ديوان الشاعر :الشيخ:/ حسين مريع العبيدي

Quote=حسين مريع العبيدي;1191542]السلام عليكم ورحمة الله وبركاته
اخواني واخواتي الاعزاء
دخلت على منتدى لاصحابنا وجيراننا الكرام الشلالحة من مطير ورحبوا بي ورد علي اخ وشاعر عزيز
ورديت له واضعها بين اتظاركم راجيا ان تنال رضاكم

البارحة يوم الفكر صافي ويوم الحظ قام =لفيت فالنت الوسيع وشفت هذا المنتدا
شفت العلوم الطيبة شفت الرجالة والنظام= واعجبني المجهود والطيب لك الله يحمدا
دخلت شفت الربعة اللي تستحق الاحترام =لقيت جيران(ن) لنا واصحاب في طول المدا
وقلت انا قبل اتكلم جيت بارد السلام = وادخل مع الجيران واكسب من علوم(ن) تقتدا
اول تحياتي لكم سلام من طي الكلام = سلام يشملكم جميع ولايقصر عن حدا
ومعايدة لاهل الوفا والطيب في شهر الصيام= بنيتها بالطيب والله مايجي فيها الردا
من حسن نية جيت انا ناصي رفيعين المقام = ماشي مع الجيران والممشا على درب الهدا
من هاجس في خاطري دخلت في بيت الكرام = قال المثل قرب من اللي مسعدين وتسعدا
لعلها مقبولة (ن) مني بعد جتكم شمام = تقبلوها والعذر مني اذانقص(ن)بدا
يابيت ابن شلاح ياللي كلكم عندي حشام = اليوم ذاوقت الصداقة وانتهى وقت العدا

وهذارد عبد الرحمن الشلاحي

واليوم يوم الطير رفرف في سمى الديره وحام = رفرف وهو يرقب سهيل وينتظر قطر الندا
حصلت لي فالمنتدى ابيات من شف الانام = مثل الذهب صافي مصفى مايجي فيها الصدا
من شاعر وافي لفى ينقل معه حمض العلام = مجمله ربي على علم الوفاء ومسددا
من عزوة اللي ياردون الطيب ميراد الحيام = حرب الكرام اللي لنا جيران فالحد حددا
وتحية الشهم الكريم لنا فخر واغلى وسام = نردها بازكى تحايانا ولاترجع سدا
يامرحبا ترحيبةٍ تكفي عن الماء والطعام =احلى من حليب البكار اثقل من جبال الهدا
واجبك والله دلة الرسلان وردوم السنام = حدد لنا الميعاد وابشر بالعشاء بعد الغداء
وانا ادري ان مامقصدك يابن الكرام الا الكرام = لكن هذا واجبك فالمنتهى والمبتدا
حنا عواني واصدقاء بعد قوابيس العسام = الله يديم لنا الامن بعد الـنــهــار الاســـــودا
هذي مشاعر من ضمير اصدق من حقوق الغمام=والــعــذر لــــن كــــان الـبـيــوت اقــــل مــمــا نـقــصــدا

ردي

اليلة انا امسيت كاسب للمطالب والمرام =حققت مطلوبي وهوعرفة قويين الجدا
لقيت من ميز كلامي ثم جاوب بالتمام = جابة بجابة يعلم الله كلنا نمشي قدا
عسى البقا يامن تقدم واحتزم باقوى حزام= سد اللزوم وزاد فالممدود والله يشهدا
انعم بابو مرزوق واكرم حي من مسك الخطام = وحي الجواب اللي يسرالقلب لامنه بدا
الله لعلك للبقاوتعيش عام سد عام = تبقا ياوجه الخير واللي مايقوله لك فدا
ياللي تمد الوافية هي مدكم طول الدوام = هاذي لكم عادة على طول الليالي سرمدا
وانا يمني جيتكم وسط المخيم والخيام = يشهد علي الله يغير العرف مالي مقصدا
ادور اعلوم الرجال امشي لها شرق وشام = وانتم ترى ياصحابنا لها مقر ومسندا
والحمد لله راح عصر التفرقة والانقسام = الرب واحد والوطن واحد وشعب موحدا
اليوم ذا حربي مع المطران عايش مايضام = وهذا مطيري عند حرب وله معاش ومرقدا

