ديوان -الشاعر محمد الكنيـــــــــــدري

قالـو هـوى قـلـت مانحـتـاج=عـــشـــنــــا هـــــوانــــــا وعـــديــــنــــا
ولاعاد نقدر على الأنتاج=وبـحـسـاب الأعمارصـفـيـنـا

لاعاد تمره ودلة كيف= ولاعاد فيها سمن بري
البيك عود عشاء للضيف= اللي من اول لحم حري

سديت دونه رسـوم الديـن=وفكيت اسره من التوقيف
والـيـوم عـنـي يـعـد الـشـيـن=ويشيـع بالكـذب والتوليف

ماهمني فيك وش حضرتك=انــــا ولــــد حـــــرب فـــــى قـبــالــك
لاتـحـسـبـنـي حــســـب نـظــرتــك=بــــــخــــــاف لاقــــــمــــــت لـــقـــتـــالـــك

اللي جرحني وخلاني= ماني فى مرسى على بره
لاهو تجمل وداواني= ولاهو كفاني هوى شره

كان الرويتب يجينا كاش= واليوم يلزم يمر البنك
ويمررونه على الكماش= ولو سال دمك مايدري عنك

يـاهـيـه خــلــك مــعــي يـاهـيــه=لاتصد عني بدون اسباب
انـــــــا تـــرانــــي هـــــــواوي بــــيــــه=ماطيب للي معي ماطاب

يـــاونـــتـــي ونـــــــــة الــنــشــبـــان=الـلــي عـلــى الـبــاب طــلابــه
لاعــــاد صــدقــه ولاحـســبــان=بعد اتضح له من اصحابه

مـــع قسـمـتـه راح لاكـنــه=بالشوق يرسـل مراسيلـه
اسـتـقـبـلـه كـــيـــف لامـــنـــه=غيري جناها محاصيله

ياحرب قمنا وطانا الليل= كثر السهر ينبش الاجراح
قدام نشكي فتور الحيل= وتفوتنا نشوة الافراح