ديوان الشاعر عيسى رجعان الرشودي العوفي

ياعل براق الحيا كل مالاح=يسقيك يادارعشيري سكنها
يمطرعلى خد من القاع صحصاح=مراحب نبت الخزامى دفنها
مراتع تهتف لها البدو سراح=باطرافها يرتع ويركد ضعنها
ابوعيون سود نجل وذباح=عزالله ان الروح عنده رهنها
العود ناعم ويتمريح تمرياح=ياوردة مالت طوارف افننها
والرمش من تحته سواد الكحل ساح=لاسلهمت بالعين صديت عنها
والخد براق سرى الليل ضواح=في مزنة هل اسود الثعل منها
وجدايل من فوق الارداف طراح=والجسم متوسط وربي وزنها
والزين واجد بس قلبي لها ارتاح=ولاقول هي النادره في زمنها
قلبي عشقها عشق صادق ونصاح=على الشرف والعزماتبع لينها
تسكن شمال العاصمه بايمن ارماح=وانا بتبوك وشوف نازح وطنها
الله على اللي في فضا الجوسباح=اشرالثمينه لايردك ثمنها
من لاصبريندم ومن لارقى طاح=والنفس لاتغويك جود رسنها

[/frame]

	كل مالاحت من الغرب ياطارق بروق=من مزون مجهمه وانطلق ربانها ادلهم الجوغطت شعاع الشمس فوق=انهمرماها وسقى بالوطا عطشانها انغسل منه الثمروارتوت منه العروق=وقا م يطوي سيلهامنحدروديانها اخضرت ثم ارتعت بالفياض العفرنوق=والقماري غردت وانهضت جنحانها اه يازين الطبيعه لها طعم يفوق=تستجم النفس فيها وتنسى احزانها عبرة في قدرة الله باللفظ الصدوق=محكم التنزيل مايثبته قرآنها عبرة باوتادها والغروب وبالشروق=موعضه للنفس لاوزها شيطانها تمضي الايام والعمرياطارق سبوق=والسنين اللي مضت ماحسبنا شانها ننتظرعام جديدا على قلب شفوق=لجل ننهي مابنيناها من عمرانها كلما انهي شغل قلت استرح ياقلب روق=صارشغل وشغل والنفس ذا ديدانها الحياة الطيبه دين مع نفس خلوق=واحترام الغيروالعلم راس اثمانها

هاضت شجون الشعر والعزف والبوح=يوم القوافي من عطاهن عطني
ارسلت خطي وانتظر رد مسموح=وعبرالأثيرابراجهن راسلني
قالن تعرف اشروطنا قلت بوضوح=آبجتهد وان جاخطا قلت مني
قالن تفضل واستلم خط مفتوح=خاضع لكل اشروطهن والزمني
شفت البحر.وامواجه تشوحهم شوح= وقمارهن عبرالفضاء يرصدني
وقفت مدري وين بطلع وباروح=شفت البحور الهايجه وارهبني
ياقلب؟ قال اجزم ترى ماغرق نوح=بامرالولي فيه البواخررسني
ونفس تردك لاتسمع لها نوح=بكره تلومك مايفيد التمني
والذل شوم ولا يجي منه مصلوح=روم العلى لوسبلها يتعبني
ولاحد تجاوزسلم البرج لسطوح=خطوة ورى خطوة برفق وتأني
والموت مايعرف قبيح ومملوح=ياما آخذ في قدرسنك وسني
وياما خذا بالمجد من شادوا اصروح=سجل لهم في منبرالعلم فني
قنعت قلت اوعدك ياقلب لازوح=الحاجز اللي في طريقي حجزني
وماقدرالوالي مدون على اللوح=لله مايخلق ويعطي ويفني

رمتني اسهوم الموت من ناظريه السود=صواريخ هاون مع صواريخ بتريوت
اطالع اجروحي والمس الواقع المشهود=اكررسؤالي ماجرى؟ والحضوراسكوت
تبسم بضحكه كبريا وقعها مردود= وبانت ثمان كنها درة الياقوت
حلاة العسل سكرنباتي ثمرمنضود=حوت مبسم بين البياض وحمارالتوت
رشاقه لباقه مع حذاقه ليانة عود= لطافه نظافه كن منه الحلا منحوت
قوامه كلامه لبس هندامه الممدود=كسا جسمه الرياااااان ياحضه المبخوت
جماله دلاله كل ماقول فيه وزود=اناقه طلاقه قمة الذوق عذب الصوت
مهذب مؤدب راقي الفكريامسعود=ثقافه حرافه ياقمر ياشهد ياموت
حوى العلم وان العلم يبقى هدف منشود=لنفس طموحه رامت العزوافضل قوت
سعودية المنشا عليها الحلا بشهود=تحدت بنات الشام واللي سكن بيروت
وقعت بغرامه ول ياحضي المقرود=جرت نكبة التاتار في معركة جالوت