[/quote]

Quote=حسين مريع العبيدي;1188787]

ياهجوسي قودي الامثال بالعلم المصيب= لانخيتك للقريحة جاوبيني بالولام
باشتري وابيع والسلم النقي ليه نصيب = من سمان الهرج قسمي مانعود للهلام
قالها منه يحق الشوف لابان الضريب = لارمى صاب الهدف ماهو مثل رمي الغشام
من قبيلة حرب حرابة ليابان الحريب =مايحبون الهدان ولا يخاوون الرخام
فزعته قبل البعيد تروح يم اللي قريب= ماتجي خصة ومفتاق العطا وسط الخيام
من كتاب محكم التنزيل قرانا الخطيب= قالوا اولالك فأولى هكذا مشي النظام
والحمية عرق فوجيه الرجال اللي تثيب = مايخليها الشجيع اليا بدا ضرب الحسام
ديننا لله والله فوق مخلوقه رقيب = نعتصم بالله وحبل الله خير الاعتصام
لاعطينا العهد نحفظ عهدناوالله حسيب = العهد ميثاق فالاعناق للناس الكرام
وافتخر اني سعودي والنسب دايم عريب = حرب وان جات المواقف قسمهم ذروة سنام
السعودية شعاري موطني ليه حبيب= عزوة حطت لنا عند العرب عز ومقام
لادعا داعي وطنا كلنا له نستجيب= مانهاب الموت في يوم التلاقي والزحام
حاكمه منا وفينا ماحكم فينا غريب= حاكم لم الشمل من بعد كثر الانقسام
الولا لله وللي قام فالوقت العصيب=طاف في كل الجزيرة داعيا لامر السلام
راعي السيف الصقيل وراعي الرأي الصليب= جاو عم السلم فينا وانتهى ذاك الخصام
وحد الارض الوسيعة طيب واللا بالغصيب= لين صارت مملكة ذاك الهمام ابن الهمام
بعد ذيك النفرقة جانا المداوي والطبيب = ضمد اجروح الاوادم يوم حظ الناس قام
من يدور غيرهم والله ترى حاله عجيب = واش يرى في حكم ابو متعب لعله للدوام
شوف ابو متعب يدير الحكم نايف له ينيب =خادم مسجد رسول الله والبيت الحرام
كان شاكي مظلمة راجع وتلقى لك مجيب = مايضيع الحق عند عيال مرحوم العظام
كان تقصد مكرمة قدم وحظك مايخيب = والله انك تاخذ اللي راده الله بالتمام
لاتسمع في قناوات ومالكهاغضيب = ماتفيد المستمع عير الندامة والملام
من كلامي ماقصدت احدن واقول انه صويب = خاطرة جتني واقول النور جلاي الظلام
قلتها وارمي بها فالصمد يفهمها اللبيب = من فهمها ماسهر فالليل والعالم نيام
قلتها من بعد شفت اعلوم بانت ماتطيب = موقفي من كل موقف دايم اقوله شمام
بعد شفنا فالجوار الذيب في وسط القليب = ودارنا والحمد لله خيرها شامل وعام
ياملك ياعز يافخر وشرف سر يانجيب = سير بالشعب السعودي للتقدم والامام
سير واخوانك عضودك جعل نجمك مايغيب=كلنا نمشي في دربك وانت في يدك الخطام

[/quote]

