ديوان احمد حمود حلتيت الجريسي الجهني

دق الجهاز وقلت يالله عسى خير=اثره من اللي مطولٍ في غيابه
قال السلام وفز قلبي كما الطير=اثره عرف صوته وحضرة جنابه
كنت احسبه سالي وداله كما الغير=اثره على طول المدى ماسخابه
مسكين متحمل عنا الجرح ويسير=صابر ولا يوم اشتكى من مصابه
قمنا انتعاتب قلت ياقلب مايسير=تصبر على جرحك ولاحدا درابه
ماقلتلي وانا معك صبح وعصير=مخطي مادام الجرح عندك حجابه
قال الغفو ماجك ياصاح تقصير=دايم اضخ ادماك وعرقك نشابه
انت الذي حاكم بيديك التدابير=سجنتني بالصدر وغلقت بابه
خليتني وسط المعاليق مادير=وعوج الحنايا وقفتلي حرابه
في حكم شرعك ياجميل التعابير=الحب عيب ونقد ما ينحكابه
الحب ما عيب رجالٍ مشاهير=ولا نتقص مجنون ليله وعابه
الفيصلي ابشعرة تدق المزامير=وبشعر السديري حن قوس الربابه

دق الجهاز وقلت يالله عسى خير=اثره من اللي مطولٍ في غيابه
قال السلام وفز قلبي كما الطير=اثره عرف صوته وحضرة جنابه
كنت احسبه سالي وداله كما الغير=اثره على طول المدى ماسخابه
مسكين متحمل عنا الجرح ويسير=صابر ولا يوم اشتكى من مصابه
قمنا انتعاتب قلت ياقلب مايسير=تصبر على جرحك ولاحدا درابه
ماقلتلي وانا معك صبح وعصير=مخطي مادام الجرح عندك حجابه
قال الغفو ماجك ياصاح تقصير=دايم اضخ ادماك وعرقك نشابه
انت الذي حاكم بيديك التدابير=سجنتني بالصدر وغلقت بابه
خليتني وسط المعاليق مادير=وعوج الحنايا وقفتلي حرابه
في حكم شرعك ياجميل التعابير=الحب عيب ونقد ما ينحكابه
الحب ما عيب رجالٍ مشاهير=ولا نتقص مجنون ليله وعابه
الفيصلي ابشعرة تدق المزامير=وبشعر السديري حن قوس الربابه

ببداء بذكر اللي عليمٍ بالأسرار=الواحد اللي كلنا نلتجيله
يالله يالي حافظٍ غيب الاقدار=تحفظ ديار الدين عن كل ميله
ديرة هل العوجا طويلٍين الاعمار=اللي لهم بالقلب ودن نشيله
من بعدها يامرحبا امرار وامرار =اعداد ماهلت مزون المخيله
وعداد ماغصٍ تمايل بالشجار=وعداد ماهبت نسايم عليله
ترحيبه تضوي كما ضي الانوار=في دار منهو يرتكي لثقيلة
في دار جاسر مكرم الضيف والجار=حرا ولد حرا يمد الجزيله
من لابة جهينة هل المجد والكار=اللي لها بالمجد دار ظليله
حي الله ضوفٍ لفت داخل الدار=حي الله ارجالٍٍ نصتنا جليله
على الشحم ودلال تجذا على وجار=كيف ٍشوق الراس بنه وهيله
والعود الازرق بالمداهل لنا شعار=شبابنا وسط المجامر تشيله
ويسامعين القاف وبيوت الاشعار=ودي بالحظه لوسمحولي قليله
البارحة هديت هاجوس الافكار=في صفحة التاريخ وسرجت خيله
لقيت بالتاريخ مجدا وتذكار=مجدا لبن عساف فوق الطويلة
مجدا كما نهرا كبيرا وهودر=من سابق الايام يدرج مسيله
الاحمدي محمد كما ظلع سنجار=ماكر حرار وصعب للي يخيله
فك النشب يوم النشب يشعل النار=يوم العميل اللي يداعي عميله
شهدو على فعله طويلين الاشبار=والدار تشهد والخيوف ونخيله
نشرته البيضاء على روس الاخيار=بنت الرجال معسفين الاصيله
اخت الرجال اللي لها طيب وذكار=قبسان قوم للمراجل دليله
عساه للجنه مع سيد الابرار=يسقى من اللي نهرها سلسبيله
وهذا سليله ياضيوف وحضار=الشيخٍ خالد ضيف كل القبيله
شيخ معرب من هل المجد والشار=لو ثقل حموله حشاء ماتهيله
احامده ربعه شياهين واحرار=حرب لا جات الليالي المهيلة
لادارت الهيجاء ونجم الفلك دار=يحمى ثراءداره ويحمى دخيله
هذي حقايقهم على مر الاخبار=اهل العلوم الوافيه والجميله
وانا من جهينة مبقابيس الاخطار=اهل السيوف المرهفات الصقيله
مجدا لنا ثابت على العز مادار=ثابت كما نجم الجدي مع سهيل
ونعمين غي كل القبايل ولاختار=كلا رسى مجده بفيت مقيله
وصلات ربي عد ما طاير طار=على نبي عزنا في سبيله

