الغــــــــــتره

الغتره اللي دمعتك جات فيهـا=والكحل عطرها بهلت عبايـرك
ياما وياما دمعكـي تحتويهـا=مع شعرتاً متعلقه من ضفايرك
هاذيك من بد الغتـر مهتويهـا=الطمبها بالوجه وأذكر مشاعرك
ابا اتنفسهـا بقـوه وبيهـا=ترد لي روحي بشمة عطايـرك
اليا تكـدر خاطـري ارتجيهـا=ترجع ولو ليله وحيده واسامرك
لحضاتها لوغاليـه نشتريهـا=لوهي سويعات قليله واسايرك
أجمل ليالي حالفـن منتسيهـا=بالخير انا والله ياشوق ذاكرك
شف حالتي بالله وش معتريها=كلي اسى بسباب فرقا سعايرك
أطلال والله عقبكم مـا نجيهـا=لامر شارعكم ولاقرب عمايرك