يامرسلي ولم وشد الرحالي= في موتر شاريه من راس ما لي
ثم اتجه يالظفر صوب الشمالي=منصاك للي لجلهم سقت الامثال
انصى رجال المعرفة والحمية = مالك طلب معهم ولالك دعية
ماغير تقديم الوفاوالتحية= وتلقى بدلها عندهم فال واعقال
انصى الرجال مرجحين الموازين=ولااحد بجاهلهم رجال البدارين
بلغ سلامي للربوع الموالين = عساك تلقاهم على طيب الاحوال
وقول ياسموا الصقور الحراري= هذا جواب من الرفيق المباري
منزهينه عن جميع المزاري= ماله عن محمد ملاذن ومحيال
عطه الجواب ولاتبيح السدودي=لجله يعرف الصادرة والورودي
واحذر تجيني ماعطاك الردودي=والياعطاك الرد عطنيه فالحال
ثم اساله عن خمس لجله مسواه= لابان معناها ولاهي مخباه
ماظنها تصعب لمثله وشرواه=فاهم محنك ماعلى مثله اشكال
الاولة وش بنت تنقل ولدها = في حضنها ماهو مفارق جسدها
وان جولها ورعان ضيع جهدها = يطشهم عنها وترضى بالافعال
والثانية نورن يزيل الضلامي= يولعه شخص رفيع المقامي
والياطفا مافاد كثر الكلامي= النور ذا دايم فالاحكام فعال
والثالثة وش رجل ماحدن يسبه= باغلى ثمن نشريه من زود حبه
المبتدى والمنتهى بسم ربه= وانت من اجله متعب الحال والمال
والرابعة عودن ورى الباب تلقاه=وهودليل اللي بالاعيان يرعاه
مايتركه يالين يوصل لمشحاه= واليا وصل ماعاد يطري على البال
والخامسة رجال لاجا مجاله= يدوربين الناس ماحدن يناله
كلن يهابه يوم درج قباله =غير الشجاع اللي للانشاب حلال
واسلم ومن يسمع ومن شاف سالم=وانا انتظر منكم تجينا المعالم
واعداد من صلى ولبس المحارم=صلوا على محمدوهي خير الاقوال


وهذا رد الاخ والصديق الشار العلم محمد عبد الله البدراني

محمد عبدالله البدراني;

حي الجواب اللي لفانا من الغرب = اللي قريت احروفه ابملتقى حرب
لو اتجه للشرق ماضيّع الدرب = الموتر ومن كزه الشيخ مرسال
لا شك ماجانا ولا شفت زوله = من شان اقدّم واجبه في وصوله
حيثه رسولٍ من رجال الحموله = اللي لهم وقفات في ماض الاجيال
واليوم ميراث الجدود القديمه = في كنف شيخٍ من الشيوخ الحشيمه
حسين بن مريع قوي الشكيمه = من روس حرب معدّلة كل من مال
شيخ الجهوم ومن بني عمر ساسه = اللي على العدوان فيهم شراسه
اهل الشجاعه والكرم والفراسه = والطيب ماكر للعبيدي ومدهال
حيه وحي كتابه اللي بعث به = نزيه ومنقيه ماحدٍ عبث به
عما يشوبه يوم فكري لبث به = ساعة تمعن والمعاني به اجزال
معاني ٍ يطرب لها كل مطنوخ = والا الردي عنها على الوجه مطخوخ
ماله ومال افعال لبّاسة الجوخ = وجواب خمسٍ جاتنا اقرا لتال
الاوله بنت ٍ لها كم سيره = امنولٍ واليوم تبقى جديره
بالحفظ للازم ويلزم ذخيره = لها ليا صارت على كف رجال
والثانيه قول المثل له دلاله = العلم نورٍ والظلام الجهاله
ويارد عليه الحق وايضا العداله = والا الشهاده لاحصل مس واجدال
والثالثه ياعنك ماهو بمجهول = ان قلت مشروبٍ واذا قلت ماكول
والرزق من عند الولي دوم مكفول = وله الثناء والشكر ماهل همال
والرابعه عودن قديم وجديدي = الدرب .. لكن وين بيت العبيدي
اليا وصف لي شوفته يوم عيدي = لا بد ماننصى لسمحين الاقبال
والخامسه فنجال ياوي فنجال = من يشربه عدى على روس الاقذال
ايخلد اسمه مع صناديد الابطال = يوم العرب مابين راحل ونزّال
واختامها مني سلام وتحيه = لاهل الوفاء والطيب والشاذليه
والشيخ واعياله رجال الحميه= وصلى الله وسلم على محمد وآل


آمل ان تحوز على رضاكم

وان اكون قد وفقت في الرد على رسالة الاخ العزيز الشاعر الكبير الشيخ حسين بن مريع العبيدي


وهذه تحيتي وتقديري
مع اسمى ايات الشكر والامتنان لكم رعاكم الله

..

