أخر قصيد أبكتبه قبل ماأروح ..!!

مساءكم سكر :
.
.
للتواصل مع قلوبكم الطيبة .. من القديم قبل سفري في مهمة رسمية :

أخر قصيد أبكتبه قبل مااروح = لك بس يامن ساكنٍ ( برج عاجي ) . . !!
جيتك وأنا مجروح واقفيت مجروح= زدت الجروح ولاسعيت بعلاجي . . !!
مشكلتك أنك تحسب القلب من ( لوح )= ومشكلتي اني في حياتي مزاجي . . !!
ليتك قبل ماتودع بقلبي جروح = فكـرت مـرة صـــــاحبي بإحتيــــاجي . .!!
مادام هذا القلب للوصل مفتوح =وانت ( المواطن ) ماانته انسان ( لاجي ) . .!!
وش يمنعك تبني لك ابراج وصروح= وتنهي معــانـاتي واشـــوف ابتهــاجي . .!!
وانا مابين الصمت وياك والبوح = لاقـــادر أوصـــل والطـــريق إزدواجي . . !!
إذا صمت الهــم في عيني يلوح = وإذا شكيــت وقـلـت لـك إحتــجـاجي . . !!
ماانته مسوّي شي .. لاشك مسموح = أنشــهد أن اللـــي نجــــى منك ناجي . . !!
يكفي إحس انك من الروح للروح = وليلك تسافر عتمته في سراجي . . !!

.
.
ولكم تحياتي ..