البارحة هاجوس الافكار مابات=هد الفضاء والصبح مع النجم سهران
هد وتعلا مع نجوم المجرات=وشرف على رجم رسى فوق ظلعان
بيحضر اللي بالمثايل جزيلات=اللي لها بالطيب دار وعنوان
كله لجل شيخ رقى بالطويلات=شيخ نعزه من قديمات الازمان
سلام ومسى الخير والله وسلامات=يالغالي اللي لك سما المجد ميدان
مني ومن ربع رست بالمنيفات=جهينة اللي مثل شوفي بالعيان
طهور جعله يازبون المهمات=طهور من رب غفور ورحمن
جعل الولي يحفظك رب السماوات=ويلبسك ثوب العافية بكل الاحيان
انت حمد اللي به الطيب قامات=انت الصديق اللي له العز مسكان
انت سفير لعبس في كل هدات=انت السفير اللي له المجد نيشان
ربعك هل التاريخ في كل الاوقات=يوم الزمان الشين قاده وفرسان
وحنا جهينة مجدنا حي ما مات=مجدا لنا راسي كما ظلع حوران
حنا جيوش العز يوم المغيرات=يوم الليالي في ذرا السيف شامان
فينا الكرم مثل البحر والمحيطات=لازال مده بين غزرن وشطان
من دون قاصر في رجال الجميلات=نعمين فيها دون نقص وحقران
وختامها صلوا بجميع الصلاوات=على رسول الله من نسل عدنان

يا هاجسي في ما قفي مالي اعذار=مادام شعري كل قومٍٍ تخيله
مادام ني في راس مرقاب الاحرار=برهي على المكيال وازيد كيله
مادام طيبي مثل نهرا وهودار=والله لروي كل زرع بمسيله
يا هجسي هيا معي غب الابحار=انظم لي الدرة بحفل القبيلة
با عوم انا وأياك في بحر الاشعار=وخرج مثايل من بحوره جزيله
وبدا بتراحيبٍٍ لها رسم وشعار=اللي تجمل مع ضيوفٍٍ جليله
يا مرحبا بضيوف ربعي هل الكار=يا مرحبا باهل الوفاء والجميلة
اهلا هلا وعداد ماهلة امطار=غيث المزون اللي تسابق هميلة
تحية تلفي كما ريح الازهار=اللي نسيم النود عطره يشيله
حياكم الله عد ما طاير طار=وعداد ما نجم ضوى كل ليله
في حفل منهو للكرم مشعل النار= فهد فهد للجود درب ودليله
هذا ولد عمي ولو صار ما صار=سيفي ورمحي بالليال المهيلة
من عزوة لي يوم هدأت الاخطار=راس العدو من فوق متنه تشيله
حنا جرسه والمجد فينا له الذكار=يشهد لنا سويق الملاقي ونخيله
يوم اليالي عجها مثل الاعصار=سيوفنا يوم الملاقى صقيله
ياما ظهرنا فوق قبات المهار=فوق الخيول الصافنات الاصيله
والليله الليله سما دارنا النوار=في حفلة محمد ضواء البدر لليله
ومبروك يا محمد يا شيلٍٍ لنا خيار=يا شبيل قومٍٍ ترتكي للثقيلة
عسى الفرح يبقى على دارك امرار=يبقى على دارك سنين طويله
وجعل السعد يا براك يا طير غيمار= يجعله ربي غيمة لك ظليله
وختامها صلوا على سيد الابرار=نبينا اللي عزنا في سبيله