..
.
.[/quote]

السلام عليكم ورحمة الله وبركاته

هذه الكلمات دخلت بها في منتدى قبيلة حرب في الكو يت حبيت اطلاعكم عليها

اهداء مني للمنتدى ارجو قبولها مع اجمل تحية واحترام







شفت الشموخ العالي اللي قبل اشوفه مارأيت = مثله في هذا الكون وانا طفت في كل اتجاه

بيت بنوه مهندسين اخذوا على مبناه صيت = بيت مخصص للمعالي والمعالي في بناه

دقة وتنظيم وفراسة عندها بعت وشريت = من هو مؤسس هالبنا من هو تفنن في بناه

صابتني الدهشة من الصرح العظيم ولا دريت = ان المعلم من بني عمي مطوعة العصاة

من زود حبي له ومن ماشفت للباني دعيت = يالله تسلم فكره الصافي وتسلم له يداه

قمت اتمنى واتوجد ثم اردد ليت ليت = ياليت لي مدخال في ذا الصرح وانعم بالحياة

سألت عنه الناس قالوا ذا محلك لانويت = ذا منتدى حرب الكويت من اوله لامنتهاه

فرحت انا مما سمعت ومارأيت وما قريت = وقلت لله الشكر هذا البنا حربي وراه

من فرحتي زاد السرور وقمت واقف واعتزيت = حربي وشفت عيال عمي حققوا عز وجاه

والحمد لله صار ليه بيت في دار الكويت = ان رحت واللا جيت بيت العز عايش في ذراه

عاش الصباح وعاشوا ال سعود لامني بديت= واجب علي اذكر رجال المجد كل في سراه

ماغير اخو نورة واخو مريم ليامنك بليت = انصى حديهم وافتخر انك معزز في حماه

السلام عليكم ورحمة الله وبركاته
اخواني الحياة مرة علوم كبار ومرة فرح ومرح من اجل مايكون فيه ملل من الشعر اليكم هذه الابيات غزلية من ايام الشباب واذا ماجازت لكم شيلوها بدون مجاملة اوباشارة منكم انا اشيلها لانني اتحمل نقد الصغير قبل الكبير اقصد صغير السن


يابدر ياللي في سماي تعليت =غيبت عني واصبح الجو خالي

يامنيتي صوبتني يوم مريت =قدام عيني ياحسين الدلالي
ولعتني واشعلت نارك وقفيت = انا هويتك والهوى سم حالي
ياليت يوم انك نعديت صديت = ولاشفت عينك يوم تمشي قبالي
ولاشفت زول من حلاياه عانيت =امشي وانا مشغول فكري وبالي
احاول انسى صورة فيك حبيت =عسى لعل انسى الذي قد جرالي
لاجيت ابانسى شفت طيفك وونيت=ونة مريض زاد سقمه هبالي
واصبحت مغرم فيك لو رحت وان جيت= انساك انا يازين هذا محالي
لو المنى يجلبك كملي تمنيت= ربي يجيبك واخذك باالحلالي
لو الغنا يجدي فانا فيك غتيت = سفت القوافي باللحون الطوالي
ولو لك شبيه فالبشر عنك جزيت= مالك شبيه بين كل الغوالي
ولو الدوا يبري صوابي تداويت = من قبل عقلي ينتهي للزوالي
صبرت لكني من الصبر مليت = وانباح سدي والهوى ما صفالي
بالمختصر باخبرك في القلب حطيت = لك منزل ماينزله كل غالي
محتار كيف اعيش وياك في بيت= عطتي دليل امشيه وارمي حباالي
منك الجفا والهجر انا ماستحقيت = همي وغمي فاق كل احتمالي
اشفق لحالي بعد ما انت توليت = ارجع ونور لي سواد اليالي

