ديوان قصائد الشاعر ( أحمد العامودي )

هذه القصيدة
على بحر من بحور ما يسمى بالشعر الحميني
وهذا الون من الشعر موجو في جنوب الجزيرة العربية
عسى أن تنال اعجابكم ورضاكم

قال العمودي لقيت الود شي يسحر=كم نفس تفنى وهي بالود مشغولة
الود مثل المرض في صاحبه يظهر=ويثر في جسمه وفي فعله وفي قوله
كم طرف دمعه على الوجنة ذرف وامطر=وتلقى المودة عن العبرات مسؤولة
وكم عين تهجع عباد الله وهي تسهر=وما تسهر الا يقع بالود معلولة
الود شي زين حالي باهي المظهر=القلب يستدرجه ويلف من حوله
طبيعته واحدة بالبر والبندر=اللطف والحلم والأقوال معسولة
لكن ما عاد شي من سايره يقدر=يرجع,عن الود رجعة غير مقبولة
من ساير الود يتحمل ويتصبر=أو بايقع في عواقب غير معقولة
عواقبه دوب قتالة وماتشكر=كم نفس حية وهي بالود مقتولة
ولي هو يخاف العوقب منّها يحذر=وما يسلم انسان داس الجمر برجوله
وصلو على المصطفى اعداد من كبر= وكل مشكلة باذن رب العرش محلولة

سلام والمعنى فتقدير الاصحاب=بلسم جروح القلب ومجربينه
والمذهب أللي بيننا يغلق الباب=لاكان منهج سايره تابعينه
هاذي نعالجها بمعذار وعتاب=وراعي الخطا كل الخلايق تدينه
والثانية من بعد تفتيش وحساب= نصدر حكم حسب الذي شايفينه
بعد الحكم نقفل على كل الابواب=ويتصافح المطلوب ومطالبينه
ومن طاع نفسه وغر من ظبط الاعصاب=حقه يضيع أللي له مسعرينه
الحق مايوخذ بتبريم الاشناب=وهذا الكلام انته وانا خابرينه
في عرف ماهو علم مكتوب بكتاب=ورث الجدود وكلنا وارثينه
والبعض منا مكتسي منه جلباب=جدودنا في عهدهم مرتدينه
ما يجهله راعي مواقيف واطياب=وانته من أللي منهجه دارسينه
ولا بد ما للعلم ياماجد اسباب=مير الذي كل العرب عارفينه
انك رجل مرموق يحسب له حساب=معروف بين الناس ومقدرينه
لا يصير في خاطرك شكة وترتاب =قيس الامور وردكم محترينه

قصيدة عسى تنال اعجابكم ورضاكم

كل ما مشينا في طريق الناس راحت مع طريق=مدري علام الناس ماصارت تطيق دروبنا
حتى الذي طول السنين نعاملة مثل الشقيق=تغير اسلوبه وعاملنا بعكس اسلوبنا
القلب ضاق وحس من ما شفت بعيوني بضيق=من ربعتن ضاقو علينا وعكرو مشروبنا
وانا الذي مااضيق وابغى الناس مني ماتضيق=لكن هذا حضنا العاثر وذا مكتوبنا
والله لو كنا ندس السم في جوف السويق=ماضقت لو كل الخلايق يعلنون حروبنا
لكن تحمل خاطري مماجرا مالا يطيق=ويقول نتعشا بهم قدام يتغدو بنا
ومادام يوجد فالعرب عاقل وبعض الناس خيق=وحنا يميزنا عن الجهال طيب قلوبنا
نصبر ونطحنها الين تسير أدق من الدقيق=ماعادني قايل وش أللي صار وش سووبنا
وكل امر ندري مايصح بآخره غير الحقيق=ماعاد لي نفس اتحمل ذنب فوق ذنوبنا
وأللي يسوي رتبته رايد أنا قبله فريق=مير الوفا والطيب والمعروف هي مطلوبنا
الله يوفقنا ونتوثق بحبل الله الوثيق=قدام لا نفنى وفوق اكتافهم يسروبنا

