بعد تمت بعون الله بوجها على سلمان=بعد شفنا له الجزلات مسموعه ومقريه
ولا نرسل على قوم السمان الا اعلوم اسمان=تربينا على الطالات والطالات. محميه
ليا جاته مثايلنا نعرف انه لها سلطان=على كل البحور ايرد جمالي وحدريه
خلاصة علمنا فيها نقلك يالصديق اخوان=على عز وشرف ياصاحبي خوتك مشريه

خليفة المزروعي. موجه الى سلمان القريقري

لاهبت الهيجا وللعلم صادوف=كلن يشوقه للمعارك جننها
وإنجاتكم تكفى على صنع معروف=اياك ثم اياك لا تميل. عنها
الطيب الطيب ترا الطيب مخلوف=راع الجميله من عملها. ضمنها
افزع لها لو قالو الدرب. محفوف=الناس فالفزعات ربي. يعنها
احذر من الطالات لاتسير محذوف=من شامها ولا لاقالو. يمنها
سوق القدم لو كان لك ساق معكوف=والنفس عن بعض الهلافيت. صنها
حنا لدولتنا. دواريع. وسيوف=يومن رهن. اسيو فها في. سننها
لاقال ابو متعب وقفنا له اصفوف=ماهمنا هرج الدعوش. وعفنها.
المملكة في قلوبنا. داخل الجوف=يخسى العميل اللي يدور. فتنها
من دون وحدتنا لها الصدر مكشوف=والروح ماتسأل. سلا مة. بدنها
ياجاهلن عنا لك اعيون. ماتشوف=وعقولكم في دبرة اللي شحنها
من جاء حدود المملكه عاد ملفوف=في قطعةٍ قالو عليها. كفنها
ولا مكبل بالسلاسل ومصفوف=هذا جزا للخاينين. الوطنها

خليفة المزروعي الحربي في11/9/1435

تستاهل البيرق على روس الاشهاد= وتستاهل الجزله يراع الفعايل
ماهي غريبه منك يانسل الاجواد= انته ولد قحطان والراس طايل
دم الخوي ماراح بيدين الاو غاد= اخذت ثاره ياسليل الأصايل
النمر مثلك مايعود عن الماد= من دون قصده مايدور بدايل
خليتهم بذراعكم صيد هجاد= راع الخيانه بشره بالفشايل
مثلت جيش المملكه بفعل اﻷمجاد= ياكاسب الطالات راع الطوايل
أعطيت درس الكل حاقد وحساد= ان الحدود اسلاحها له عمايل
لاجا نهارن فيه للحرب رواد= المملكه يشهدلها كل قايل
كلن يقول الدولتي درع سداد= بأمرك يبو متعب جميع القبايل

كثرت سواليفك وقلت صراحتك= وبانيتلك في عالم الكذب صرحي
في مامضى غالي وتعرف محلتك= واليوم ودك ياسود البين صطحي
ﻻعاد تحسبني ترا من صداقتك= كلام جد ولا بها شي مز حي
يغنيني الله عن علومك وصدقتك= اللي خلق من بعد الأحزان فرحي
لوكان جرحي مكبره يوم قصتك= اقفي بجرحي لا نزيده بجرحي
اهم شي اقرر اليوم فرقتك=وقلبي بعد بينت يعرف ويصحي
الطيبه مرت عليك وتعد تك= فات الأوان وزادك القبح قبحي
كانت غنيمه لو تداركت فرصتك= لاكن تحسب كل الأيام مرحي
من فعل يدك اللي بذهنك مشتتك= اليوم مالك فالأ جاويد مد حي
اختامها هاذي نهاية علا قتك= معاد يبقى للموا ضيع شرحي

(خليفة المزروعي)

4/10/1435

ابااكتبلك حروف مصطره ومرتبه في صطور=وترجملك كلام في داخلي دايم يصارعنا
تركنا الود بالمره وقلنا للهوا معذور=مدام الناس ماتبغى تبادلنا مشاعرنا
مدام الناس ذاحاسد وذاواشي وذا مقهور=وجمعتهم على صف ن يقلب في مواجعنا
صحيح امالنا كانت خياليه بدون احكور=لاكن اليوم ياطيب تغيرنا مطابعنا
عسى دربك يسهلك ويفرشلك عليه ازهور=ولو افراقكم فجعه تصنف من مفاجعنا
اودعكم ونادمعي على خدي علي اعبور=وشلفا اذياب في صدري لياشفتك تطالعنا
دموع الرجل ماتسهل لكن اهلهامجبور=انا من خلقتي ناشي على الطيب تطبعنا
اطالعكم ووادعكم وانا لي خاطر ن مكسور=لاكن اقول ياربي على الخيرات تجمعنا