ياسالم العرم صح النوم

قدام يجي بسماك نجوم = والعرم في ماقفه قايم
محشوم ياصاحبي محشوم= ما تحللي وانته الحارم

	المشاركة الأصلية كتبت بواسطة سالم العرم

	قدام يجي بسماك نجوم = والعرم في ماقفه قايم محشوم ياصاحبي محشوم= ما تحللي وانته الحارم

صح لسانك

من يقنعه قسمه المقسوم=اظن مايلومه اللايم
وليا اقتنع شيخنا سلوم=صفيت ياجونا الغايم

صح لسانك يابو خالد لاهنت واللعب معك مايمل لكن شاب الطاروق يابو الشباب والوقفه عندك والختام والمعذره عن كل زله ومثل مانت عارف التسلل فاللعب والخشونه احيان تحصل لكن القلوب بيضا والنظره بعيده والي لقاء قادم ان شاء الله والله يحفظك

صح لسانك وعلا شانك وتشرفت باللعب معك طال عمرك وانت من شعرائنا اللي نفخر بتواجده واللعب معه
وما جاء منك الا الطيب والعلم الغانم
وبيض الله وجهك وجه من شرفنا بمروره بتعليق او بدون تعليق
واكتفي باعادة بيتك والى اللقاء بالايام الجايه
من يقنعه قسمه المقسوم ... اظـن مايلومـه اللايـم
وليا اقتنع شيخنا سلوم ... صفيت ياجونـا الغايـم

مضحي بن جمران

نصبت نفسك زعيم القوم=ماهي على الكيف ياسالم
ياسالم العرم صح النوم=ماعندنا منصـبٍ والـم

سالم العرم

الشاعر اللي فرق بالسوم=من حقه تعرفـه العالـم
لو انت رئيس وتعط رقوم=قبلتهـا منـك يالظالـم

مضحي بن جمران

من حربتك ماحدٍ مهزوم=سيبك من الحلم يالحالـم
والاانت والله سليل قروم=ولااحدٍ عن المختفي عالم

سالم العرم

عنكم ياشعار حرب اشـوم=مسروح وايـا بنـي سالـم
روح انشد الفرس وإلا الروم=عن حرب من سـد بـلازم

مضحي بن جمران

مانته من الطيبه محروم=لاشتبت النار لاتسالـم
خلك من الميت المرحوم=شراب فنجالهـا الذالـم

سالم العرم

في ما قفي مالحقني لـوم=لي سيف صارم وانا صارم
وان كان سد العلوم علوم=والله لا صحـي النـايـم

مضحي بن جمران

ماقفك بحمايتـه ملـزوم=والنصر ماينضمن دايـم
ياللي سبحت البحر وتعوم=لاتقربـه والبحـر عايـم

سالم العرم

ماني مخطي ولا منجـوم=علم بها ذياب بـن غانـم
ياللي تعرف الفضاء وتحوم=ترى الفضاء يتعب الحايـم

مضحي بن جمران

لو الله البارحه متهـوم=اثرك مبطي بهـا هايـم
الصايم اللي فطوره ثوم=ماجور ياحضرت الصايم

سالم العرم

قدام يجي بسماك نجـوم=والعرم في ماقفـه قايـم
محشوم ياصاحبي محشوم=ما تحللي وانته الحـارم

مضحي بن جمران

من يقنعه قسمه المقسوم=اظـن مايلومـه اللايـم
وليا اقتنع شيخنا سلوم=صفيت ياجونـا الغايـم

بيض الله وجيهكم وصح الله السنتكم

الأخوان مضحي بن جمران وسالم العرم

تقبلوا اجمل التحايا

ودمتم بخير

	المشاركة الأصلية كتبت بواسطة بدر بن شطيط الحربي

	محاوره عالية المستوى متشادة المبنى قوية المعنى ونشيطة المبدأ بدايه حلوه سراحه والمحاوره لابدة بحلى تبقى حاليه كلها تسلم يابن جمران على الابداع وتسلم يابن العرم على المحاوره الاكثر من رائعه وصح السنتكم جميع

صح الله بدنك والله لايهينك على الاشاده والاطراء وشهادتك وسام فخر لنا توجتنا به بيض الله وجهك
واسعدنا هذا المرور النير لشخصك الكريم ياشاعرنا المبدع بدر بن شطيط العريمه لاعدمناك سلمت ودمت يابن العم الكريم

صحت الالسن وبيض الله وجيهكم
محاوره جميله على الهجيني القصير ( بحر الكسره )
لكما كل الود

	المشاركة الأصلية كتبت بواسطة ابن خيرالله الردادي

	بيض الله وجيهكم وصح الله السنتكم الأخوان مضحي بن جمران وسالم العرم تقبلوا اجمل التحايا ودمتم بخير

وجهك ابيض يابو سامي وصح الله بدنك والله لايهينك اسعدنا هذا المرور النير سلمت ودمت

	المشاركة الأصلية كتبت بواسطة حفيد الحجيري

	صحت الالسن وبيض الله وجيهكم محاوره جميله على الهجيني القصير ( بحر الكسره ) لكما كل الود

صح الله بدنك وجهك ابيض ياحفيد الحجيري ولاعليك زود سلمت ودمت يابن العم العزيز الغالي