ديوان -الشاعر محمد الكنيـــــــــــدري

يامن فى حاله شكى له ضنك=واكـــلـــه مــــــن الــعــيـــش مـتــقــفــر
وان راح يـطـلـب جـهــاز الـبـنـك=قـــــــل الــطــلـــب غـــيــــر مــتــوفـــر

يـــاونــــتــــي ونــــــــــــة الـــنـــشـــبـــان=الــلــي رمــوبــه فــــى الانـشــابــي
محبوس مرمي وراء القضبان=مــــن دون عــرفـــه بـالآسـبـابــي

قلبي دخلته بلا دستور= وحبك وصانك وعذبته
ان كنت مالك هوى معذور= ومسموح من جرح سببته

والله لـــــولا ظــــــروف الـــوقـــت=الــلــي حـدتـنــي عــــن الــبــران
لاشد وانزل فى ذاك الخبـت=ولابغى الحضاره ولاالعمران

سـاكــن فـــى شــقــة سـمـرقـنـدي=وكـيـفــه يــــزود عـلــيــه ايــجـــار
جــــاري وحـــــده عــلـــى حـــــدي=ولاقــــــــــن عـــــنـــــده ولامـــــقــــــدار
كــنــه صـفـقـنــي عــلـــى خـــــدي=مـن تحـت بابـي لقـيـت انــذار
وانــــــا حــيــاتــي عـــلــــى قـــــــدي=ومسـتـور حـالـي مــن الـسـتـار
وارســـلـــت لـــــــه واســتــلـــم ردي=يابو سماهر وش اللي صار
قــــــال امــتــلــك حــــــق وبـــيـــدي=وبـعــطــيــك مــهـــلـــه تــــــــدوردار

قـالــو هــــوى قــلــت مــالــي ســيــد=اهـــــــــــوى غـــــرامــــــه ويــــهــــوانــــي
لاصبحت مصبح على التنكيد=ولامــســيــت مــخــلــي ووحـــدانــــي

الـلـي تمـامـه مـعـي مـاتــم=مــانــي مــكــرر مطـالـيـبـه
ولانـــــي مـفــكــر ولامــهــتــم=والــلــي نـحـابــه يـضـويـبـه
وبنـسـى غـرامـه اذا مـالـم=غيـر فـى ذوقـه واساليبـه
ولـيـام غـيـره هــوى بالـكـم=ويبقى فى جوزة معازيبه

ليلي قضى وانجلاء صبحي=من حال يالله صباح الخيـر
وبـعـد اتـضـح نـاتـجـه ربـحــي=مـانـلـت مـنـهـا طـعــام الـطـيـر

تصبح على خير ياروحي= ارتاح وانا بروح ارتاح
وارجوك لاتنبش جروحي= وتقلق منامي من الآجراح

ياطول صبر الهوى طولاه=بــــعـــــد اشـــتـــكــــوه الـــهـــواويــــه
كــلـــن مـغــنــي عــلـــى لـــيـــلاه=اهـــــات فـــــى قــلـــوب مـبـلـيــه