كفو ياخالـد الفـيـصـل فـــي راس القـايـمـة مـحـســوب=تـربــى فـــي حــضــن فـيـصــل وجــــا نــبــذة عــــن الــوالــد
اخـذ علـمـه مــن الفيـصـل وهــو مــن خالـقـه مـوهـوب=وصــــار الــورقــة الــلــي رابــحـــة والـشــعــب لـــــه شــاهـــد
تـنـقـل فــــي الـمـنـاصـب حــيــث مـاعـيــن يــســد الــنــوب=وصـــــار الـعــضــد الايــمـــن لـلـمــلــوك يــعــيــن ويــســانــد
عمل في منطقة مكة وعمريوم لبس الثوب = وبدا فابها وعمرها وغادر والفعل خالد
وعمل في عهد ابو متعب وينهج صالح الاسلوب=تــنــقـــل مـــــــن مـــكــــان الـــيــــا مـــكــــان يـــجــــود ويــجـــاهـــد
وهــــو مــوثــوق عـمـانــه وهــــو عــنــد اســرتــه مـحــبــوب=ومــــــــــن حـــــبـــــوه عـــمـــانــــه تــــــــــرى لــــــــــه حـــبــــنــــا زايـــــــــــد
نــهــنـــي جـــانــــب الـتـعـلــيــم فــيــكـــم والــعـــطـــا مــطـــلـــوب=بـــعــــد مــــاصــــرت فــــــــي راس الــــهــــرم لـلـتــربــيــة رايــــــــد
هــــــلا يــاخــالــد الـفـيــصــل ولـــــــك فـنـجـالــنــا مــصــبـــوب=عــلـــى مـجــهــودك الــلـــي تـبــذلــه فــــــي خـــدمـــة الــقــايــد
نــبـــارك لـــــك مـسـاعـيــك الـحـمـيــدة مــــــن وداد قـــلـــوب=ونـــبــــارك لـلــمــلــك حـــســــن اخــتــيـــاره والامــــــــن ســــايــــد
وشــــكــــرا لـلـمــلــيــك الــــلــــي قــريـــنـــا خــــطــــه الــمــكــتـــوب=يـــــــنـــــــادي لـــلـــمــــواطــــن بــالـــمـــعـــونـــة والـــــــنـــــــدا فـــــــايــــــــد
يـعـيـش وعـاشــوا اخـوانــه وغـالــب والـخـصـم مـغـلـوب=ولا شــــــــــي يـــكـــيــــد الـــغــــالــــي الـــــلــــــي لـــلــــعــــدو كـــــايــــــد

حنا كتبنا الشعر مااحد جبرنا= من هاجس لجاد جاب السميني
ابيات شعر تطرب اللي سمعنا = يثني عليها كل رجل ذهيني
تجمل الراوي ليا جا بعدنا= يدلي بها للناس في كل حيني
وان زادوا الشعار فالطيب زدنا = نفرح ليا شفنا الكلام الثميني
وان جا مجال المدح حنا مدحنا= المدح مايغلا على الطيبيني
فالطيب لهل الطيب نيذل جهدنا = الطيب مبدانا في طول السنيني
فالشعر مانحسب لحاسد حسدنا = ولانشتقي بالثرثرة والرطيني
اما نقول الزين واللا سكنتا= نسكت ولا نبدي بعلم يشيني
يازين نظم الشعر معنى ومغنا = والمحتوى مقبول دنيا وديني
منظوم في طاروق موزون وزنا= يطرب له القاري مع السامعيني

