محاورة جماعية لكل الشعار ،، كل شاعر يشارك فيها مرة او اكثر حتى تصبح اطول قصيده

أولو العزم كانوا من الرسل والنبيين=ومن سار سيرتهم عزومه قويه
وحنا على سيرة رسول المسلمين=بكل الرسل نؤمن هدات البشريه
مــــــــع تــحـــيـــات=الـفـتــى ابوبندر الرشيد

	مع التحية والإحترام لجميع الشعراء الذين يودون المشاركة في هذا الموضوع :- ارجو الإطلاع على مايلي حيث انه منهج الإشتراك في هذه المحاورة ؛ وأكرر الرجاء الا يسجل هنا مشاركات موجهة لشخص محدد ( لامدح ولا ذم ) ؛ وأية مشاركة يجب ان تكون على اساس مايلي :- حيث ان الموضوع محاورة قـلطة لتكوين أطول قصيدة في موضوع ذكر محاسن هذا الوطن ( وطن الحرمين الشريفين ) ، ومدح الإسلام والمسلمين و التفاخر برسول الله محمد ( صلى الله عليه وسلم ) والتفاخر بسيرته وسيرة الخلفاء الراشدين والصحابه والمهاجرين والأنصاروالتابعين ، وأبطال المسلمين وقادتهم والمعارك الفاصلة في تاريخ الإسلام ،الى ان نصل الى التفاخر بوطننا المملكة العربية السعودية وملوكها الكرماء وابنائها المخلصين لله والوطن وولي امرنا حفظه الله وحفظ الإسلام والمسلمين ... آمين ،، والتفاخر بنهضة المملكة في جميع مجالات العلوم .... الخ وستصبح ان شاء الله اطول قصيدة ، وجميع المشاركات تكون في هذا المجال فقط ، !!!!!!!!!!!!!!!!!!!!!!!!! !!!!!!!!!!!!!!!!!! !!!!!!!!!!!! !!!!!! !!! ! ملاحظة هامة :- لتشجع جميع الشعراء على المشاركة : وحفاظا على حقوقهم الفكرية ، يجب على من يذكر كامل القصيدة أن يذكر اسم الشاعر عند كل بيتين يشارك بها ، وهو اقل ما نكافئهم به مع الشكر والتقدير والإحترام لهم 0 !!!!!!!!!!!!!!!!!!!!!!!!!!!!!!!!!!!!!! مع تحيات الشاعر الفتى : ابوبندر الرشيد