البارحه مع هاجسي بغب الابحار=بغب البحور اللي عميقه ندله
مع هاجس ياسامع القاف بيطار=دايم على الجزله عزومه تتله
وده يجيب اللي لها الطيب مسعار=هدية للي نظيف سجله
سلام ياشيوخ الوفاءعزوة الدار=سلام ينصى صاحبي وعزوة له
تحية تضوي كما ضي الانوار=تعم دار الصاحب اللي نجله
مني ومن ربعي هل المجد والكار=ربعي جهينة شمس عزي وظله
جينا لكم ياشيخ حشمه ومقدار=جينا نسوق الطيب لك سوق دله
بقول لك لابأس يا شيخ الاحرار=لابأس ياحرا خذا الطيب كله
طهور جعله من الولي رب الاقدار=اللي يسوق الغيث وماها يهله
ويحفظك رب العرش علام الاسرار=الوالي اللي شافياٍٍ كل عله
لجلك من اللي يكرم الضيف والجار=شيخ ولك بالعرف درب تدله
حرا على الهده كما طير سنجار=لامن نوى الهده عزومه تقله
انشهدنك يابو مروان هودار=ياصاحب اللي لابدى الطيب شاله
ربعك شيوخ اللي بها المجد مادار=ثابت على مر الزمن في محله
ونا من جهنة هل المجد والشار=قوم رقت فوق النجوم المطلة
حنا هل التاريخ لو سار ماسار=حنا نعقد العلم وحنا نحله
امجادنا رسم على كل الاخبار=في صفحة التاريخ كلا يدله
وكل القبايل نعم كلا له الذكرار=كلا على مجده عدوده تعله
وختامها صلو على سيد الابرار=محمد المرسول في خير مله

قبل الكلام وقبل مانبحر على شط وجال=صلو على اللي سنتة نمشي على مدلولها
من بعدها سلام ياربع الوفاء يهل الكمال=سلام تسليمة وفاء لصحابنا بمدهالها
تحيةٍ تلفي على الضيفان ووجيه الرجال=تحيةٍ تلفي على البرزة وكل ارجالها
البارحة مع هاجسي مع شبتي وكيف الدلال=على سناء جمر الغضى كيفي تفوح ادلالها
سهران ونجوم السما سهرانة ويا الهلال=وبنات فكري ساهر مع نجمها وهلالها
كله لجل شيخٍ يعد الطيب دايم راسمال=ودائعه زادت بنوك المرجله رسمالها
هذاك ابو مروان جعل السعد له في وظلال=شخٍ خذا طيب الكارم كلها وشتالها
من شانه الليلة بجيب القاف وبيوتٍ جزال=اللي تجمل ماقفي لامن قريت اجزالها
بثني على ضيوفه ومد الطيب من عدا زلال=عداً رواته تروي الضميان لامن جالها
اول ضيوفه شيخ عرف ودين وقاضي للعدال=يحكم بشرع الله في تبيانها ومعدالها
الشيخ ياسر سيرته عندي مثل نو الخيال=اللي تباشربه عباد الله في منزالها
نعمين في شيخٍ جويد الساس من عمٍ وخال =شيخٍ يعرف الوافيه في دقها وجلاله
وثاني ضيوف مثل نجم اسهيل مافيها جدال=شيخٍ ولد شيخٍ يروم النايفه ويزهالها
ايمن وريث المجد يالي تسمع بقاف المثال=من عزوة عند الجريسي وافيٍ مكيالها
حفيد من فعلة على الطالات ثابت لايزال=امير حرب اللي انثنى لطيبه وسبالها
وابوه شيخٍ تعرفه كل العرب شرق وشمال=امحمد اللي لابدا ثقل الحمول اشتالها
وانا الجريسي يارجال الطيب ياكرام السبال=من لابةٍ يفخربها التاريخ بطيب افعالها
من لابة الجهنان قوم مجدها فوق الجبال= اللي مراسيها على شمس الزمن وظلالها
وكل القبايل وافيه نعمين مروين السلال=كلاً نحت مجده على رجمه وصم اجبالها
وختامها يالله يالمعبود يارب الجلال=تحفظ علينا الدين وتعز الوطن برجالها

قبل أبتدي بحروف قافي ولإشعار= ببدء بمن ينشي حقوق السحابة
رب العباد اللي عليمٍ بالإسرار= اللي جميع الخلق تخشى عذابه
يا لله يا لي منزل الغيث مدرار= يا لواحد اللي ما يخيب الرجابه
تحمي ديار الدين من شر الأشرار= دار الرسالة ونبي والصحابة
وتعز سلمان الحزم طير غيمار =اللي جعل لدار عز ومهابة
من بعدها سلام حشمة ومقدار= للحاضرين ومن لفاني جوابه
تحيةٍ تلفي كما ظي الأنوار= تعم ضيفان الحفل والقرابة
جينا يابو مشعل وفاء لك وإخطار= وقلوبنا تسابق خطاوي ركابه
أمشاركين أفراحكم يأهل الدار= أبحفل مشعل نسل ربع النجابة
مبروك يا مبروك يا نسل الأخيار= يا حر يا لي راسي برأس لأبه
انتم بني كلب العريقة هل ألكار= حماية الميقاف يوم ألحرابه
يوم الليالي زندها مشعل النار= وكلاً على سيفه مجود نصابه
الجود فيكم جاريٍ مثل الأنهار= والمجد فيكم ماتعذر غيابه
منكم صحابه ومنكم اللي له أذكار= دحيه اللي قيصر الروم هابه
ونا الجريسي من هل المجد والشار= ربعي جرسه ساسي وقصري وبابه
تاريخنا يالي على الطيب سمار= ثابت سوات طويق وكلاً درابه
حنا بني ابرهيم للعز ثوار =حنا التاريخ اللي مضوي كتابه
أثارنا رسمٍ على الدار تذكار= لازال رسمه في حرير وشعابه
ونعمين في كل القبائل والأحرار= كلاً على المرقاب مجدة رقابة
وختامها صلوا على سيد الإبر=ا شفيعنا في يوم نحسب حسابهر