العيد قرب وحانت فرحة الاسلام بالعيد = من بعد شهر الصيام العيد في الاسلام سنة
اشوف طير السعد غرد ويا حلو التغاريد = قام يتغنى ويعلن فرحنه من غير ونة
العيد ماهو لمن لبس الجديد وعايد الغيد= عيدِ لمن صام ركن الدين واكمل كل قنه
عيدِ لمن رتل القران ترتيلِ بتجويد = عيدِ لمن واصل الارحام في شهر المحنة
العيد للي سعى بالخير دون الشرط والقيد= مؤمن وعارف دروب الخير واغصونه وفنه
اليا عرفنا شروط الصوم حصلنا المقاصيد= ونفوز يوم البشر هذا في نار وذا في جنة
جينا نعايد جميع الناس والمسلم بتحديد = من وحد الله حبه في ضمايرنا نكنه
الاولة ازفها تنصى الملك عبر الاناشيد= معطرة بالولا والحب مافيها مظنة
سلمان سلمان يانعم الملك نسل الاجاويد= ومحمد اللي عزومه للمعالي وصلنه
وازفها للسعوديين مصحوبة بتمجيد= الكل منهم تهانينا في بيته ياصلنه
الله عسى عيدكم مبروك يالجند الصناديد= عساه عايد عليكم والخواطر مطمئنة
بذلتم الجهد من دون الوطن وحماية الحيد =وان جا المعادي سهوم الموت منكم صوبنه
الله يسدد خطاكم في حمى الاوطان تسديد = انا اطلب الله واللي يطلبه ماخاب ظنه
وصلو ا على المصطفى والال والصحب الاماجيد=واختامها الشكر للمعبود من انسه وجنه

اقول الصدق في نظم البيوت ومسندي حبي = لعلم فيه خير ليا ذكرته يستوي قافي
عسى ربي يو فقني واقدم شي ينحبي = ليا منه بدا للناس مابه عيب ينشافي
تاملتاالحياة بعمق جبت الفود واللبي= وخير الناس من عاف المغثرب واظهر
الصافي
كثيرالناس متعلم وبالاخلاق متربي = يبون الطيبة واللي بليا طيب تنعافي
كلامي فيه نصح ولا بقلبي مكرمتخبي= عليم الله ترى هذا الوفا من خافق وافي
امرنا الله بما يرضى وحنا نطيع ونلبي= ولا نشقى بعلم من شئون الواحد الكافي
يميت ويحيي ويمنع ويعطي فالق الحبي = ويفعل مايشا والشكر مناخير واخلافي
مادام ان الامر لله لايش الجهد ينصبي = نبي نبني ونهدم والامر له بين وخافي
علينا السعي ماعشنا في عصر الشيب والشبي= وناخذ ماقسمه الله ونطلب ستره الضافي
ونكرم من عطاه الضيف واللي حاله مهبي= وحي يمنع المحتاج ماني له بميلافي
وليامنا بلينا بالمرض نسعى الى الطبي = مع انا نعرف ان الله خالقناهو الشافي
وفي كل الامور ارفع يدي واقول ياربي= لعلي في الحياة اعيش في خيرك ومتعافي

من وازع القران سميت بالله=وابني ييوت الشعروالعون بالله
مسلم مصلي حاج وموحد الله= وابرا من المشرك الها مع الله
انا استعن بالله وانا اعبد الله= ومن قال انا مسلم هواخوي في الله
وابدا بنفسي وانصح الناس لله= ماابغي ثمن غيرالمثوبة من الله
اقول للمحروم روح اطلب الله=ماينحرم من قال يالله يالله
ان شفت لك ميِس قل ارجع الى الله=مايياس الانسان من رحمة الله
لاشحت امورك توكل غلى الله= واسعى في ارض الله ورزقك على الله
وان شفت لك مظلوم قول ازبن الله=يلقى الفرج من قال داخل على الله
ومن شوفة الظالم قل اغوذبالله=من كل ظالم ماخشى قدرة الله
والمشتكي قل له ترى الشافي الله= ياالله تشفي كل مرضان يالله
وان كنت في نعمة قل الحمد لله= ترى دوام الخير بالشكرلله
وان شفت لك ماطاب انت اذكرالله= وقول ماشاالله على ماعطى الله
واذا بليت اصبر قل انا الى الله= لاحول لاقوة لنا الا بالله
ومن ذنوبك توب واستغفر الله= وفي كل حالِ فوضِ امرك الى الله
وصلاة ربي عد مايخلق الله =على رسول بالوحي خصه الله