مــــوال لكم ياهل الملتقى من رفيع

انته تحب الشم قلنا تشمم = واليا نشقته يلزم انك تيمم
وادرع بوسط السم لينك تسمم = واللي تبيه العين تسهر وتلقاه

يالطالب اللي قدم دكتورك عضامك ترتعد = افهم دروسك وانتبه لاعاد ترفعلي يداك
هل يعقل انك ماتشوف اخيال لا ازعجك الرعد=ياللي تهايط لك ثلاث ايام ماربي عطاك

تصبح على خير

اشكر الجميع على المتابعه

والشكر الشاعر خالد على المواصله وجزالة الابيات فهو شاعر جيد اتمنى له التوفيق
ولكن للفائده والبعد عن المجامه لان المجامله هي ساس الفشل والبعد عنها هو سر النجاح واتمنى ان تتقبلها مني وهو
عندك كثير من الابيات لم تزنها جيد والوزن من اهم الشروط وهذا لايعيبك لجزالة الابيات وحسن الرد ولكن هذه ملاحضه لمصلحتك ولاتنزل من مستواك واكنت تريد الابيات الاتي عليهن الملاحضه فانا حاضر اضعهن امامك واعتقد انك ملاحضهن ويجب على الجميع عدم المجامله وعدم التجريح وياليت يبتعد عن الالفاض الساقطه ولو كانت لاتقصد بعينها ولكن الجميل دائماً اجمل

اتمنى التوفيق للجميع

ــــــــــــ انا مدري شاعرنا انهاها اولا ولكن الله يعطيه العافيه ـــــــــــ

بيض الله وجهك رفيع المقام
ولاشكرا على واجب
اما قضيت المحاوره انتهت
بعدم اتوافق بلاهداف
اما قضيت الوزن
اذا كان بطاروق الاول فنا ماعترفله بتاتٍ موجب اني رديت من باب المجامله لحيث اني كتبت حجز
وهاذا اطرق كد مر علي ولعبت فيه مع احد الاعضاء بنفس المتقى ولاله لاطعم ولازعم
3حروف 0حرفين متحركه وحرف ثابت مايدي الى غرض
وطاروق الاخير قد يكون اني اجهدة فيه ويمكن اني طرفت بعض الابيات والشكر تعاملك معي تعامل شاعر
اذا كان اقل من30بلعمر فنت لك مستقبل0
واسهو وارد حتا بصلاه
ولاكن ودي ولو نك بينتها ممكن تكون غلطه املايه انا انسان وعامي كمان
اما قضيت توجيهك ههههههههههههههه مقبول وعمرك يطول يمكن اكبر مني سن او اصغر مدري والله
الكلمه اللي اباقولها لك هيا((افحص بيت الخصم قبل ان ترد))
وشكرا لك

اخي خالد فهد

اسعد الله صباحك ووجهك ابيض
انا لا اقصد الطاروق الاول الطاروق الاول لا اختلاف عليه مع انه ماحد لعب عليه بتاتاً الذي انا اقصد سأذكر بعض منها قد تكون فيها اخطاء املائيه على سبيل المثال
الموال الاول
يامرحبا ترحيبةٍ عبقريه = وشاوري بلكيس والنار حيه =
الموال الثالث تقريبا
زين النباء عندي وماجود عنك = لكن لاشوفك تلوح بزندك =انته يحدك عن الصمت جندك
الموال الخامس او السادس
انا بديره والجيب بديره = ما من سنع ياللي تقود المسيره
والطاروق
الظاهر انك مبتسم لونك عايش في كبد =لكن العلم جاك ولا تضربها درب الدكاك

ــــــــــ هذا بعض مما رائيت وياليت تفيدنا ان كان بهن اخطاء املائيه ــــ وهو مالون ووضع تحته خط
والكلمه اللي بقولها ( نفس كلمتك ياشاعرنا ) ههههههههههه
من عندي كل الابيات واضحه بمعانيها وسمها انشالله ـ
اتمنى ان تكون بيننا للقائات ثانيه
بس كاني اشوفك ماتبي توجيهات هههه الله يهديك بالشعر لايعرف صغير وكبير

ابك صح صح
املايه
اتعديل
الموال الاول
يامرحبا ترحيبةٍ عبقريه = وشاوري بلكيس والنار حيه =
هذا ماشوف فيه شي لاغلطه ولا املايه
الموال الثالث تقريبا
زين النباء عندي وماجود عندك = لكن لاشوفك تلوح بزندك =انته يحدك عن الصمت جندك
وهذا كذالك
الموال الخامس او السادس
انا بديره والحبيب بديره = ما من سنع ياللي تقود المسيره
صح
والطاروق
الظاهر انك مبتسم لونك عايش في كبد =لاكن العلم جاك ولا تضربها درب الدكاك
وهذا كذالك

مافيه مشاكل ولك وجهت نظرك ولي وجهة نظري ولكن غن الابيات وستلاحظ

على آيت حال ماقصرت واستانسنا معك

وفي امان الله

الشكرك جزيل الشكر والحكم للمتابع

ونا مدعي بلكماليه

ولاكن

((ماني جديدٍ بلقصيد يتعلم)) ((واالبيت ماجيبه متكي على برد))

ولد امس

الأخوان

رفيع المفام وخالد بن فهد الحربي

بصراحه المحاوره راااائعه

وشعار كبار بيض الله وجيهكم

وبدون مجامله

صح الله السنتكم

وبالنسبه لملاحظات الأخ رفيع المقام

هي اشياء بسيطه لاتؤثر على قيمة المحاوره ومعه الحق في وجهت نظره

وبالنسبه لرد الأخ خالد فهد على الملاحظات معه الحق لاني لم الاحظ خلل في ماذكر

سوى

زين النباء عندي وماجود عندك = لكن لاشوفك تلوح بزندك =انته يحدك عن الصمت جندك

اعتقد انه في سياق الوزن لكن ضعيف المعنى

يعني في رايي لوقال
انته يحدونك على الصمت جندك
او
وحذر يحدونك على الصمت جندك

هذا اذا ماكان الأخ خالد لديه معنى اخر فيها

لكن هذي وجهت نظر حتى لاتقولون مجامله

وبيض الله وجيهكم

والله يعطيكم العافيه

تقبلوا تحياتي

محاوره حاميه حماس

والله يعطيكم العافيه