،

سلامي لكم يالمنتدى بالملايين =انا فكرتي ننظم قصيده جماعيه
وكل شاعر ينظم على اقل بيتين= هدفنا نطولها قصيده قياسـيه
* هلا بك وبالفكره وحسب القوانين= نبي نمشي الخطوة بصوره نظامية
نبي لوحة(ن) شعرية(ن) تحمل الزين= بشعر(ن) جديد الطرح مافيه هاويه
ونبني بها معنى على الراس والعين= تقومون فيها يالزحول النداويه
وننهج بها نهج الصقور الميامين =ونارد بها كل العدود الرهاويه
وفي منتدانا للرياده عناويين= مثل فكرتك ياراعي الأوليه
ونبغا نسايرها بسلم وقوانين= على منهج الباري وسنة نبيه
ترى في بلادي الخير لكل المسلمين = بها عزنا الله والمعيشه هنيه
بها نعبد الله ونحمي الأرض والدين =وكل بها اخوان ترانا سواسيه
حكامها بالشرع صاروا سلاطين=كل(ن)بناها دون ربيه ومريه
شعارها النخله وعلى الباب سيفين=منه نواها بشر ذاق المنيه
* بها خصنا الله بالجزيرة ببيتين= سعدنا بخدمتها بحب و طواعيه
والى جوا ضيوف الله مرحا و أهلين= يقضُّوا مناسكهم بيسر و رفاهيه
شعار الوطن نخله لرمز الكرم واللين = لها ذكر في القرآن رطبها جَنـِيَّـه
وسيفين يشق المعتدي صار نصفين = وحـنا لها بالروح نفـدي هـديـَّـه
* وحنا لها حماة(ن) على العسر و اللين= من أشرار خلق الله عيال الحراميه
متى ما دعى واجب فحنا ملبين= نقول ابشري، كل(ن) يردِّد عزاويه
على سنـة الله والرسـولِ الأميـن= نَعم نحمد الله كلنا فـي السعوديـه
على نعمة الله شكرنـا مستعينيـن= على البِر والتقوى عزوم(ن) قويـه
* و من يستعن بالله و يخزي الشياطين= يحصِّل، مع التوفيق، مجمل أمانيِّه
و على صدره السامي يعلِّقْ نياشين= و يبعد عن دروب اللّعين و بلاويِّه
وحنا على الاسلام دعاة (ن) مستقيمين= الى العالم رسالتنا رسالـه سماويـه
ومن يهتـدي يلقـى سعـاده بداريـن= ونفسه مطمئنه راضيه دوم مرضيـه
* عسى الله يكفينا شرور الحسودين= و عسى من زرع له شر يحصد مساويِّه
و عسى بلادنا تفلح بكل الميادين= وحنا مع القايد نبارك خطاويِّه
بها شع نور الحق من فـوق غاريـن= على المصطفى محمد شفيـع البريـه
رضا الله على الأنصار وكل المهاجرين= وعلى التابعين وإنَّـا معاهـم سويـه
* عسى ديرة(ن) ضمت حراء و الحرمين= والانصار و اللّي هاجروا و الحساويَّه
عساها تعيش بعز و بأمن قرنين= مع الدِّين و اهل الدِّين تعمر اراضيِّه
عسى راية الإسلام فـي عـز ، آميـن= وللمسلمين النصـر وعيشـه أخويـه
ومن ينصر الله فاز فـي عـز داريـن= نصَرنـا بِـذي اليرمـوك والقادسيـه
* وعسى الله ينصرنا بساحة فلسطين= و يدحر خشاش الارض من غير ماويَّه
و عسى من دعمهم ياخذ الجور ضعفين= و يصبح مشرَّد و اهل بيته جلاويَّه
بنقطف زهور الشعـر ورد ورياحيـن= ونارد عـلا ذا الملتقـي كـل عشيـه
ويعيـال عمـي سجلـوا بالـدواويـن= فعول الرجـال اهـل الكـرم والحميـه
مدام الله اعطاني كثير النعـم وطحيـن=أنا أشكـر وأعبـد ربـي أنعـم عليـه
ولايكمـل الرجـال مـن غيـر ثنتيـن=كرم مع خصـال الديـن يعلـو شويـه
نصرنا الآه الكون في معركـة حطيـن=نصرنا علـى كـل الغـزات الأوربيـه
وفي معركة جالوت هولاكـو و بنبنيـن=نصرنا علـى كـل الغـزات المغوليـه
ولايافتـي يفـداك ماقلـت راضـيـن=ولا عنـدنـا لربوعـنـا مشـنـويـه
اناوانت في ذا البيت سرنـا خشيريـن=ولامـن تكاتفـنـا ننـجـح قضـيـه
أساس الحضارة كلهـا فـي المياديـن=علوم الفلك والطـب وكـل الصناعيـه
ظهرها وطورها من أبناء هـذا الديـن=جعلنا أوروبا مـن جهلهـا حضاريـه
* و ترانا علينا واجب(ن) حَلْ ذا الحين= نبي نبني التاريخ طيّه على طيّه
نبي نرفع امّتنا بصف الجسورين= بصف الشعوب اللِّي قِبَلْ نارهم حيّه
وعمت حضارتنا مـن الأندلـس للصيـن= وهارون يوم (ن) قال: خراجك يجي ليـه
ويوم أهـدى الساعـه الـى شارلمنيـن= زعيم الفرنجه خايف(ن) ، قال :وش ذيه؟!
* لأنه ملك جاهل و من قوم غاوين= وجتهم حضارتنا و صاروا بهاويَّه
علوم الموسيقى، كيميا و فسيولوجين= و علوم الحساب و هندسة أو طبيعيه

*مع تحيات الصييفي

معليش اخوي انت تبي محاوره والقصيده على وزن القافيه وسمحوني على القصورماني فاهم الموضوع

	المشاركة الأصلية كتبت بواسطة اسير الشوق

	معليش اخوي انت تبي محاوره والقصيده على وزن القافيه وسامحوني على القصور ماني فاهم الموضوع

****************************************
ت

تفضل اسير الشوق ، وقل يالله اتعين=تراها كما يالي : قصيده وطنيه

للـتـذكـيـر :-
محاورة قـلطة لتكوين أطول قصيدة في موضوع ذكر محاسن هذا الوطن ( وطن الحرمين الشريفين )

سلامي لكم يالمنتدى بالملايين=انا فكرتي ننظم قصيده جماعيه
وكل شاعر ينظم على اقل بيتين=هدفنا نطولها قصيده قياسـيه

--------------------------------------------------------
الوزن :

فعولن مفاعيلن فعولن فعولن=فعولن مفاعيلن فعولن مفاعيلن

مع تحيات الشاعر : الفتى mozahimi

طيب كيف المشاركه

اشكر لك هذا الجهد المميز

واعتذر عن المشاركه في الوقت الحالي للظروف

تحيتي وتقديري لك

	كل عام وأنتم بنعمة الإسلام في صحة وعافية ويركات من الرحمن الرحيم الحمد لله الذي بلغنا واياكم شهر رمضان أعوام عديدة وأن يجعلنا جميعا من صيامه وقيام فيه بالعـبادة واعمال البر والتقوى وأن يجعلنا ممن يقرؤون كتاب الله الكريم وممن يتدبرون معانيه ويعملون بما امر الله ورسوله وإجتناب مانهى الله ورسوله طاعة لله ومرضاته 0 آمـيـن <<<>> آمـيـن <<<>>آمـيـن

صحت السنتكم جميعا