ديوان -الشاعر محمد الكنيـــــــــــدري

جعل الحديد الذي حدك = يصهر وتحنى مصاليبه
وتعود له قلب من ودك= وتريحه في مطاليبه

عدت سنين العمر ياسيد = وانته وانا في جفاء وخصام
تعال نقضي سواء ونعيد = ذكرى هوانا صفاء وليام

ياسيد حالي ولاحالي = الله عن الحال لايوريك
فى عراكهه سيف وقتالي= لوشفتها بالنظر تبكيك
ومزبانها رؤس الاجبالي= وانته فى روض الحمى ترعيك
يامغربل القلب غربالي = لاوين بالعطف تسترجيك

استلطفه بالكلام العذب = واذكره من هواء الماضي
كيف اقنعه والموالف صعب = ومع كل حلفي مهو راضي

لي سيد قفى عن الديره =في ليل فيه العباد ارقود
ناسي لي الحق فالجيره= ولاهو فى خبري منه معهود
واصبحت من حال تأثيره = غايب وبين البشر موجود
ابكي والافكار في حيره= ودموع عيني عليه شهود

دام الهواء بيننا مسموح =وعانق لها شوق باشواقي
حبي لها صار حب وضوح= واستوطنت داخل اعماقي

ذابت شموع الفرح والانس= واستوطنت ظلمة الآحزان
وطرفي يراقب طلوع الشمس= محتاجها لحظة النسيان

واقلبي الي معنيني = كل مانهيته يزيد اصرار
يتبع غرام المقفيني= ويرمي ضلوعي حطب للنار

عشنا وشفنا كثير احوال = وسود الليالي سريناها
وياكم قلنا من الاقوال= ودروب ياما مشيناها
وياما نصينا سنود رجال= فى وجوبنا تكفل الحاها
واليوم ضاعت بنا الآمال= في ناس مانعرف الغاها

حنا بدو نعشق النيران= وياويل منهو يعادينا
نسمه هوانا من البران= والكيف فينا قهاوينا
ولادق واجب من الشجعان= تحن الاوامر تلبينا
مانقبل الضيم والطغيان= لو كان فأصغر عضو فينا
ولانخايل الهيج للضميان= يشرب من الي فيادينا
والضيف نفتح له البيبان= وحراسها دون عانينا
ونعامل الناس بالاقنان= ومفزاعنا مايعضينا
والقاله الي بها نغصان= مزبانها عند قاضينا
كتبأ كتبته على البرهان= ومعروف للناس ماضينا
حروب لولا التباعد كان = في جمعنا من يساوينا