هـات القلـم واكتـب تماثيـلٍ جــداد=للشاعـر اللـي بالمعـانـي يـجـودي
عيسـى خبيـر الشعربالمعرفـه زاد=عرفه على بعض العوارف يزودي
قله نـداء يالحاتمـي صابـه اجهـاد=من كثر مايرقاء بروس الحيـودي
يرقاء وينزل بس للصيد مـا صـاد=عيـت تقـرب لـه خـطـاة العـنـودي
عنقاً لهـا فـي كـل ماطـال مرصـاد=اللـي لزينـات الوصايـف تقـوديـي
ياما تعبـت مـن اجلهـا ميـر مافـاد=ومن شانها صبري تعدا الحدودي
صبرت صبر ايوب والجهـد يـزداد=الصبـر طـال ولاتـشـاوت لـهـودي
=نداء الغيداني

عداد نوح اللي بخضر الشجرشاد=طيرالحمام اللي يعزف النشودي
وعدادماغيِّم سماء البيد وانقاد=الثعل من غرالخيال الركودي
يامرحبا بك يانداء نسل الاجواد=بني عمر ذخري سلائل جدودي
ترفع لكم بيضا على رؤس الاشهاد=دون الخوي كل عليها شهودي
يمنى نويشي سجلت رمزالامجاد=وجهه قمر.واوجيه الانذال سودي
وارجع لحلقتنا بتنفيذ وإعداد=على الهواء تقديم واسمع ردودي
انا معك باللي تبي حاضر؛وجاد=بالمال والا الجاه واللي نجودي
وياصاحبي ترى الهواء كله انكاد=والحب للعاشق عدو لدودي
والياتمكن يحرق القلب وش عاد=لوينعذل راعيه مافيه فودي
والله مالومك خابره سم الاكباد=ياما غدن بي لابسات العقودي
ومن صد عنك اقطع له الوصل من غاد=جازه حسب فعله صدود بصدودي
ولابدمايندم وياتيك رواد=هيهات فرصة وانتهت ماتعودي
=عيسى العوفي

رحلة جمعتنا
كلا
من عادل العمري
فهد(العمده)
عيسى العوفي
ساعات لم تخلوا من المرح
اليكم القصيده معبرة عن تلك الرحلة الجميله المرحه

يقول عيسى على طرق الهجينيه=هاضت اشجون القصائد واسع ياساعي
نغمة طرب وانتظار احلام ورديه=لحظة مرح فلها ماللشقا داااااعي
مليت كليت من ساعات رسمية=ونيت غنيت قلت آلطف اسمااااااعي
بسج الاقدام والنيه جنوبيه=على الهدى مع غروب الشمس مطلاعي
تكفى ياعادل ترى الدعوى لزوميه=حزم لنا العفش واربط فوقه اشراعي
وشيك على موترك يم الصناعيه=ركب وكاله وحذراء تاخذ اصناعي
رخص الثمن لايغرك بالتجاريه=لاتحتزم بالردي ياطائل الباااااعي
جميح GM من شركة امريكيه=مضمونة الصنع مع شاري وبياعي
ركب توايرجديده صنعه اصليه=قودير من دون تلبيسه وشماعي
وركب مع النورخلفيات غازيه=تكشف لك الخط فيه النورسطاااااااعي
الجمس هو منوة اللي عاقد النيه=على السفرمانوا عوده ومرجاعي
صفق الهواء للمريا صوت وسميه=قامت تدق الحمااااد وتبجد القاااااعي
كلا تعزوى بعزوه قلت حربيه=لورحت وابعدت لازم يمها انصاااااعي
خوتك والله يابوظافرشرف ليه=رجال وقت الله الله شهم مطواعي
مالي ومال الردي لارحنبوحيه=اللي على غرة الاصحااااب دناااااعي
العلم يامسندي مافيه سريه=واليا مشينا شرحنا كل الاوضاااااعي
نبي اديار جنوبيه احجازيه=دارلهلها الكرم صاعين بالصا عي
(لحبي )اللي بهلها الطيب ماريه=والطيب في كل دارولابه انزاعي
ارجال عند اللوازم نارهم حيه=ماحافهم بالبلد خاين وطماعي
ياشيخ جيناك والدعوى خصوصيه=ياعمدة القوم مايقصرلك اذراعي
انته لها ياوسيع العرف شخصيه=مغيرك احدا ينوب ويدعي الداعي
ياعمدة القوم هي تنصاك موليه=والياتعدتك والله كرتها ضاعي
ماني مفسر نبيها دبلماسيه=مدبلجه لونقلها صوت مذياعي

اتصل علي احد الاصدقا يسئلني
هل يجازي من آساء اليه بالمثل؟؟
ورديت عليه بهذه الابيات المتواضعه
عسى ان تنال اعجابكم