الاولـه مـنى سـلام وتحيـــــات= من هاجسٍ جزل القصيد ابتدا به
هاجس يغرد بالرجوم الطويلات = ومرت عليه من المشاعر سحابه
من شان سامر طيب الفعل ما بات=يصخر الاشعار وقافه سرابه
ساهر مع نجوم الفضاء والمجرات = وشواهـــد التـاريخ درسٍٍ قرابه
وده يجـمل ما قفـى معـك بالــذات= في حفلة محمد سليـل النجابه
فى ليلةٍ فيهــا الفرح والمسرات= والعــود الازرق والتحايا ضبابه
جينا لبن مشخــص زبون الجزيلات = جيــت وفـــاء للى عزيــز جنابه
للشاعر اللي له مع الشعر بصمات =وبين النشاما له قدر ومهابه
انشهد انـه نســل راع المهمـــات= مشخص عزيزالقوم ون راس لابه
ربعـــه بلاديـــة رجــال الصعيبات= قــوم الوفاء والطيب قوم ألحرابه
من ساس حرب ان راحت علـوم ونجات =حرب الدول يوم الليالى نشابه
مجــدا لهـم من ماضي الوقـت مامات=بيرق عـلى ضـلعٍ طويلة هـضـابه
وانــا من الـلى يكسـرون المغـيـرات=ربــعـى جـهـيـنه بيت مجــدى وبابه
أنصار دين الحــق فى كل الأوقات =ومنهـم مع الصادق رواه وصحابه
أمجادنا اللى دونتها البطولات=دون الدخــيل ودون حمــرا حزابــه
من فوق ضمر بالمطاريش عجلات=حـد ب الغــوارب والاذانى ذيابه
وكــــل القبائـل مجدها بالسجـلات= نعمين فيها دون شك وطلابه
وختامها صلو بكل الصلوات=على نــبى مالـك المـلك جابه

ألأوله قبل ابتدئ بقاف الاوزان=سلام يضوي مثل بدر الأهلة
ينصى حضور الحفل شيبٍ وشبان= وينصى الصديق اللي ابد ما نمله
تحية تروي ضما كل عطشان=من شاعرٍ طيب المراجل تدله
مني ومن ربعٍ لها المجد عنوان=ربعي جهينة شمس عزي وظله
ربعي يشاهد مجدها بكل الاوطان=ظاهر سوأت سهيلٍ كلٍ يدله
يوم المراجل في ذرا السيف شامان=ربعي لها رمحٍ وسيفٍ وسله
والثانية قبل امس تميت سهران=ونجوم ليلي منورات ومطله
في مجلسي وجمر الغضى شب ضيان=وكيف المهيل فايح بوسط دله
من شان ابو ناصر سلائل كحيلان=قمت ابني القيفان لجله وهله
هيضني الها جوس مع قاف اللاحان=وشليت كافي في سما الليل كله
ابحرت من جدة على دار عليان=دار الكثيري اللي لها المجد حله
طفت السراة وشفت سهلٍ ووديان=وشفت القرى اللي بين حفيا وخله
وقريت بالتاريخ سيرة هل الشأن= وقلبت صفحات التاريخ وسجله
لـقيـت مـجـداً راسي بـروس ظلعان=نـحت عـلـى رجـمٍ النوايف محـله
مجد الكثيري مجد ثابت من الزمان=الـعـز والـنـومـاس هـو مـدهـلله
ربعٍ لها بالعز دارن وميدان=ثابت سوأت طويق محدٍ يزله
والثالثة جينا وفاء لك وضيفان=لجلك من ارجال الوفاء اللي نجله
انت عوض اللي كما حر شيهان=ونت الذي فيك المراجل جبله
جعل الفرح مزنٍ من الغيث هتان=يرهي على دارك وغيثه يهله
والرابعة تحيتي لبن رادفان=شيخٍ على الطاله عزومه تتله
شيخٍ جليلٍ من ذريف الايمان=مقدام ربعٍ ما تعرف المذلة
رايه حكيم ويرجح بكل ميزان=كريم سبلا وكل ربعه تجله
ونعمين في كل العرب دون نقصان=كلا على مجدة عزومه تقله
وختامها صلوا على نسل عدنان=اللي جعل لدين شرع ومله