خاطرة عسى أن تنال اعجابكم

آه واقلبي أللي شب جوفه لهيب=وشال روحي لحد اليوم ماجابها
واحد(ن) صار لي فالود خصم وحريب=ويدري انه علاج الروح واسبابها
مير فعل الليالي فالبنادم عجيب=يوم تعطي ويوم تقفل ابوابها
مر به ظرف قاسي فالزمان القريب=اشترى له بظاعة وما تهنا بها
وصار يبكي ويتعذر وحاله صويب=بعد جرب وصاب النفس ما صابها
دوبه اللي درا ان الهجر قاسي صعيب= بعد روحي هلكها واتلف اعصابها
قلت له روح ماصدقت جرحي يطيب=وجاز قلبي ونفسي قفلت بابها
وبعد قفى طلبت الله بجاه الحبيب=يهدي النفس قبل النفس يسرى بها

قصيدة عيد 1431ه

انا اعرف ان العيد لوغاب عايد =ولجله يعود الناس سموه عواد
والناس تفنى والليالي جدايد=من تمت ايامه على العيد ماعاد
وين الذي كنا معاهم نعايد=ونقضي ليالي العيد في أنس واسعاد
أقفو هل المعروف واهل العوايد=وخلو عليهم داخل القلب وقاد
حزني عليهم ليلة العيد زايد=طرفي ذرف دمعه على روس الاشهاد
يالله يامنشي المزون القوايد=رحمتك يامن له من الأمر ماراد
وتقفر ذنوب مقدمين الموايد=انته الكريم وكانو كرام واجواد

قصيدة عيد 1431ه

انا اعرف ان العيد لوغاب عايد =ولجله يعود الناس سموه عواد
واناس تفنى واليالي جدايد=من تمت ايامه على العيد ماعاد
وين الذي كنا معاهم نعايد=ونقضي ليالي العيد في أنس واسعاد
أقفو هل المعروف واهل العوايد=وخلو عليهم داخل القلب وقاد
حزني عليهم ليلة العيد عايد=طرفي ذرف دمعه على روس الاشهاد
يالله يامنشي السحاب القوايد=رحمتك يامن له من الأمر ماراد
وتقفر ذنوب مقدمين الموايد=انته الكريم وكانو كرام واجواد

قصيدة بتاريخ 29\10\1431ه

ليت من ينطق ولو كلمة صريحة=نشكرة لجلة تكلم بالصراحة
الحقايق قولها ماهو فضيحة=ميزة الرجال صدقه والوضاحة
سّرك ان به منفعة للناس بيحه=تكسب اجر المنفعة واجر الاباحة
واعلم ان الكون والدنيا فسيحة=وكل ضيق يصير من بعده فساحة
وبعض خلق الله لهم خلقة مليحة=وزادهم ربي أدب فوق الملاحة
وبعضهم طبعه وعاداته قبيحة=وخلقته واصبح قباحة في قباحة
الروائح ذيك ريحة وذيك ريحة=بعضها منها تحس النفس راحة
وريحة الجيفة وفظلات الذبيحة=عافها اللي بالخلا نسمع نباحه
والمطايا متعبة وفيها المريحة=سمعة رجال الكرم واهل الشحاحة
واربط المتردية جنب النطيحة=والبكا ماهو أخير من النياحة
قلتها ياهل العقول اللي رجيحة=من بحر مافيه غوص ولا سباحة
لجل ينهض كل طايح من مطيحه= العزم والصدق أعز من الطياحة

--------------------------------------------------------------------------------

في يوم السبت 4|8|1433ه
حضرناحفل زفاف أحد الأصدقا بالسويرقية ألا وهو متعب القيداني أنا
والأخ سامي الصبحي وأثنا مانحن جالسين ذهب سامي الى الخارج واذا بأحد
الضيوف يسلم عليه واستأذن مني بالجلوس وجلس بجانبي وأخذنا نتجاذب أطراف الحديث
وماهي الا دقائق معدودة حتى صرنا كأننا اخوان من طيب هذا الرجل وكرمه ودماثة أخلاقه وعرفنا
على نفسه وتعرف علينا وتبادلنا الأرقام والعناوين وعزمنا عزيمة الرجل الكريم الذي من العيب عدم قبول عزيمته ولكننا مرتبطين بأمور أجبرتنا على الاعتذارولكن وعدناه بزيارة خاصة متى سمحت ظروفنا
وكذالك الحال هوا وعدنا بأن يزورنا لو أتى الى جدة ان شا الله فمعرفة شروا هذا
الرجل مكسب عظيم وفي الحقيقة ماذكر ليس بمستغرب فالرجل عزيزي
من قبلة مطير وقبيلة مطير من قبائل العرب المعروفة بالكرم
والرجولة دون قصور في باقي قبائل الجزيرة العربية
وماحرك قريحتي بعد كرمنا معازيبنا هو سؤال الأخ سامي لي عندما قال ماشاالله يابوعمر بهذه السرعة
تعرفت على الرجل وأصبحتم كلاخوة فكتبت هذه القصيدة وأرسلتها له لعلها تصله وهو في أتم الصحة والعافية فقلت:

أنـااحـمـد الله كـــل مـاجـيـت فـــي دار=كـونــت لـــي بالـطـيـب فـيـهـا عـلاقــة
مع ربعتن يسعد بها الضيف والجار=ويـــقــــدرون الـمــعــرفــة والــصـــداقـــة
ويصـبـح لـهـم عـنـدي مـعـزة ومـقـدار=وحسب الوفـا والطيـب نصبـح رفاقـة
ويامرسلي لا جيت في ديار الاحـرار=ديـــــرة مــطــيــر مــجــوديــن الــعــراقــة
تلقـى العزيـزي مـن الرياجيـل الابــرار=سلـم عليـه واعطـه مـن الــورد بـاقـة
وقـل ياعلـي خطوتـك تشريـف لـلـدار=وابـوعـمــر مـشـفــق عـلـيـهـا شـفـاقــة
ولابــد لــي مـاجـيـك بالـمـهـد مـشــوار=ووقـت الـلـزوم أخــوك حـمـاي سـاقـة
وخطوالفتـى شــرواك وافـيـن الاشـبـار=أمــا الــردي مـالـه مــع الـنـاس فـاقـة
والختـم صلـى الله علـى سيـد الابـرار=اعــداد مــا فـاقـت مــن الحـمـر نـاقــة
ومـاعـاد بـعــد الـــزاد والـمـلـح مـعــذار=والـمـعـرفـة مــاهــي مــــزاج وعـشــاقــة

وسلا متكم

#1
العامودي
شـــــاعر

الردمن علي المطيري علىقصيدة(ماهي مزاج وعشاقة) العمودي

--------------------------------------------------------------------------------

الحمدلـلـي ماخـفـي غيـبـه اســرار=انــزل لـنـا ديـنـه وامــر باعتـنـاقـه
وحييت ياللي رتب القول واختار=جـزل القصيـد بـكـل ذوق ولبـاقـه
احمد لعله مـن طويليـن الاعمـار=رجل بفعـل الطيـب صعـب لحاقـه
يـفــرح بضيـفـانـه لـيــا جـــوه زوار=والـبــن الاشـقــر لريـاجـيـل سـاقــه
يــقــدم الــجــزلات ويــشــب لـلـنــار=والـعـود لــه عـجـة وطـيـب زراقـــه
ان قدر الله جيت واخذت الاخبار=والوقت بعض احيانا يكون عاقه
وتبقـى المعزةوالوفـا بيننـا اشـعـار=وجعلـه موفـق ويـن مـامـد سـاقـه

قال العمودي البارحة هاض بالي=وابديت مما بالحشى كنت مخفيه
بنيت من طيب النبا حصن عالي =وزبنت ربعي به وسكنتهم فيه
حيث اني أفدي ولد عمي بحالي=وقت اللزوم وماقفي ما أخليه
آخذ مع عيال الحمايل مجالي=وعزيز قوم انذل أعزه وواسيه
واسمر واسمع واستمع مايقالي=والعلم مااجيبه لغيري واوديه
وماهمني زاد او نقص راس مالي=آخذ حقوقي واعطي الحق راعيه
ما أنزل ألا بالرقاب الطوالي=وهذا نقف دونه وهذا نذريه
وماني موصي بالمراجل عيالي=شروا عيالي مايبي من يوصيه
عيالي رجال ومن عيال الرجالي=أللي لهم تاريخ لليوم طاريه
بين الديار من السنين الخوالي=كل العرب بالخير لليوم تطريه
ومن قال انا جدي وعمي وخالي=وجدي على منه قعد في حراويه
الرجل ياخذ من علوم الرجالي=ماينفعه وأللي بلا نفع يهميه
ويرقى الطوال أللي صعاب المنالي=خطو الفتى دايم بعيدة مراميه
وخطو الفتى في ماقفه مايبالي=ويلوم نفسه قبل غيره يخطيه
هذا ومولانا عزيز الجلالي=له الكمال أما المخاليق ترجيه
يالله ياوالي على كل والي=رحمتك يومن فيه وجهك نلاقيه
وختامها صلو عدد مايلالي=برقن من المنشا ثعوله تباريه
على النبي وآله بأول وتالي=والعمر مهما طال الايام تفنيه