وجهة نظر ماقول انا قولي مصيّب=ابديت رائيي مثل للرائي من قال
ان جيتني بالطيب آعاملك بالطيب=ردالجميل وشيمة ارجال للرجال
وان جيت في علم الردى ماقربه عيب=تكرم بها مالي مع العيب مدخال
طبعي وربعي محتمين المواجيب=حربي بدربي متبع النذل لاعال
العز لو تشويك حر اللواهيب=موتي ولاقوتي ورى ايدين الانذال
العمربامرالله وماقدّره غيب=والراس تصعب رفعة الراس لامال
وسيرة ارجال الطيب منها المكاسيب=نوريدل اللي جهل يقدي الضال
اخذت من غيري ادروس وتجاريب=اسئل وآخذت العلم من رؤس عقّال

	لعل السحاب اللي نشى غرب وانحدر=على نجد يانواف تركد مخايله ويضلم سماه وينطلق منّه الثعل=ويسكرهواه ويبجد القاع وابله تلج الطيور بصوتها عند نزلته=مطرخير لابرد ولاهي بقايله يرش النفود وينغسل مثمرالشجر=ويجعل عبيرة نسمة الجوهايله حقاق يدق الارض من قو خابطه=يهزالنخل تلقى العراجين مايله ركد وابله لين ارتوى طامن الوطا=عليها ارتكى كل الاداعيب سايله سقا وادي الصمان مع وادي الرمه=لوادي حنيفه وصل سيله نثايله ثلاثين يوم وليل يانجد ديرتي= ومن لايحبك جعل ماني بقايله ثرى نجد عن غيره مثل صافي الذهب=وطاها هواها ماندوربدايله وغلامملكتنا من بحرجده الحمر=الى ساحل الدمام هلت هلايله من الجوف لهضاب الجنوب ومناطقه=رحمك الولي ياشبل هذي فعايله فعايل رع العوجا على صهوة الفرس=آباقول لي قولا وثبّت دلايله حكمها بشرع الله والأمن سادها= بعدخوفهم كل رقد مع عوايله نصر دعوة الوهاب غصب عن الذي=على عزة الاسلام يخفي غلايله شجاع على صيته تعلت مناصبه=على صفحة التاريخ طابت شمايله بلادي بلادي دونها يرخص الغلا=ملخص كلامي دون مزحه صمايله احب القنص باهضابها واعشق السهل=برفقة ارجال همهم كل طايله واحب القلوب الوافيه واحفظ الوفا=وراع الجميل اموت مانسى جمايله واحب الشعروالشعرمن عادة العرب=وراع الطيب والله يعجبني مثايله وقلبي خضرينساق من نسمة الهواء=لياشاف مزيون ينسف جدايله شريف الطبايع جعلني مقرب الردى=اموت بعزاز ولااختفي سد عايله =عيسى العوفي

اناحب ذات العلم واحب ذات الدين=احب النفوس الي مطيعه لواليها
بغض النظرعن من تميزبزود الزين=وذات التقى والزين يالله تحييها
ياحلو الصفات الطيبه تجمع الثنتين= ربح ماخسرمن باغلى الاثمان يشريها
انامنطقي واضح ولاني ببووجهين= انادائم احب السراحه وراعيها
كلامي صريح الصدق خمسين ظرب اثنين=ونفسي عسى ربي على الصدق يهديها
تفضل سؤالك حرفي الجيم وانت السين=اباعطيك موجزللروايه وراويها
وليه التكبر؟ والبشرساسهم من طين=ولعلمك ترى نفس الكبرنقصها فيها
وطبع النفوس الراقيه تتصف باللين= هواها رفيع وترتقي في معاليها
بعيد النظرماهوقصير النظرياحسين=ولا للقضيه غيرمقال قاضيها

ابملتقى حرب ابتدي بالتراحيب=في لابتي من غيرهم بعتزي فيه
هلاعددماتطلع الشمس وتغيب=وبعدالسلام انقى من الشعرصافيه
وعذري من اهل العرف واهل المواجيب=ان كان قافي مستوى الشعرمخطيه
للشعرنقاده ومخطيه ومصيب=ولاني على ماقيل شعري مزكيه
ياذيب يالي تقنب الصوت ياذيب=ياللي مع الغدراء بعيده مساريه
فج الخلامع حاميات اللواهيب=ومشي الوعرلواشهب الآل حاديه
اخيرمن مجلس به الشك والريب=لوكان قصرا عاليات مبانيه
والطيب والله ماتندم على الطيب=والاالردى شوم على وجه راعيه
وهرج القفا مايهزعكف الاشانيب=وكل على ماقيل عقله يقديه
والهرج هرج لايودي ولايجيب=واللي يجيب الهرج خله يوديه
والذيب ذيب ولاتجيه العذاريب=وكل على فعله يزكى بطاريه